22-Aug-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ ଖଡ଼ିଆଳ ବ୍ଲକ ଓ ବୋଡ଼େନ ବ୍ଲକ  ଗସ୍ତ କରି ଖଡ଼ିଆଳର ଖୁଦପେଜ ପଞ୍ଚାୟତରେ ଅକ୍ସିଜେନ ବ୍ୟାଙ୍କ, ବର୍ଜ୍ୟ ବସ୍ତୁ ପରିଚାଳନା କେନ୍ଦ୍ର ଓ ସାପ୍ତାହିକ ବଜାର ଉଦଘାଟନ ତଥା ବୃକ୍ଷ ରୋପଣ କରିଥିବାବେଳେ ବୋଡ଼େନ ବ୍ଲକ ପଲସଦା ପଞ୍ଚାୟତର ବୁଢ଼ାପଡା ଗ୍ରାମର ଏକ ବଡ ପଡ଼ିଆରେ ବୃକ୍ଷ ରୋପଣ କରିଥିଲେ । ନୂଆପଡ଼ା ଜିଲ୍ଲା ପ୍ରତି ଜିଲ୍ଲାପାଳଙ୍କ ବିଭିନ୍ନ ଅବଦାନ,ବିଭିନ୍ନ ସମସ୍ୟାର ତୁରନ୍ତ ସମାଧାନ ଦିଗରେ ପ୍ରୟାସ ଏବଂ ଉନ୍ନୟନ କାର୍ଯ୍ୟ ପ୍ରତି ତୀକ୍ଷ୍ଣ ଦୃଷ୍ଟି,ପଞ୍ଚାୟତ ପାଇଁ ଯଥେଷ୍ଟ ସରକାରୀ ପାଣ୍ଠି ଯୋଗାଇବା ତଥା  ଉଚିତ୍ କାର୍ଯ୍ୟାନୁଷ୍ଠାନ ପାଇଁ ଆଜି ଖୁଦ ପେଜ ସରପଂଚ ଯଶୋଦା ଶତପଥୀ ନିଜ ପଞ୍ଚାୟତ  ତରଫରୁ ଜିଲ୍ଲାପାଳଙ୍କୁ ସମ୍ବର୍ଦ୍ଧିତ କରିବା ଦେଖିବାକୁ ମିଳିଥିଲା । ଜିଲ୍ଲାପାଳ ନିଜ ବକ୍ତବ୍ୟରେ ସୁସ୍ଥ ମଣିଷ ଓ ସୁସ୍ଥ ସମାଜ ପାଇଁ ଆବଶ୍ୟକୀୟ ପ୍ରତ୍ୟେକ ବିଷୟକୁ ଉପସ୍ଥାପନ କରିବା ସହିତ ପ୍ରଶାସନ ସହ ସମସ୍ତେ ଯୋଡ଼ି ହୋଇ ରହିଲେ ଶାସନ ବ୍ୟବସ୍ଥା ସହଜ ଓ ସୁବିଧା ଜନକ ହୋଇଥାଏ ସମସ୍ତଙ୍କ ପାଇଁ ବୋଲି ପ୍ରକାଶ କରିଛନ୍ତି।ସମାଜ ସେବୀ ରାଧେ ଶ୍ୟାମ ଶତପଥୀ ଜିଲ୍ଲାପାଳ ଓ ପ୍ରଶାସନର ପ୍ରଶଂସା କରିବାସହ ଶେଷରେ ଧନ୍ୟବାଦ୍ ଅର୍ପଣ କରିଥିଲେ।ପୁଣି ବୋଡ଼େନ ବ୍ଲକ ବୁଢ଼ାପଡା ଗ୍ରାମରେ ବୃକ୍ଷ ରୋପଣ କାର୍ଯ୍ୟକ୍ରମ ଅବସରରେ ଗୁରୁ କୃପା ସାଂସ୍କୃତିକ ଅନୁଷ୍ଠାନ ପକ୍ଷରୁ ସଭାପତି ମାୟାଧର ସୁନାନି ଓ  ସବିତା ସାଗରଙ୍କ ନେତୃତ୍ୱରେ ଜିଲ୍ଲାପାଳଙ୍କୁ ଉପଢୋକନ ସହ ମାନ ପତ୍ର ଦେଇ ସମ୍ବର୍ଦ୍ଧିତ କରିଥିଲେ ।ଉକ୍ତ ସମସ୍ତ କାର୍ଯ୍ୟ କ୍ରମରେ ଜିଲ୍ଲାପାଳଙ୍କ ସହିତ ଅତିରିକ୍ତ ଜିଲ୍ଲାପାଳ ସୁବାସ ଚନ୍ଦ୍ର ରାଇତା,ବିଡ଼ିଓ ମିଳନ କୁମାର ଝାଙ୍କର,ବିଡ଼ିଓ ଚିନ୍ମୟ କୁମାର ସାଗର,ଜିଲ୍ଲା ପରିଷଦ ସଭ୍ୟ ମାଲ୍ୟବନ୍ତ ସୁନା,ବିଜେଡି ଜିଲ୍ଲା ସଭାପତି ଅବନୀ ରଞ୍ଜନ ଯୋଶୀ,ଜିଲ୍ଲା ସଂଯୋଜକ ଅନିଲ କୁମାର ଲେଙ୍କା, ପାର୍ଥ ସାରଥି ଦୋରା,ଜିଲ୍ଲାର ପ୍ରଥମ ସ୍ବଚ୍ଛତା ମିତ୍ର ତଥା ୟାର ଅନୁଷ୍ଠାନ ସଭାପତି ସମାଜ ସେବୀ ମହେନ୍ଦ୍ର କୁମାର ଯୋଶୀ,ଡି ଆର୍ ସି ଏସ ଶିବ ପ୍ରସାଦ ସ୍ୱାଇଁ, ଉପ ନିର୍ଦ୍ଦେଶକ ଜିଲ୍ଲା ଉଦ୍ୟାନ କୃଷି ହରେକୃଷ୍ଣ ହାଁସଦା,ସରପଂଚ ଚାତୁରୀ ବେହେରା,ସମିତିସଭ୍ୟ ମାୟାଧର ସୁନାନି,ବି ଆର୍ ସି ହେରାମ୍ୱ ବିଶ୍ଵାଳ. ପି ଇ ଓ ହିରଣ୍ୟ ମୟୀ ଚଲାନ,ବିଭିନ୍ନ ବିଭାଗୀୟ ଜିଲ୍ଲା ସ୍ତରୀୟ ଅଧିକାରୀ ଓ ଗଣ ମାଧ୍ୟମ ପ୍ରତିନିଧି ଯୋଗଦାନ କରିଥିଲେ ।