24-Apr-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) : ବଲାଙ୍ଗୀର ଜିଲ୍ଲାର ସର୍ବ ପୁରାତନ ଐତିହ୍ଯ ସମ୍ପନ୍ନ ରାଣୀପୁର ଝରିଆଲ ସୋମେଶ୍ବର ମହାଦେବ ଙ୍କ ମନ୍ଦିର ଶୁକ୍ରବାର ବିଳମ୍ବିତ ରାତିରେ ଚୋରୀ ହୋଇଥିବା ଅଭିଯୋଗ ହୋଇଛି। ଶନିବାର ସକାଳୁ ମନ୍ଦିର ଖୋଳି ନିତାକାନ୍ତି କରିବା ପାଇଁ ମନ୍ଦିର ପୂଜକଙ୍କ ସହଯୋଗୀ ପ୍ରମୋଦ ତ୍ରିପାଠୀ ପହଞ୍ଚି ଦେଖିବା ବେଳେ ମନ୍ଦିରର ମୁଖ୍ଯ ଦ୍ବାର ଖୋଲା ପଡିଛି। ହୁଣ୍ଡି ତାଲା ଭଙ୍ଗା ଯାଇଥିବା ବେଳେ ବାହାରେ ଲଗା ଯାଇଥିବା କ୍ୟାମେରା ରୁ ତାର କାଟି ଦିଆଯାଇଛି ଏବଂ ଆଉ ଗୋଟିଏ ପଟର କ୍ୟାମେରା କୁ ପଥର ମାରି ଭଙ୍ଗାଯାଇ ଥିବା ଦେଖି ମୁଖ୍ଯ ପୂଜକ ଜଗମୋହନ ତ୍ରିପାଠୀଙ୍କୁ ଜଣାଇଥିଲେ ମୁଖ୍ଯ ପୂଜକ ସୁଚନା ପାଇଲା ମାତ୍ରେ ମନ୍ଦିର କମିଟି କୁ ଜଣାଇଥିଲେ । ପରେ ମନ୍ଦିର କମିଟିର କର୍ମକର୍ତ୍ତା ପହଞ୍ଚି ସିନ୍ଧେକେଲା ପୋଲିସ କୁ ଜଣାଇଥିଲେ। ପୋଲିସ ପହଞ୍ଚି ମନ୍ଦିର ଭିତରକୁ ଯାଇ ସ୍ଥିତି ଅନୁଧ୍ୟାନ କରିବାସହ ହୁଣ୍ଡି ରେ ଭକ୍ତ ମାନଙ୍କ ଦ୍ବାରା ଦିଆ

ଯାଉଥିବା ଟଙ୍କା ଓ ଅନ୍ଯାନ୍ଯ ସାମଗ୍ରୀ ଚୋରି ହୋଇଥିବା ଏବଂ ଦୁବୃର୍ତ୍ତ ମାନେ ସିସିଟିଭି ର ହାର୍ଡଡିସ୍କ ମଧ୍ଯ ନେଇ ଯାଇଥିବା ଦେଖିବାକୁ ପାଇଥିଲେ। ଏହି ସମୟରେ ମନ୍ଦିର ପୂଜା କମିଟିର ସଭାପତୀ ମାଣିକ ଚନ୍ଦ ଜୈନ, ଆବାହକ ଅନିଲ କୁମାର ତ୍ରିପାଠୀ , କ୍ଷୀରସିନ୍ଧୁ ଭୋଇ, ମଞ୍ଜେସ ମେହେର, ସନ୍ୟାସୀ ଭୋଇ, ଗୋପୀନାଥ ସାହୁ, ଝରିଆଲ ସରପଞ୍ଚ ଭରଦ୍ବାଜ ଗହିର, ଯୁବନେତା ଯୁବରାଜ ବାଗ ପ୍ରମୁଖ ଉପସ୍ଥିତ ଥିଲେ। ପ୍ରକାଶ ଥାଉକି ରାଣୀପୁର ଝରିଆଲ କେନ୍ଦ୍ର ପ୍ରତ୍ନତତ୍ତ୍ବ ବିଭାଗ ଅଧିନରେ ଥିବାରୁ ପ୍ରତ୍ନତତ୍ତ୍ବ ବିଭାଗ ତରଫରୁ ମନ୍ଦିର ସମୁହ ଓ କିର୍ତ୍ତିରାଜିର ସଂରକ୍ଷଣ ଓ ସୁରକ୍ଷା ପାଇଁ ଚାରିଜଣ ଜଗୁଆଳୀ ନିଯୁକ୍ତି ହୋଇଥିବା ବେଲେ କେହି ଠିକ ଭାବରେ ନିଜ ଦାୟୀତ୍ବ ତୁଲାଉ ନ ଥିବା ଯୋଗୁଁ ଆଗରୁ ମଧ୍ଯ ଅନେକଥର ଏହିପିଠରୁ ଚୋରି ହୋଇ ସାରିଛି । ଜଦି ଠିକରେ କହିବାକୁ ଗଲେ ଏ ପୀଠ ବର୍ତ୍ତମାନ ଭଗବାନଙ୍କ ଭରସାରେ ଚାଳିଛି କହିଲେ ଅତ୍ୟୁକ୍ତି ହେବ ନାହିଁ । କେତେବେଳେ ଯୋଗିନୀପିଠ ରୁ ମୁର୍ତ୍ତି ଚୋରି ହୋଇଛି ତ କେତେବେଳେ ପଥର ମୁର୍ତ୍ତି ବଦଳରେ କେହି ସାଧକ ସିମେଣ୍ଟ ତିଆରି ମୁର୍ତ୍ତି ସ୍ଥାପନ କରି ଦେଇଛି। କେତେବେଳେ ନିଜ ୟୁଟ୍ୟୁବ ଚେନାଲ ର ବ୍ୟବସାୟ ପାଇଁ କଳିକତା ରୁ ବାବା ଦଳ ଆସି ପୁରା ଯୋଗିନୀପିଠ କୁ ଗେଣ୍ଡୁଫୁଲ ରେ ସଜାଇ ପୂଜାର୍ଚ୍ଚନା ଆୟୋଜନ କରିବାସହ ଭିଡିଓ ନେଲେ ଡ୍ରୋନ ଉଡାଇଲେ

ତଥାପି ପ୍ରଶାସନ ନିରବଦ୍ରଷ୍ଟା। ଏ ବିଷୟରେ ବିଭାଗୀୟ ଅଧିକାରୀ ମାନଙ୍କୁ ବାରମ୍ବାର ଜଣା ଯାଇଥିଲେ ମଧ୍ଯ କୌଣସି ସୁଫଳ ମିଳି ପାରୁନାହିଁ। ବରଂ ସେମାନଙ୍କ ସହ ମିଶି ସରକାରୀ ତହବିଲରୁ ମୋଟା ଅଙ୍କର ଦରମା କୁ ମିଳିମିଶି ଭାଗବଣ୍ଟା କରି ଘରେ ରହି ଆରାମରେ ରହି ଡ୍ୟୁଟି ଦେଖାଇଲେ ବି କିଛି ଅସୁବିଧା ନ ଥିବା ଅଭିଯୋଗ କରିଛନ୍ତି ମନ୍ଦିର କମିଟି ଓ ସ୍ଥାନୀୟ ଲୋକେ । ଖବରପାଇ ପୋଲିସ ମନ୍ଦିରକୁ ପହଞ୍ଚି ତଦନ୍ତ ଆରମ୍ଭ କରି ପଚରା ଉଚୁରା କରୁଥିବା ସମୟରେ ପୀଠର ରକ୍ଷଣାବେକ୍ଷଣ ପାଇଁ ଚାରିଜଣ ଜଗୁଆଳୀ ଥିବା ଜାଣି ଫୋନ କରି ସେମାନେ କୋଉଠି ଅଛନ୍ତି ବୋଳି ପଚାରି ବୁଝିବାସହ ସେ ମାନଙ୍କୁ ୨୪ ଘଣ୍ଟା ମଧ୍ଯରେ ଥାନାକୁ ଆସି ତଦନ୍ତରେ ସହଯୋଗ କରିବା ପାଇଁ କହିଥିଲା ସିନ୍ଧେକେଲା ପୋଲିସ ।