03-May-2024

ବଲାଙ୍ଗିର(ପ୍ରେରଣା ଖବର ): ଆଜି ଲୋଇସିଂହା ବିଧାନସଭା ନିର୍ବାଚନମଣ୍ଡଳି(ସଂରକ୍ଷିତ ) ପାଇଁ ବିଜେଡି ଦଳର ବିଧାୟକ ପ୍ରାର୍ଥି ନିହାରରଂଜନ ବେହେରା ବଲାଙ୍ଗୀର ଅତିରିକ୍ତ ଜିଲ୍ଲାପାଳଙ୍କ ପାଖରେ ନାମାଙ୍କନପତ୍ର ଦାଖଲ କରିଛନ୍ତି । ଏହି ଅବସରରେ ନିହାର କହିଛନ୍ତି ଯେ, ରାଜ୍ୟରେ ନବୀନ ସରକାରଙ୍କ ଜନହିତକାରୀ ଯୋଜନା ହିଁ ଆମର ବଳ । ଲୋକମାନେ ନବୀନ ସରକାର ସହିତ ରହିଛନ୍ତି । ବିଗତ ଦିନରେ ଲୋଇସିଂହା ନିର୍ବାଚନମଣ୍ଡଳିରେ ରାଜ୍ୟସରକାରଙ୍କ ଅନେକଗୁଡିଏ ପ୍ରକଲ୍ପକାମ ହୋଇଛି । କଂଗ୍ରେସର ଅବସ୍ଥା ଦୁର୍ବଳ ରହିଛି ଓ ବିଜେପି ବିଧାୟକଙ୍କ ସ୍ଥାଣୁତା ଯୋଗୁଁ ଭୋଟରମାନେ ବିଜେଡିକୁ ଭଲ ପାଉଛନ୍ତି ଓ ଭୋଟଦେବେ ବୋଲି ବିଜେଡିବିଧାୟକ ପ୍ରାର୍ଥି ନୀହାର ବେହେରା କହିଛନ୍ତି । ସ୍ଥାନୀୟ ପୃଥ୍ୱିରାଜ ହାଇସ୍କୁଲପଡିଆଠାରୁ ତାଙ୍କର ପ୍ରାୟ ୫ହଜାର ସମର୍ଥକଙ୍କ ସହ ଏକ ବିଶାଳ ଶୋଭାଯାତ୍ରାରେ ବାହାରି ସହରପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟକୁ ପହଞ୍ଚିଥିଲେ । ନିହାରଙ୍କ ସହିତ ତାଙ୍କ ପତ୍ନୀ ଅନୁପମା ବେହେରା, ବିଜେଡିର ସାଂସଦପ୍ରାର୍ଥି ସୁରେନ୍ଦ୍ରକୁମାର ସିଂଭୋଇ, ପୂର୍ବତନ ମନ୍ତ୍ରୀ ଯୋଗେନ୍ଦ୍ର ବେହେରା,ଜିଲ୍ଲାପରିଷଦର ଅଧ୍ୟକ୍ଷା ଦେବକୀ ସାହୁ, ଯୁବନେତା ଆକାଶ ମିଶ୍ର, ବିଧୁଭୂଷଣ ତ୍ରୀପାଠୀ, ସତ୍ୟ ପତି, ଲୋଇସିଂହା ବ୍ଲକଅଧ୍ୟକ୍ଷ ଜତିନ ପଟେଲ, ପୁଇଁତଳା ବ୍ଲକ ଅଧ୍ୟକ୍ଷ ସରୋଜ ପଧାନ, ଆଗଲପୁର ବ୍ଲକ ଉପାଧ୍ୟକ୍ଷା ନୀରୁପମା ପଧାନ, ଜିଲ୍ଲାପରିଷଦ ସଭ୍ୟା ବିଣାପାଣି ଦାସ, ଲିଲିମା ବେହେରା, ସଂଜୁକ୍ତା ବରିହା, ସବିତା ସେଠ, ଆଠଗାଁ ସମିତିସଭ୍ୟା ବବିତା ପୁଟେଲ,ରାମଚନ୍ଦ୍ର ବେହେରା,ମହିଲା ନେତ୍ରୀ ଜ୍ୟୋତ୍ସ୍ନାମୟୀ ନାଗ,ଲୋଇସିଂହା ବିଜେଡି ବ୍ଲକସଭାପତି ହୃଦାନନ୍ଦ ବେହେରା,ଆଗଲପୁର ବ୍ଲକସଭାପତି ପଞ୍ଚୁ ପଧାନ,ନିଲେଶ ଅଗ୍ରୱାଲ,ପୁଇଁତଳା ବ୍ଲକ ସଭାପତି ବିଷ୍ନୁ ପଟେଲ,ବିଜୟ ବାବୁ,ଯୁବନେତା ବଣ୍ଟିପ୍ରତାପ ପଧାନଙ୍କ ସମେତ ହଜାର ହଜାର ସମର୍ଥକ ଶୋଭାଯାତ୍ରାରେ ସାମିଲ ହୋଇଥିଲେ । ଶୋଭାଯାତ୍ରା ପୃଥ୍ୱୀରାଜ ହାଇସ୍କୁଲ ଖେଳ ପଡିଆଠାରୁ ବାହାରି ମହାଦେବ ମନ୍ଦିରଛକ, ପାଟଣାଛକ, ମୁଖ୍ୟବଜାର, ସରକାରୀ ବସଷ୍ଟାଣ୍ଡ ଦେଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିଲା । ସେଠାରେ ଲୋଇସିଂହା ନିର୍ବାଚନମଣ୍ଡଳିର ରିଟର୍ଣ୍ଣିଂ ଅଫିସର ଥିବା ଅତିରିକ୍ତ ଜିଲ୍ଲାପାଳ ଡ.ବିଜୟକୁମାର ସେଠୀଙ୍କ ପାଖରେ ନିହାର ତାଙ୍କର ଦୁଇସେଟ ନାମାଙ୍କନପତ୍ର ଦାଖଲ କରିଥିଲେ । ପ୍ରକାଶ ଯେ, ବିଜେଡିର ବିଧାୟକପ୍ରାର୍ଥି ହୋଇଥିବା ନିହାର ବେହେରାଙ୍କ ବାପା ଯୋଗେନ୍ଦ୍ର ବେହେରା ଟିଟିଲାଗଡରୁ ୪ଥର ଓ ଲୋଇସିଂହାରୁ ବିଧାୟକ ହୋଇଥିଲେ । ଲୋଇସିଂହାରେ ବିଧାୟକ ଥିବା ବେଳେ ୨୦୧୪ରୁ ୨୦୧୯ ପର୍ଯ୍ୟନ୍ତ ମନ୍ତ୍ରୀ ମଧ୍ୟ ଥିଲେ । କିନ୍ତୁ ଗତ ୨୦୧୯ ମସିହାରେ ସେ ନିଜେ ଛିଡା ନହୋଇ ତାଙ୍କ ପୁଅ ନିହାର ପାଇଁ ଟିକେଟ ମାଗିଥିଲେ । କିନ୍ତୁ ଦଳ ସେତେବେଳେ ନିହାରଙ୍କୁ ଟିକେଟ ଦେଲାନାହିଁ । ଫଳରେ ଲୋଇସିଂହାରେ ବିଜେଡିଦଳ ପରାଜିତ ହୋଇଥିଲା । ଗତ ୫ବର୍ଷ ହେଲା ନୀହାର ଦଳୀୟ ସଂଗଠନକୁ ସମ୍ଭାଳିଥିଲେ । ତେଣୁ ଚଳିତଥର ତାଙ୍କୁ ଟିକେଟ ଦିଆଯାଇଛି ।