15-Jun-2026

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ )
 ମାହେଶ୍ୱରୀ ସୋସିଓ ୱେଲ ଫେଆର (ସେବା ସଂଗଠନ)  କେବଳ ଏକ ନାଁ ନୁହେଁ,ଏହା ହେଉଛି ଏ ଅଞ୍ଚଳର  ସେବାର ଏକ ଜୀବନ୍ତ ପ୍ରତୀକ। ଦୁଃଖୀ, ଅନାଥ ଓ ବେସାହାରା ମଣିଷ ମୁହଁରେ ହସ ଫୁଟାଇବା ପାଇଁ ,ସମାଜର ଅନ୍ଧକାର ଦୂର କରିବା ପାଇଁ ସଂଗଠନର ସଦସ୍ୟ ମାନେ ଯେଭଳି ନିଃସ୍ୱାର୍ଥପର ସେବା କରୁଛନ୍ତି ପ୍ରକୃତରେ ତାହା ପ୍ରେରଣା ଦାୟକ। ଆଜିର ଏହି ଉତ୍ସଵ କେବଳ ଏକ ବାର୍ଷିକ କାର୍ଯ୍ୟକ୍ରମ ନୁହେଁ,ଏହା ହେଉଛି ସେବା ଓ କଳା ସଂସ୍କୃତି ର ଏକ ମହା ସମାରୋହ। ସଂଗଠନର ସମସ୍ତ ସ୍ବେଛାସେବୀ ମାନଙ୍କ ପରିଶ୍ରମ,ତ୍ୟାଗ ଓ ନିଷ୍ଠା ପାଇଁ ଆନ୍ତରିକ ଧନ୍ୟବାଦ ଜ୍ଞାପନ କରିବା ସହ ସଂଗଠନ ଅଞ୍ଚଳର ପ୍ରତିଟି ଗ୍ରାମ ଓ ଗରିବ ପରିବାର ନିକଟକୁ ସେବାର ଆଲୋକ ପହଞ୍ଚାଉଛି ବୋଲି ଶନିବାର ଏକ ମନୋଜ୍ଞା ସନ୍ଧ୍ୟାରେ ତରଭାର ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ମାହେଶ୍ୱରୀ ସଂଗଠନର ପଞ୍ଚମ ବର୍ଷିକୋତ୍ସଵରେ ମୁଖ୍ୟଅତିଥି ଭାବେ ଯୋଗଦେଇ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ନାରାୟଣ ନାୟକ ମତ ରଖିଥିଲେ ।ତରଭା ବାଳକ ହାଇସ୍କୁଲ ଖେଳ ପଡିଆରେ
ମାହେଶ୍ୱରୀ ସଂଗଠନ ସୁବର୍ଣ୍ଣପୁର ଜିଲ୍ଲା ତରଭା ବ୍ରାଞ୍ଚ ର ସଭାପତି ପ୍ରଦୀପ ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସମ୍ମାନିତ ଅତିଥିଭାବେ ସୋନପୁରର ଅତିରିକ୍ତ ଜିଲ୍ଲାପାଳ ଅଞ୍ଜଳିନା ପ୍ରଧାନ,ବଲାଙ୍ଗୀର ସାଂସଦଙ୍କ ପ୍ରତିନିଧି ସାନନ୍ଦ ମେହେର,ବଲାଙ୍ଗୀର ମାହେଶ୍ୱରୀ ସଂଗଠନର ନିର୍ଦ୍ଦେଶକ ଅଙ୍କୁଶ ପଣ୍ଡିଆ ଓ ସଭାପତି ଶୋଭନ ଅଗ୍ରୱାଲ ସମ୍ମାନିତ ଅତିଥିଭାବେ ଯୋଗଦେଇ ମାହେଶ୍ୱରୀ ସଂଗଠନର ସେବା ମନୋଭାବର ଭୁୟସୀ ପ୍ରଶଂସା କରି ଆପଣ ମାନଙ୍କ ଏଭଳି ଉତ୍ସାହ ଓ ସହଯୋଗ ରହିଲେ ଏ ସେବା ଆଗକୁ ଜାରି ରହିବ ବୋଲି କହିଥିଲେ ।ଏହି ଅବସରରେ ତରଭା ମାହେଶ୍ୱରୀ ସଂଗଠନର ପ୍ରତିଷ୍ଠାତା ସଭ୍ୟା କଳ୍ପଲତା ମେହେର,ସଭ୍ୟ ଦୀନବନ୍ଧୁ ବାଘ,ବିଜ୍ଞାନ ମିଶ୍ର,ରିଙ୍କୁ ବଗର୍ତ୍ତୀ,ସତ୍ୟଜିତ ହାତୀ,ଆଶିଷ ବାରିକ,ରିଙ୍କୁ ମେହେର,ସୋମ ମେହେର, ବୁଢା ଡଙ୍ଗର ଉଚ୍ଚ ମାଧ୍ୟମିକ ବିଦ୍ୟାଳୟର ଆଧ୍ୟାପକ ବିଜୟ କୁମାର ମିଶ୍ର , ତରଭା ସିବତୁଲା ହାଇସ୍କୁଲ ଓ ବଲାଙ୍ଗିର ଟାଉନ୍ ବାଳିକା ଉଚ୍ଚ ବିଦ୍ୟାଳୟ ରେ ଉଲ୍ଲେଖନୀୟ ଭୂମିକା ଗ୍ରହଣ କରିଥିବା ଆଦର୍ଶ ଶିକ୍ଷକ ଶ୍ରୀ ନରେନ୍ଦ୍ର ନାଥ ମିଶ୍ର ଙ୍କୁ ଓ ସ୍ୱଚ୍ଛ ଭାରତ ସଂଗଠନ ସୋନପୁର ମନମୁଣ୍ଡା କର୍ମକର୍ତ୍ତା ଙ୍କୁ ଉପଢୌକନ ଓ ମାନପତ୍ର ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା।ଏହା ବ୍ୟତୀତ ଏ ଅଞ୍ଚଳ ର ୧୨ ଜଣ ଭିନ୍ନକ୍ଷମ ଙ୍କୁ ହ୍ବିଲ ଚେୟାର,୧୨ ଜଣଙ୍କୁ ଆଶା ବାଡ଼ି ଓ ୧୨ ଜଣଙ୍କୁ ଅଣ୍ଟା ର ବେଲ୍ଟ ସମସ୍ତ ଅତିଥିଙ୍କ ଦ୍ଵାରା ପ୍ରଦାନ କରାଯାଇଥିଲା। ପରେ ଡାକ୍ତର ଅର୍ଚ୍ଚନା ପାଢ଼ୀ, ପଦ୍ମଶ୍ରୀ ଖଟୁଆ ଓ ସାଥୀଙ୍କ ଦ୍ୱାରା ଚିତ୍ତାକର୍ଷକ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମରେ ୫ ହଜାରରୁ ଉର୍ଦ୍ଧ୍ୱ ଦର୍ଶକ ଗୀତ ନାଚ ର ମଜା ନେଇ ଥିଲେ ।କାର୍ଯ୍ୟକ୍ରମକୁ ବିଶିଷ୍ଠ ଉଦଘୋଷକ ମାନ ଭଞ୍ଜନ ମିଶ୍ର ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ । ବଲାଙ୍ଗିର ଓ ତରଭା ମାହେଶ୍ୱରୀ ସଂଗଠନ ର ସମସ୍ତ ସଦସ୍ୟ ଓ ସ୍ୱଚ୍ଛ ଭାରତ ସଙ୍ଗଠନ ସୋନପୁର କର୍ମକର୍ତ୍ତା  ଅତିଥି ସ୍ବାଗତ ସହ ସମସ୍ତ କାର୍ଯ୍ଯ କ୍ରମ ରେ ସହଯୋଗ କରିଥିଲା l