14-Jun-2026

ବଲାଙ୍ଗୀର(ପ୍ରେରଣା ଖବର):ୱାଇ.ସି. ଡି.ଏ ଦ୍ଵାରା ବଲାଙ୍ଗୀର ଜିଲ୍ଲା ପୁଇଁନ୍ତଳା ବ୍ଲକ ର ଆଠଗାଁ ଗ୍ରାମ ରେ ଶିଶୁ ସ୍ବାସ୍ଥ୍ୟ ମେଳା ଏବଂ ରଜ ଉତ୍ସବ, କେ.ପି.ଜେଡ୍ ଏବଂ ଦେଶାଇ ଫାଉଣ୍ଡେସନ ଟ୍ରଷ୍ଟ ଙ୍କର ମିଳିତ ସହାୟତା ରେ ଆୟୋଜିତ କରାଯାଇଥିଲା। କାର୍ଯ୍ୟକ୍ରମ କୁ ୱାଇ.ସି. ଡି.ଏ ର ଜିଲ୍ଲା ସଂଯୋଜିକା ଶ୍ରୀମତୀ ଆନନ୍ଦିନି ରଥ ପରିଚାଳନା କରିଥିଲେ। ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ଆଠଗାଁ ପଞ୍ଚାୟତ ର ସରପଞ୍ଚ ସାଲିନି ସେଠ୍, ଡ଼. ମିଲନ କୁମାର ରାଉତରାୟ, ଏବଂ ସମାଜସେବୀ

ଓ ସାମ୍ବାଦିକ ସନ୍ଦୀପ କୁଅଁର ଯୋଗଦାନ କରି ଶିଶୁ ମାନଙ୍କୁ ଉତ୍ସାହିତ କରିଥିଲେ। କାର୍ଯ୍ୟକ୍ରମ ର ଉଦେଶ୍ୟ ଥିଲା ଯେ ଶିଶୁ ମାନଙ୍କୁ ପାଇଁ ଗୋଟିଏ ଉତ୍ସାହ ଜନିତ ପରିବେଶ କରି ତାଙ୍କର ସ୍ବାସ୍ଥ୍ୟ ପରୀକ୍ଷା କରିବା ସହିତ ଶିଶୁ ମାନଙ୍କ ମନରେ ନିଜର ସ୍ବାସ୍ଥ୍ୟ ପ୍ରତି ସଚେତନ ରହିବାର ଗୁରୁତ୍ଵ କୁ ବୁଝିବାର ଥିଲା। କାର୍ଯ୍ୟକ୍ରମ ରେ ଡ.ମିଲନ କୁମାର ରାଉତରାୟ ସ୍ବାସ୍ଥ୍ୟ ପରୀକ୍ଷା କରିଥିଲେ ଏବଂ ଶିଶୁଙ୍କର ଏନିମିଆ ଟେଷ୍ଟିଂ

କରାଯାଇଥିଲା,ଏହା ସହିତ MHM ଉପରେ ମଧ୍ୟ ସଚେତନ କରାଗଲା। ରଜ ଉପଲକ୍ଷେ ମନୋରଞ୍ଜନ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯାଇଥିଲା ଯେଉଁଥିରେ ଶିଶୁମାନେ ପାନ ତିଆରି କରିବା, ମେହେନ୍ଦି,ଅଳତା, ନୃତ୍ୟ, ରେମ୍ପ୍ ୱାକ୍, ପୁଚି ଖେଳ, ମ୍ୟୁସିକ୍ ଚେୟାର,ପ୍ରତିଯୋଗିତା କରାଯାଇଥିଲା ଏହା ସହିତ ରଜ କୁଇନ୍ ବଛାଯାଇଥିଲା। ନିକିତା ଦାସ ସ୍ୱାଗତ ଭାଷଣ ଦେଇଥିଲେ। କାର୍ଯ୍ୟକ୍ରମ ଟି ଆଠଗାଁ ସରପଞ୍ଚ ଏବଂ ଗ୍ରାମବାସୀ,ଆଠଗାଁ ଉଚ୍ଚବିଦ୍ୟାଳୟ ର ଶିକ୍ଷକ, ସମସ୍ତ ଶିଶୁ ଏବଂ ଯୁବକ ଯୁବତୀ, ଅଭିଭାବକ ଏବଂ ୱାଇ.ସି. ଡି.ଏ ର ସମସ୍ତ ଷ୍ଟାଫ୍ ଙ୍କ ମିଳିତ ଉଦ୍ୟମ ରେ ସଫଳ ମଣ୍ଡିତ ହୋଇଛି।ୱାଇ.ସି. ଡି.ଏ ସଂସ୍ଥା ର ସର୍ବଦା ଶିଶୁଙ୍କ ଉନ୍ନତି ପାଇଁ ଏପରି ନୂତନ ପ୍ରଚେଷ୍ଟା ପାଇଁ ସମଗ୍ର ପୁଇଁନ୍ତଳା ଅଞ୍ଚଳରେ ପ୍ରଶଂସା ର ପାତ୍ର ହୋଇଛି।