21-Jan-2024

ତୁଷୁରା,(ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ଏନଏସି ଓ ଗୁଡଭେଲାବ୍ଲକ ଅଞ୍ଚଳରେ ଚାଳିଥିବା ଧାନ କ୍ରୟ ମଣ୍ଡିରେ କଟନୀ ଛଟନୀ କରାଯାଇ ଚାଷୀଙ୍କୁ ହଇରାଣ କରାଯିବା ସହ ଚାଷୀ ଆତ୍ମହତ୍ୟା ଉଦ୍ୟମ କରୁଥିବା ପ୍ରତିବାଦରେ ତୁଷୁରା ୟୁଥ ଏକ୍ସନ କମିଟି ପକ୍ଷରୁ ଶନିବାର ତୁଷୁରା ଏନଏସି ଓ ଗୁଡଭେଲାବ୍ଲକ ଅଞ୍ଚଳ ସକାଳ ୬ଟାରୁ ସଂଧ୍ଯା ୬ଟା ପର୍ଯ୍ୟନ୍ତ ୧୨ ଘଣ୍ଟିଆ ବନ୍ଦ ଶାନ୍ତିପୂର୍ଣ୍ଣ ଭାବେ ସମ୍ପନ୍ନ ହୋଇଯାଇଛି । ଏକ ଟ୍ରକ ନମ୍ବର OD 03 K 7419 ରେ ଧାନ ଓ ଚାଉଳ ଏକ ରାଇସ ମିଲକୁ ଯାଉଥିବା ବେଳେ ୟୁଥ ଏକ୍ସନ କମିଟି ସଦସ୍ଯମାନେ ଉକ୍ତ ଟ୍ରକକୁ ଅଟକାଇ କାଗଜପତ୍ର ମାଗିଥିଲେ । କିନ୍ତୁ କାଗଜପତ୍ର ନଥିବାରୁ ଟ୍ରକକୁ ଛାଡି ଡ୍ରାଇଭର ଫେରାର ମାରିବାରୁ ବଲାଙ୍ଗୀର ଯୋଗାଣ ବିଭାଗକୁ କମିଟିର ସଦସ୍ଯମାନେ ଖବର ଦେଇଥିଲେ। ଗୁଡଭେଲା ଯୋଗାଣ ଅଧିକାରୀ ପ୍ରଶାନ୍ତ ପ୍ରଧାନ ଓ ତୁଷୁରା ଏନଏସି ସହ ଯୋଗାଣ ଅଧିକାରୀ ଆକାଶ ଦର୍ଜୀ ଘଟଣା ସ୍ଥଳରେ ପହଞ୍ଚି ଯାଞ୍ଚ କରିଥିଲେ। ଏହି ଧାନ ପେନ୍ଦିମୁଣ୍ଡା ଗ୍ରାମ ସ୍ଥିତ ଗଜାନନ ରାଇସ ମିଲ ମାଲିକ କାଗଜପତ୍ର ଦେଖାଇ ପାରି ନଥିବାରୁ ଉକ୍ତ ଟ୍ରକରେ ଥିବା ୪୭,୦୩ କୁଣ୍ଟାଳ (୧୦୭ ପାକିଟ) ଧାନ ଜବତ କରି ତୁଷୁରା ଥାନାରେ ଜିମା ଦେଇଥିଲେ। ଅନ୍ୟ ପକ୍ଷରେ ନ୍ୟୁଜ କରୁଥିବା କାର୍ଯ୍ୟରତ ସାମ୍ବାଦିକ ମନୋଜ କୁମାର ଜୈନଙ୍କୁ ଉକ୍ତ ରାଇସ ମିଲର କର୍ମଚାରୀ ସୁରଜ ଶର୍ମା ଆକ୍ରମଣ କରିଥିଲେ। ଏନେଇ ଶ୍ରୀ ଜୈନ ତୁଷୁରା ଥାନାରେ ଲିଖିତ ଅଭିଯୋଗ କରିଥିବା ବେଳେ ଏହି ଘଟଣାକୁ ବିଭିନ୍ନ ମହଳରୁ ନିନ୍ଦା କରାଯାଇଛି। ଏପରି ବେଆଇନ ଭାବେ ଧାନ ଓ ଚାଉଳ ଯାଉଥିବାର ଏହା ମାତ୍ର ଏକ ଉଦାହରଣ । ଏପରି ଚାଷୀଙ୍କୁ ଶୋଷଣ ଚାଳିଥିବା କମିଟି ସଦସ୍ଯ ମାନେ ମତ ପ୍ରକାଶ କରିଥିଲେ ।ଆବଶ୍ୟକ ଯାନ ବାହାନ ଓ ସାମଗ୍ରୀକୁ ବାଦ ଦେଇ ସମସ୍ତ ସରକାରୀ ବେସରକାରୀ ଅନୁଷ୍ଠାନ ଦୋକାନ ବଜାର ବନ୍ଦ ରହିଥିଲା । ଭାଜପା ଓ କଂଗ୍ରେସ ଦଳ ପକ୍ଷରୁ ବନ୍ଦକୁ ସମର୍ଥନ କରାଯାଇଥିବା ବେଳେ ଭାଜପାର ବରିଷ୍ଠ ନେତା ନବୀନ ଜୈନ, କଂଗ୍ରେସର ଶ୍ରୀକାନ୍ତ ବାଗ,କମିଟିର ଲିସନ ପ୍ରଧାନ, ଦେବବ୍ରତ ପାଣିଗ୍ରାହୀ, କହ୍ନା ପ୍ରଧାନ, ନକୁଳ ସାହୁ, ସହଦେବ ମେହେର, ଉପେନ୍ଦ୍ର ମେହେର, ବିଜୟ ସାହୁ, ଜିତେନ୍ଦ୍ର ମହାପାତ୍ର,ରାଜ ମେହେର ଆଦି ବହୁ ଚାଷୀ ଉପସ୍ଥିତ ଥିଲେ।