22-Sep-2026

ଟିଟିଲାଗଡ(ପ୍ରେରଣା ଖବର)-  ଟିଟିଲାଗଡରେ ଆଜି ସଂଧ୍ୟା ସମୟରେ ବର୍ଷା ସହ ଘଡଘଡି ମାରିଥିଲା। ଜଗୁଆ ଗ୍ରାମ ପଞ୍ଚାୟତର ଭାଟିପଡା ଗ୍ରାମରେ ବିଲରେ ଆଠ ଜଣ ଘାସ ବାଛୁଥିବା ବେଳେ ବିଜୁଳି ମାରିବା ଯୋଗୁଁ ଗୀତାଞ୍ଜଳି ଖର୍ସେଲଙ୍କ (୧୬)ଘଟଣା ସ୍ଥଳରେ ପ୍ରାଣ ବାୟୁ ଉଡି ଯାଇଛି । ତାଙ୍କ ସହ ଥିବା କାନ୍ତି ଖର୍ସେଲ ( ୨୧) ଓ ମଥୁରା ଖର୍ସେଲ ( ୪୫) ଗୁରୁତର ଆହତ ହୋଇ ଚିକିତ୍ସିତ ହେଉଥିବା ବେଳେ ଅନ୍ୟ ଚାରି ଜଣ ସାମାନ୍ୟ ଆହତ ହୋଇଛନ୍ତି। ତିଳୋତ୍ତମା ଖର୍ସେଲ, ଗୁଲାପି ଖର୍ସେଲ, ବର୍ଷା ଖର୍ସେଲ, ପ୍ରୀତି ଖର୍ସେଲ ସାମାନ୍ୟ ଆହତ ହୋଇଥିବା ଜଣାପଡିଛି। ତେବେ ଖବର ପାଇ ଘଟଣା ସ୍ଥଳକୁ ସିହିନି ସରପଞ୍ଚ ଶ୍ରୀଯୁକ୍ତ ବୀରବର ସାହୁ, ସେହି ଅଞ୍ଚଳର କଦମ ଠେଲା, ମଗନ୍ ଖର୍ସେଲ, ଚେୟାରମେନ ଖର୍ସେଲ, ହିମ ସାଗର ଖର୍ସେଲ ପହଞ୍ଚିବା ସହ ପୋଲିସ ପିଶିଆର ସଦସ୍ୟ ପହଞ୍ଚି ଟିଟିଲାଗଡ ସରକାରୀ ଡାକ୍ତରଖାନାକୁ ନେଇଥିଲେ । ତେବେ ଗୁରୁତର ଅବସ୍ଥାରେ ଥିବା ମୃତକଙ୍କ ଭଉଣୀ ରାକ୍ଷୀ ଖର୍ସେଲଙ୍କୁ ବଲାଙ୍ଗୀର ସ୍ଥାନାନ୍ତର କରାଯାଇଥିବା ଜଣାପଡ଼ିଛି। ଶ୍ରୀଯୁକ୍ତ ବୀରବର ସାହୁ ସ୍ଥାନିୟ ତହସିଲଦାରଙ୍କୁ ଫୋନ୍ କରି ଅବଗତ କରାଇବା ପରେ ରାଜସ୍ବ ନିରୀକ୍ଷକ କୋଶଲ ବେହେରାଙ୍କୁ ପଠାଇ ପ୍ରାଥମିକ ତଦନ୍ତ କରି ରିପୋର୍ଟ କରିଥିଲେ। ତେବେ ଏହି ଖବର ପ୍ରଚାରିତ ହେବା ପରେ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି।