14-Jun-2026

ବଲାଙ୍ଗିର(ପ୍ରେରଣା ଖବର):  ବଲାଙ୍ଗିର ସହରର କଚେରୀ ଛକ ଟ୍ରାଫିକ ସିଗନାଲ ନିକଟରେ ନିର୍ମିତ ଟ୍ରାଫିକ ଷ୍ଟାଣ୍ଡିଂ ସେଡ୍‌ର ଶୁଭ ଉଦଘାଟନ କରିଛନ୍ତି ବଲାଙ୍ଗିର ବିଧାୟକ କଳିକେଶ ନାରାୟଣ ସିଂହଦେଓ। ଏହା ହେଉଛି ଭୁବନେଶ୍ବର ପରେ ବଲାଙ୍ଗିର ରେ ଏହି ସୁବିଧା ମାନ୍ୟବର ବିଧାୟକ ଙ୍କ ପ୍ରଚେଷ୍ଟାରେ ହେଉଥିବା ବେଳେ ଏହା ସହରବାସୀଙ୍କ ସୁବିଧାକୁ ଦୃଷ୍ଟିରେ ରଖି ନିର୍ମିତ ଏହି ସେଡ୍ ବର୍ଷା ଓ ଖରା ସମୟରେ ଟ୍ରାଫିକ ସିଗନାଲରେ ଅପେକ୍ଷାରତ ଲୋକମାନଙ୍କୁ ଆଶ୍ରୟ ପ୍ରଦାନ କରିବ।
ବିଧାୟକ ଶ୍ରୀ ସିଂହଦେଓ କହିଥିଲେ ଯେ, ଏହା କେବଳ

ଆରମ୍ଭ ମାତ୍ର ଏବଂ ଆଗାମୀ ଦିନରେ ବଲାଙ୍ଗିର ସହରର ସମସ୍ତ ଟ୍ରାଫିକ ସିଗନାଲ ନିକଟରେ ଏଭଳି ଷ୍ଟାଣ୍ଡିଂ ସେଡ୍ ନିର୍ମାଣ କରାଯିବ। ଏହି ପ୍ରକଳ୍ପ ପାଇଁ ବିଧାୟକ ପାଣ୍ଠିରୁ ପ୍ରାୟ ୨ କୋଟି ୪୦ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଥିବା ଜଣାପଡ଼ିଛି।

ଉଦଘାଟନ ଉତ୍ସବରେ ବଲାଙ୍ଗିର ପୌରାଧ୍ୟକ୍ଷା ଲିକା ସାହୁ , ବଲାଙ୍ଗିର ସଦର ବ୍ଲକ ଅଧ୍ୟକ୍ଷା ସରିତା ବାଗ ଏବଂ ପୌରପରିଷଦର ସମସ୍ତ କାଉନସିଲର ଓ ଜନପ୍ରତିନିଧିମାନେ ଉପସ୍ଥିତ ଥିଲେ।
ସହରରେ ଯାତାୟାତ ବ୍ୟବସ୍ଥାକୁ ଅଧିକ ଜନବନ୍ଧବ କରିବା ସହିତ ସାଧାରଣ ଲୋକଙ୍କୁ ମୌଳିକ ସୁବିଧା ପ୍ରଦାନ ଦିଗରେ ଏହି ପଦକ୍ଷେପକୁ ଏକ ସ୍ୱାଗତଯୋଗ୍ୟ ଉଦ୍ୟମ ବୋଲି ସହରବାସୀ ମତ ପ୍ରକାଶ କରିଛନ୍ତି।