29-Nov-2023

ବଲାଙ୍ଗୀର(ପ୍ରେରଣା ଖବର)-କୃଷକର ଆୟକୁ ଦ୍ୱିଗୁଣିତ କରିବା ପାଇଁ କେନ୍ଦ୍ରରେ ନେତୃତ୍ୱାଧୀନ ବିଜେପି ସରକାର ନାନା ଯୋଜନା କରୁଛନ୍ତି କିନ୍ତୁ ରାଜ୍ୟ ସରକାରଙ୍କ ଅପାରଗତା ଯୋଗୁଁ ତାହା ଚାଷୀ ମାନଙ୍କ କୌଣସି କାମରେ ଆସୁ ନାହିଁ ବୋଲି ବିଜେପି କୃଷକ ମୋର୍ଚ୍ଚା ଅଭିଯୋଗ କରିଛି । ରାଜ୍ୟ ସରକାର ସେପ୍ଟେମ୍ବର ୧ ତାରିଖ ଧାନ ମଣ୍ଡି ଖୋଲିବା ପାଇଁ କହିଥିଲେ ସୁଦ୍ଧା ଆଜି ପର୍ଯ୍ୟନ୍ତ ମଣ୍ଡି ଖୋଲି ପାରି ନାହିଁ । ତେଣୁ ରାଜ୍ୟ ସରକାର ଅତିଶୀଘ୍ର ରାଜ୍ୟର ସମସ୍ତ ଧାନମଣ୍ଡି ଖୋଲିବାକୁ ବିଜେପି କୃଷକ ମୋର୍ଚ୍ଚା ବଲାଙ୍ଗୀର ଶାଖା ପକ୍ଷରୁ ଦାବି କରାଯାଇଛି । ଆଜି କୃଷକମୋର୍ଚ୍ଚା ପକ୍ଷରୁ ଏକ ୫ ଦଫା ଦାବିପତ୍ର ବଲାଙ୍ଗୀର ଉପଜିଲ୍ଲାପାଳଙ୍କ ଜରିଆରେ ଓଡ଼ିଶା

ମହାମହିମ ରାଜ୍ୟପାଳଙ୍କୁ ପ୍ରଦାନ କରାଯାଇଛି । ରାଜ୍ୟ କୃଷକ ମୋର୍ଚ୍ଚା ବଲାଙ୍ଗୀର ଶାଖାର କାର୍ଯ୍ୟକାରୀ ସଦସ୍ୟ ରଘୁନାଥ ସାହୁ ଓ ନାରାୟଣ ନାଥଙ୍କ ନେତୃତ୍ୱରେ ଶତାଧିକ ଚାଷୀ ଓ ବିଜେପି କର୍ମକର୍ତ୍ତା ମାନେ ଉପଜିଲ୍ଲାପାଳଙ୍କ ଜରିଆରେ ଏକ ଦାବିପତ୍ର ପ୍ରଦାନ କରିଛନ୍ତି । ଜିଲ୍ଲାରେ ସବୁ ଦିନ ପାଇଁ ଧାନମଣ୍ଡି ଖୋଲା ଯିବା, ଧାନ କିଣାବିକାରେ କଟ୍‌ନି ଛଟ୍‌ନି ବନ୍ଦ କରିବା ସହ ଟୋକନ୍ ବ୍ୟବସ୍ଥାକୁ ଉଛେଦ କରିବ, ଧାନ ମଣ୍ଡି ଗୁଡିକରେ ମିଲର୍ ମାନଙ୍କ ଦାଦାଗିରି ବନ୍ଦ କରିବା ଆଦି ଦାବି ପୂରଣ କରିବା ଦିଗରେ

ରାଜ୍ୟ ସରକାର ପଦେକ୍ଷପ ଗ୍ରହଣ କରିବାକୁ ବିଜେପି କୃଷକ ମୋର୍ଚ୍ଚା ପକ୍ଷରୁ ଦାବି କରାଯାଇଛି । ଆଜିର ଦାବିପତ୍ର ପ୍ରଦାନ ସମୟରେ ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ, ପ୍ରମୋଦ ସାହୁ, ମନମୋହନ ରାଉତ, ରାଜକିଶୋର ନାଏକ, ଦସମୁ ସୁନା, ଜଗଦିଶ ଉଦ୍‌ଗାତା, ଅନୁରାଗୀ ନାହାକ, ମହେନ୍ଦ୍ର ସାହୁ, ଦେବବ୍ରତ ବିଶ୍ୱାଲ, ମହାଦେବ ସାହୁ, ବନମାଲି ସାହୁ, ସୀତାରାମ ପ୍ର୍‌ଧାନ, ,ଲୋଚନ ବିଶ୍ୱାଲ, ଯୁବରାଜ ପ୍ରଧାନ, ଗୌର ବିଶ୍ୱାଲ, ପୀତାମ୍ବର ଖମାରୀ, ଦୀନେଶ ସର୍ମା ଓ ସାନନ୍ଦ କାଲସାଏ ପ୍ରମୁଖ ଉପସ୍ଥିତ ରହି ଏହି ଦାବି ପ୍ରତି ସରକାର ଅଣଦେଖା କଲେ ଆଗକୁ ଆନ୍ଦୋଳନ ଭୟାବହ ହେବ ବୋଲି ଚେତାବନୀ ଦେଇଛନ୍ତି ।