20-Jul-2024

ହରଭଙ୍ଗା(ଦେବବ୍ରତ ଦାଶ): ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅନ୍ତର୍ଗତ ସିଙ୍ଗାଣିବିଡା ଠାରେ ମର୍ମନ୍ତୁଦ ସଡକ ଦୁର୍ଘଟଣା । ସରକାରୀ ବସ କୁ ଧକା ଦେଲା ଗୋରୁ ବୋଝେଇ ପିକପ । ଦୁର୍ଘଟଣା ସ୍ଥଳରେ ୨୦ଟି ଗୋରୁ ଗୁରୁତର ଅବସ୍ଥାରେ ରାସ୍ତା ରେ ପଡି ରହିଥିବା ବେଳେ ଯାତ୍ରୀବାହୀ ବସ ର ସମସ୍ତ ଯାତ୍ରୀ ସୁରକ୍ଷିତ ରହିଛନ୍ତି । ଅନ୍ୟପଟେ ଘଟଣାସ୍ଥଳରେ ଗୋରୁ ବୋଝେଇ ପିକଅପ ଛାଡି ପଳାଇଛି ଡ୍ରାଇବଜାର । ଘଟଣା ସ୍ଥଳରେ ପୁରୁଣାକଟକ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନାମୁତାବକ ଭୁବନେଶ୍ୱର ପଟୁ ଏକ ସରକାରୀ ବସ ବଲାଙ୍ଗୀର ଅଭିମୁଖେ ଯାଉଥିବା ବେଳେ ବୌଦ୍ଧ ଜିଲ୍ଲା

ପୁରୁଣାକଟକ ଥାନା ଅନ୍ତର୍ଗତ ସିଙ୍ଗାଣିବିଡା ଠାରେ ବିପରୀତ ଦିଗରୁ ଆସୁଥିବା ଏକ ଗୋରୁ ବୋଝେଇ ପିକପ ଧକା ଦେଇଥିଲା । ଫଳରେ ବସ ସୁରକ୍ଷିତ ଥିବା ବେଳେ ପିକଅପ ରେ ଥିବା ୨୦ଟି ଗୋରୁ ଗୁରୁତର ଅବସ୍ଥାରେ ବାହାରକୁ ଛିଟିକି ପଡ଼ିଥିଲେ । ଏହା ଦେଖି ପିକଅପ ଡ୍ରାଇଭର ଗାଡି ଛାଡି ଘଟଣା ସ୍ଥଳରୁ ପଳାଇଥିଲେ । ପରେ ପୁରୁଣାକଟକ ପୋଲିସ ପହଞ୍ଚି ତଦନ୍ତ କରିବା ସହ ପଶୁ ଡାକ୍ତରଙ୍କୁ ସୂଚନା ଦେଇଥିଲେ ।

ପରେ ହରଭଙ୍ଗା ବ୍ଲକ ର ଏକ ପଶୁ ଡାକ୍ତରୀ ଟିମ ଆସି ଚିକିତ୍ସା ସେବା ଯୋଗାଇ ଦେଇଥିବା ବେଳେ ସ୍ଥାନୀୟ ସ୍ବେଚ୍ଛାସେବୀ ଯଥା ରାମ ସେନା ଓ ମହାବିନାୟକ ୟୁଥ କ୍ଳବର ଯୁବ ଗୋଷ୍ଠୀ ଆସି ଏଥିରେ ସହ ଯୋଗ କରିଥିଲେ । ପରେ ପୋଲିସ ଓ ଅଗ୍ନିଶମ ବାହିନୀ ସହାୟତା ରେ ଏକ ଗାଡି ଯୋଗେ ମଥୁରା ସ୍ଥିତ ଏକ ଗୋପାଳନ କେନ୍ଦ୍ରକୁ ପଠାଇ ଦିଆଯାଇଛି । ତେବେ ଏହି ୨୦ଟି ଗୋରୁକୁ ଗୋଚଳନ ଉଦ୍ଧେଶ୍ଵ ରେ ନିଆଯାଉଥିବା ବେଳେ ଏ ଦିଗରେ ସମ୍ପୁକ୍ତ ଗାଡି ମାଲିକ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସ୍ଥାନୀୟ ଲୋକେ ଦାବି କରିଛନ୍ତି । ଅନ୍ୟପଟେ ତଦନ୍ତ ଚାଲିଛି ଦୃଢ କାର୍ଯ୍ୟାନୁଷ୍ଠାନ ହେବ ବୋଲି ବୌଦ୍ଧ ଏସ୍ ପି ସୂଚନା ଦେଇଛନ୍ତି ।