22-Aug-2026

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅଧିନସ୍ତ ଚରଦା ଠାରେ ଚାଲିଥିବା ସୁବର୍ଣ୍ଣପୁର ଜିଲ୍ଲା ସ୍ତରୀୟ ଫୁଟବଲ ପ୍ରତିଯୋଗିତା ଆଜି ଉଦଯାପିତ ହୋଇଯାଇଛି।ଶେଷ ତଥା ଫାଇନାଲ ମ୍ୟାଚରେ କଦଳିପାଲିକୁ ହରାଇ ଖୁର୍ଡ଼ିଆବାହାଲ ଚାମ୍ପିଅନ ହୋଇଛି ।ଅନୁଷ୍ଟିତ ଫାଇନାଲ ମ୍ୟାଚଟି ଅତ୍ୟନ୍ତ ରୋମାଞ୍ଚକର ରହିଥିଲା। ଉଭୟ ଦଳର ଖେଳାଳି ମାନେ ଚିତାକର୍ଷକ ଖେଳ ପ୍ରଦର୍ଶନ କରି ଦର୍ଶକ ମାନଙ୍କୁ ବାନ୍ଧି ରଖିବାରେ ସକ୍ଷମ ହୋଇଥିଲେ। ଦର୍ଶକ ମାନେ ମଧ୍ୟ ଖେଳକୁ ମନ ଭରି ଉପଭୋଗ କରି ଖେଳାଳି ମାନଙ୍କୁ କରତାଳି ମାରି ଉତ୍ସାହିତ କରିଥିଲେ ।ଶେଷରେ ଖୁର୍ଡିଆବାହାଲ ଦଳର ଖେଳାଳୀ ମାନେ ମ୍ୟାଚ ସରିବାର ନିର୍ଦ୍ଧାରିତ ସମୟ ପୂର୍ବରୁ ଉଚ୍ଚ କୋଟିର ଖେଳ ପ୍ରଦର୍ଶନ କରି ୨-୧ ଗୋଲରେ କଦଳିପାଳିକୁ ହରାଇ ବିଜୟୀ ମୁକୁଟ ପିନ୍ଧିବା ସହିତ ଚଳିତ ବର୍ଷ ଚାମ୍ପିଅନ ହୋଇଥିଲେ । ଉଦଯାପନୀ ତଥା ପୁରସ୍କାର ବିତରଣି ଉତ୍ସବରେ 
ଖୁର୍ଡ଼ିଆବାହାଲର ମନୋଜକୁ  ଶ୍ରେଷ୍ଠ ଖେଳାଳୀ ରୂପେ ପୁରସ୍କୃତ କରାଯାଇଥିଲା ସେହିପରି ବେଷ୍ଟ୍ ଗୋଲକିପର ଭାବେ ଖଇରମାଲ୍ର ଶ୍ରିତିକ୍,ଶ୍ରେଷ୍ଠ ଡିଫେଣ୍ଡର କଦଳିପାଳିର ବୁଲୁଙ୍କୁ ଅତିଥି ମାନେ ପୁରସ୍କାର ପ୍ରଦାନ କରିଥିଲେ। ଏଥିରେ ମୁଖ୍ୟ ଅତିଥି ଭାବେ ବିଜୁ ଯୁବ ଜନତା ଦଳ ଜିଲ୍ଲା ଯୁବ ସଭାପତି ଅଶୋକ ନନ୍ଦ,ସମ୍ମାନୀତ ଅତିଥି ରୂପେ ଜିଲ୍ଲା କ୍ରୀଡ଼ା ସାଂସଦ ସମ୍ପାଦକ ପୀୟୂଷ ପଣ୍ଡା, ଫୁଟବଲ୍ ସମ୍ପାଦକ ରାଜୀବ ସାହୁ ଯୋଗଦାନ କରିଥିଲେ। 
ଆଜି ମ୍ୟାଚକୁ ସୁମିତ୍ ମହାଲିଙ୍ଗ, ପରୀକ୍ଷିତ ଥପା,ଆନନ୍ଦ ବଢେଇ, ଚିକୁ ବଡ଼ପଣ୍ଡା ରେଫରୀ ଭାବେ ଦାୟିତ୍ୱ ନିର୍ବାହ କରିଥିବା ବେଳେ ଜିତେନ୍ଦ୍ରିୟ ଥନାପତି ମ୍ୟାଚ କମିଶନର ଦାୟିତ୍ଵ ନେଇଥିଲେ।