14-Dec-2022

ବଲାଙ୍ଗିର/ଲୋକସଭା ରେ  ସମ୍ବିଧାନ ଅନୁସୂଚିତ ଜାତି ଅନୁସୂଚିତ ଜନଜାତି ଆଦେଶ ଦ୍ଵିତୀୟ ସଂଶୋଧନ ବିଲ (ଉତ୍ତରପ୍ରଦେଶ) ୨୦୨୨ ବିଲ ମଞ୍ଜୁରୀ ହେଲାପରେ ରାଜ୍ୟସଭା ରେ ଉକ୍ତ ବିଲ ଆଲୋଚନା ପାଇଁ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡା ବିଲ ଆଗତ କରିଥିଲେ l  ଉକ୍ତ ବିଲ ଉପରେ ପ୍ରସ୍ତାବ ବିଚାର ଆଲୋଚନା ଏବଂ ସମର୍ଥନ ପାଇଁ ରାଜ୍ୟସଭା  ସାଂସଦ ନିରଞ୍ଜନ ବିଶି  ବିଜେଡି ତରଫରୁ ଆଲୋଚନରେ ଅଂଶଗ୍ରହଣ କରିଥିଲେ l ଉତ୍ତରପ୍ରଦେଶ ରାଜ୍ୟର  ନୂତନ ଭାବରେ ଗଠିତ ଚାରିଟି ଜ଼ିଲ୍ଲା ଶନ୍ତକବିରନଗର, କୁସିନଗର,ଶନ୍ତ ରବୀଦାସନଗର ଏବଂ ଚନ୍ଦଉଳି ଜ଼ିଲ୍ଲା ରେ ଗଣ୍ଡ, ରାଜଗଣ୍ଡ, ଧୂରିଆ, ନାୟକ, ଓଝା,ପଥlରି ସମ୍ପ୍ରଦାୟକୁ ଅନୁସୂଚିତ ଜାତି(SC) ତାଲିକାରେ ଅନ୍ତର୍ଭୁକ୍ତ କରାଯାଇଥିଲା l ଦେଶର ଅନ୍ୟ ରାଜ୍ୟରେ ଗଣ୍ଡ ,ରାଜ ଗଣ୍ଡ,ଧୂରିଆ, ନାୟକ, ଓଝା,ପଥlରି ଅନୁସୂଚିତ ଜନଜାତି(ST) ରେ ସାମିଲ ଅଛନ୍ତି l ତେବେ ଗଣ୍ଡ ଗଣ୍ଡ, ରାଜ ଗଣ୍ଡ, ଧୂରିଆ, ନାୟକ,ଓଝା,ପଥlରି  ସମ୍ପ୍ରଦାୟ କୁ ଅନୁସୂଚିତ ଜନଜାତି  ତାଲିକାରେ ସାମିଲ କରିବା ପ୍ରସ୍ତାବକୁ ବିଜେଡି ତରଫରୁ  ସାଂସଦ ଶ୍ରୀ ବିଶି ସମର୍ଥନ କରିଥିଲେ l ଏହି ଅବସରରେ  ଓଡିଶାର  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ଦ୍ୱାରା ସୁପାରିଶ କରାଯାଇଥିବା ୧୪୯ ଜନଜାତି ମଧ୍ୟରେ ସଅର କୁ ଶବର,ସହରା,ସଓରା ଆଦିବାସୀ ତାଲିକାରେ ଥିବା କ୍ରମିକ ସଂଖ୍ୟା 59 ସମୃକ୍ତି କରିବା ସେହିଭଳି ତlମlଡ଼ିଆ,ପୁରାଣ, ତlମୁଡ଼ିଆ, ତମରିଆ,ଭଗତା, ଭୁକ୍ତା,ଦୁରୁଆ,କଳଙ୍ଗା,ନାକାସିଆ,ପାବା,ଖଣ୍ଡାୟତ ଭୂୟାଁ,ଚାପୁଆ କମାର, କନ୍ଧିଆ ସମ୍ପ୍ରଦାୟକୁ ଓଡିଶା ଆଦିବାସୀ ତାଲିକାରେ  କୁ ଆଦିବାସୀ ତାଲିକାରେ ଅନ୍ତର୍ଭୁକ୍ତ କରିବାସହିତ ଓଡିଶା ଆଦିବାସୀ ତାଲିକାରେ ଥିବା ଆଦିବାସୀ ଗୋଷ୍ଠୀ ଝୋଡ଼ିଆ, ଜଡ଼ିଆ, କନ୍ଧ କୁମ୍ଭାର,ଚୁକଟିଆ ଭୁଞ୍ଜିଆ,! ମାଙ୍କିଡିଆ, ପୋର୍ଜା,ବଣ୍ଡlପରଜା, ଧୂରୁଆ, ପହରିଆ, ପାଉଡି ଭୂୟାଁ ସମ୍ପ୍ରଦାୟ ର ଅଂଶବଂଶର  ଆଦିବାସୀ ମାନଙ୍କୁ ତୁରନ୍ତ ସମ୍ପୃକ୍ତ ତାଲିକାରେ ଅନ୍ତର୍ଭୁକ୍ତ କରିବାକୁ ଦାବୀ ଉପସ୍ଥାପନ କରିଥିଲେ l ଏହା ସହିତ ଓଡିଶା ର ଅନୁସୂଚିତ ଜାତି ତାଲିକାରେ ଚମ୍ଭାର,ଚିକ,ଚିକ ବଡlଇକ, ଶିଆଳ,ମହରl,ମୋହରl,ମହରା ସମ୍ପ୍ରଦାୟକୁ ଅନ୍ତର୍ଭୂକ୍ତ କରିବାକୁ ପଦକ୍ଷେପ ନେବାକୁ ସାଂସଦ ଶ୍ରୀ ବିଶି କେନ୍ଦ୍ର ସରକାରଙ୍କୁ ଦାବୀ କରିଥିଲେ l