17-May-2024

ସିନ୍ଧେକେଲା(ଦୀନେଶ ଜୈନ ): ଅଖିଳ ଭାରତୀୟ ତେରାପଂଥ ସଭା ର ବିଭିନ୍ନ ଶାଖା ଗୁଡ଼ିକରେ ୨୦୨୪-୨୫ ପାଇଁ ନୂତନ ଶାଖା ଅଧ୍ୟକ୍ଷ ଚୟନ ହେଉଥିବାବେଳେ ସିନ୍ଧେକେଲା ରେ ମଧ୍ୟ ନୂତନ ଅଧ୍ୟକ୍ଷ ଚୟନ କୁ ନେଇ ଅଧ୍ୟକ୍ଷ ବଜରଙ୍ଗ ଜୈନଙ୍କ ଅଧ୍ୟକ୍ଷତାରେ ଏକ ବୈଠକ ସ୍ଥାନୀୟ ଅଗ୍ରୱାଲ ଜୈନ ତେରାପଂଥ ଭବନରେ ଆୟୋଜନ କରାଯାଇଥିଲା । ଏହି ଅବସରରେ ଅଧ୍ୟକ୍ଷ ବଜରଙ୍ଗ ଜୈନ ତାଙ୍କର କାର୍ଯ୍ୟକାଳ ସମାପ୍ତି ହୋଇଥିବାରୁ ତାଙ୍କ କାର୍ଯ୍ୟକାରିଣୀ କମିଟିର କାର୍ଯ୍ୟଭାର ପ୍ରତ୍ୟାହାର କରି ନୂତନ ଅଧ୍ୟକ୍ଷ ଚୟନ ପାଇଁ ନିବେଦନ କରିଥିଲେ । ଅଧ୍ୟକ୍ଷ ଚୟନ ଦାୟିତ୍ୱ ମହାସଭା ପ୍ରଭାରୀ ଛତ୍ରପାଳ ଜୈନ ଙ୍କୁ ଦିଆଯାଇଥିଲା ।  ତାଙ୍କ ନିର୍ଦ୍ଦେଶରେ ସର୍ବ ପ୍ରଥମେ ନୂତନ ସଭାପତି ପାଇଁ ଫୁଲଚନ୍ଦ ଜୈନ ପ୍ରସ୍ତାଵକ ଭାବରେ ଛିଡା ହୋଇ ରାମ ଅବତାର ଜୈନଙ୍କ ନାମ ପ୍ରସ୍ତାବ ଦେଇଥିଲେ । ଉକ୍ତ ପ୍ରସ୍ତାବକୁ ରମେଶ ଜୈନ ସମର୍ଥନ ଜଣାଇଥିଲେ । ପରେ ଓଁ ଅର୍ହମ ଧ୍ୱନି ଦ୍ୱାରା ରାମ ଅବତାର ଜୈନ ଙ୍କୁ ସିନ୍ଧେକେଲା ତେରାପଂଥ ସଭାର ଅଧ୍ୟକ୍ଷ ଦାୟିତ୍ୱ ଦିଆଗଲା ଓ ନୂତନ ଅଧ୍ୟକ୍ଷ ରାମ ଅବତାର ଜୈନ ପୂର୍ବ ଅଧ୍ୟକ୍ଷ ବଜରଙ୍ଗ ଜୈନ ଠାରୁ କାର୍ଯ୍ୟଭାର ଗ୍ରହଣ କରିଥିଲେ ।

କୋଷାଧ୍ୟକ୍ଷ ରୋଶନ ଜୈନ ବିଗତ ବର୍ଷର ଆୟବ୍ୟୟ ପ୍ରସ୍ତୁତ କରିଥିବାବେଳେ ବୈଠକରେ ଅନ୍ୟମାନଙ୍କ ମଧ୍ୟରେ ଅଗ୍ରୱାଲ ସଭା ଅଧ୍ୟକ୍ଷ ପ୍ରସନ୍ନ ଜୈନ ,   କୋଷାଧ୍ୟକ୍ଷ ସୁବାଷ ଜୈନ , ବିମଲ ଜୈନ , ନବୀନ ଜୈନ , ନରେନ୍ଦ୍ର ଜୈନ , କୈଳାସ ଜୈନ , ଆଦେଶ ଜୈନ , ସୋନୁ ଜୈନ , ନନ୍ଦ କିଶୋର ଜୈନ , ରାଜେଶ ଜୈନ , ନିତେଶ ଜୈନ , ଅନିଲ ଜୈନ , ସୁଶୀଲ ଜୈନ , ସୁଦର୍ଶନ ଜୈନ , ପୂର୍ବତନ ସମ୍ପାଦକ ନବୀନ ଜୈନ , ମାମରାଜ ଜୈନ , ଗୋପାଳ ଜୈନ , ସାମ୍ବାଦିକ ଦିନେଶ ଜୈନ ପ୍ରମୁଖ ସାମିଲ ହୋଇଥିଲେ ।