19-May-2024

କଣ୍ଟାମାଳ,19.05 ବୌଦ୍ଧ ଜିଲ୍ଲା 85-କଣ୍ଟାମାଳ ନିର୍ବାଚନ ମଣ୍ଡଳୀରେ ଚଳିତ ସାଧାରଣ ନିର୍ବାଚନର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ କାଲି l ପ୍ରଶାସନ ପକ୍ଷରୁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି l ଏହି ନିର୍ବାଚନ ମଣ୍ଡଳୀ ପାଇଁ ଆଜି ମତଦାନ ହେବାକୁ ଥିବାବେଳେ ସମୁଦାୟ 217ଗୋଟି ମତଦାନ କେନ୍ଦ୍ର ପ୍ରସ୍ତୁତ ହୋଇଛି l ସଖି ବୁଥରେ କେବଳ ମହିଳା କର୍ମଚାରୀଙ୍କ ଦ୍ୱାରା ନିର୍ବାଚନ ପରିଚାଳନା କାର୍ଯ୍ୟ କରାଯିବ । ଆଜି ଏହି ନିର୍ବାଚନ ମଣ୍ଡଳୀର 1ଲକ୍ଷ 69ହଜାର 27ଜଣ ଭୋଟର ନିଜର ମତାଧିକାର ସାବ୍ୟସ୍ତ କରିବେ l ସେମାନଙ୍କ ମଧ୍ୟରୁ 86ହଜାର 522ଜଣ ପୁରୁଷ,82ହଜାର 504ଜଣ ମହିଳା ଓ ଜଣେ ତୃତୀୟ ଲିଙ୍ଗି ଥିବା ପ୍ରଶାସନ ପକ୍ଷରୁ ସୂଚନା ମିଳିଛି l ନିର୍ବାଚନ ରେ ନିୟୋଜିତ ସେକ୍ଟର ଅଫିସର ମାନେ ସବୁ ମତଦାନ କେନ୍ଦ୍ର ବୁଲି ଅନୁସଙ୍ଗିକ ବ୍ୟବସ୍ଥା କଡାକଡି ଭାବେ ନିରୀକ୍ଷଣ କରିବା ସହ ସମ୍ପୃକ୍ତ ବିଦ୍ୟାଳୟ ର ପ୍ରଧାନଶିକ୍ଷକମାନଙ୍କୁ କଡା ନିର୍ଦେଶ ଦିଆଯାଇଛି l କଣ୍ଟାମାଳ ନିର୍ବାଚନ ମଣ୍ଡଳୀ ପାଇଁ ଅତିରିକ୍ତ ଜିଲାପାଳ ଦାରିଦ୍ର‌୍ୟଭଞ୍ଜନ ମତନମୋହନ ପାତ୍ର ରିଟର୍ଣ୍ଣିଙ୍ଗ ଅଫିସର ଭାବେ ନିର୍ବାଚନ କାର୍ଯ୍ୟ ପରିଚାଳନା କରିବେ l ଗତ କାଲିଠାରୁ ଏହି ନିର୍ବାଚନ ମଣ୍ଡଳୀର ସମସ୍ତ ବୁଥ ଗୁଡିକୁ ପୋଲିଙ୍ଗ ଟିମ ଭୋଟ ବାକ୍ସ, ଇଭିଏମ ମେସିନ, ବାଲେଟ ପେପର ସମେତ ସମସ୍ତ ଆବଶ୍ୟକ ସରଞ୍ଜାମ ସହ ପହଞ୍ଚି ସାରିଛନ୍ତି l ନିର୍ବାଚନକୁ ଅବାଧ, ସ୍ଵଛ ଓ ନିରପେକ୍ଷ କରିବାକୁ ପ୍ରଶାସ ଚେଷ୍ଟା ଜାରି ରଖିଛି ନିର୍ବାଚନରେ ଶତପ୍ରତିଶତ ଭୋଟର ଆସି ମତଦାନ କରିବାକୁ ପ୍ରଶାସନ ପକ୍ଷରୁ ନିବେଦନ କରାଯାଇଛି l ନୂତନ ଭୋଟର ଙ୍କ ମଧ୍ୟରେ ପ୍ରବଳ ଉତ୍ସାହ ଥିବା ଲକ୍ଷ କରାଯାଇଛି l ନିର୍ବାଚନ ପାଇଁ ୨୦ ତାରିଖ ପର୍ଯ୍ୟନ୍ତ ଜିଲାରେ ସମସ୍ତ ମଦ ଦୋକାନ ଗୁଡିକୁ ସିଲ କରାଯାଇଛି । ମତଦାନ କେନ୍ଦ୍ରରୁ ୨ ଶହ ମିଟର ଦୂରତାକୁ ନିଷିଦ୍ଧାଞ୍ଚଳ ଭାବରେ ଘୋଷଣା କରାଯାଇଛି । ଜିଲାରେ ସକାଳ ୭ ଟାରୁ ଅପରାହ୍ନ ୪ ଟା ପର୍ଯ୍ୟନ୍ତ ମତଦାନ କରାଯିବ ବୋଲି ନିଷ୍ପତି ଗ୍ରହଣ କରାଯାଇଛି । ଆଗାମୀ ନିର୍ବାଚନରେ ଜିଲ୍ଳାରେ ଅଧିକରୁ ଅଧିକ ନାଗରିକ ନିଜର ମତାଧିକାର ସାବ୍ୟସ୍ତ କରିବାକୁ ଜିଲାପାଳ ତଥା ଜିଲା ନିର୍ବାଚନ ଅଧିକାରୀ ଜେ. ସୋନାଲ ନିବେଦନ କରିଛନ୍ତି ।