28-Aug-2023

ବଲାଙ୍ଗିର (ପ୍ରେରଣା ଖବର ):ଶିବତଲା‌ ସେବା ଶାନ୍ତି ସଙ୍ଗଠନ ତରଫରୁ ତା ୨୭/୦୮/୨୦୨୩ ଦିନ ଶିବତଲା ସହୀଦ କିଶୋର ମଲ୍ଲିକ ସ୍ମୃତି ପୀଠ ସ୍ଥଳରେ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି । ଭାରତୀୟ ସେନା ବାହିନୀ ରେ ଶିବତଲା ପଞ୍ଚାୟତର ଶତାଧିକ ଯୁବକ ନିୟୋଜିତ ଥିବାବେଳେ ନବ ନିଯୁକ୍ତ ଯୁବକ ମାନଙ୍କୁ ଅଭିନନ୍ଦନ ଓ ଶୁଭେଚ୍ଛା ସେମାନଙ୍କ ମନୋବଳକୁ ବହୁଗୁଣିତ କରିଥିବା ବେଳେ ନୂତନ ଯୁବପିଢି ମାନେ ମଧ୍ୟ ଅନୁପ୍ରାଣିତ ହୋଇ ଜନନୀ ଜନ୍ମ ଭୂମିର ସେବା ପାଇଁ ଶପଥଗ୍ରହଣ କରିଛନ୍ତି। ସେବା ଶାନ୍ତି ସଙ୍ଗଠନର ସଂପାଦକ ହୋଲିଶ୍ଵର ଧରୁଆ ସଭା ସଂଯୋଜନା କରିଥିବା ବେଳେ ସଭାପତି ଶ୍ରୀ ନବୀନ ସାହୁ ଆୟୋଜିତ କାର୍ଯ୍ୟକ୍ରମର ଆଭିମୁଖ୍ୟ ବିଷୟରେ ଅବଗତ କରିଥିଲେ। ଅବସର ପ୍ରାପ୍ତ ସୈନିକ ଶ୍ରୀଯୁକ୍ତ ଚନ୍ଦ୍ରଶେଖର ବେହେରା ତାଙ୍କର ଅନୁଭୂତି ବଖାଣି ଥିଲେ, ଶ୍ରୀ ଗୋପାଳ ବେହେରା, ଶ୍ରୀ ଭୋଜରାଜ ବେହେରା ପ୍ରମୁଖ ମତାମତ ପ୍ରଦାନ କରିଥିଲେ। ଅଧ୍ୟାପକ ଶ୍ରୀଯୁକ୍ତ ନିର୍ମଳ ପାଣ୍ଡେ ନବ ନିଯୁକ୍ତ ଶ୍ରୀମାନ ତ୍ରିନାଥ ବିଶି,ଶିବା ଛତ୍ରିଆ ଓ ରାଧାକାନ୍ତ ନାଗ ଙ୍କ ପୂର୍ବ ପ୍ରସ୍ତୁତି ଓ ଯୁବ ପିଢ଼ିକୁ ବାର୍ତ୍ତା ପାଇଁ ଅନୁରୋଧ କରିଥିଲେ। ସମ୍ବର୍ଧନା ଉତ୍ସବରେ ତ୍ରିଲୋଚନ ମଲ୍ଲିକ, ହେମସାଗର ମଲ୍ଲିକ, ବିଦୁଭୁଷଣ ପ୍ରଧାନ,ରିଙ୍କୁ ଦାସ ,ତପନ ନାଏକ, ବ୍ରହ୍ମା ଭୋଇ, ମଧୁସୂଦନ ପୁଟେଲ,ରୋଶନ ସାହୁ,ରୋଶନ ବେହେରା, ପ୍ରଦୀପ ବେହେରା, ସୁରେନ୍ଦ୍ର କମ୍ପ,ବିଜୟ କୁମାର ପଟେଲ,କୃଷ୍ଣଚନ୍ଦ୍ର ଧରୁଆ, ସୋମନାଥ ମେହେର,ସଂଜୀବ ବାଗ, ସମୀର ପୋଢ, ରମେଶ ମେହେର, ପିତାମ୍ବର ପାଣ୍ଡେ,ନିରୋଜ ବଗାର ପ୍ରମୁଖ ଉପସ୍ଥିତ ଥିଲେ।