28-Aug-2023

ବଲାଙ୍ଗିର , ପାଟଣାଗଡ ବିଧାୟକ ତଥା ବିଧାନସଭା ଉପମୁଖ୍ୟ ସଚେତକ ସରୋଜ ମେହେର୍ ଙ୍କୁ ପୁଣି ଏକ ନୂଆଁ ଦାୟିତ୍ଵ ମିଳିଛି l  ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ବିଧାୟକ ସରୋଜ ମେହେର ଏକ ଦାୟିତ୍ୱ ସମ୍ପନ୍ନ ଡିଷ୍ଟ୍ରିକ୍ଟ ପ୍ଲାନିଂ କମିଟି ର ଅଧ୍ୟକ୍ଷ ପଦ ସମ୍ଭାଳିଛନ୍ତି l  ଷ୍ଟେଟ୍ ପ୍ଲାନିଂ ଡିପାର୍ଟମେଣ୍ଟ କାର୍ଯ୍ୟାଳୟ ର ଚିଠି ସଂଖ୍ୟା,୧୫୮୫୬ ଅନୁଯାୟୀ ବିଧାୟକ ଶ୍ରୀ ମେହେର ଙ୍କୁ ଏହି ଦାୟିତ୍ଵ ଅର୍ପଣ କରାଯାଇଛି l  ବଲାଙ୍ଗିର ଡିଷ୍ଟ୍ରିକ୍ଟ ପ୍ଲାନିଂ କମିଟି ର ଅଧ୍ୟକ୍ଷ ପଦ ପାଇଁ ମନୋନୀତ ହୋଇଥିବାରୁ ଶ୍ରୀ ମେହେର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କୁ କୃତଜ୍ଞତା ଜଣାଇବା ସହିତ ଏହି ଦାୟିତ୍ଵକୁ ସେ ନିଷ୍ଠା ଓ ଦକ୍ଷତାର ସହ ନିର୍ବାହ କରିବେ ବୋଲି ଦୃଢୋକ୍ତି ପ୍ରକାଶ କରିଛନ୍ତି l