17-Aug-2026

ବେଲପଡ଼ା(ପ୍ରେରଣା ଖବର): ସ୍ଥାନୀୟ ନୂଆଁ ବସ ଷ୍ଟାଣ୍ଡ ନିକଟରେ ନିଖିଳ ଓଡ଼ିଶା ଆଶା କର୍ମୀ ସଂଘ, ବେଲପଡ଼ା ବ୍ଲକ କମିଟି ପକ୍ଷରୁ ଆଶା କର୍ମୀ ଲତା ପୁଟେଲଙ୍କ ଆହ୍ବାନରେ ଓ ମଦନା ପୁଟେଲଙ୍କ ସଭାପତିତ୍ୱରେ  ଆଶା କର୍ମୀ ମାନଙ୍କୁ ନେଇ ନିଖିଳ ଓଡ଼ିଶା ଆଶା କର୍ମୀ ସଂଘ ,ବେଲପଡ଼ା ବ୍ଲକ ସଂଘର ସମ୍ମିଳନୀ ଅନଷ୍ଠିତ ହୋଇ ପୁରୁଣା କମିଟି ର କାର୍ଯ୍ୟକାଳ ପୂର୍ଣ୍ଣ ହୋଇଥିବାରୁ ସେହି ସ୍ଥାନରେ ନୂତନ କର୍ମକର୍ତ୍ତାଙ୍କୁ ଚୟନ କରାଯାଇ କାର୍ଯକାରୀ କମିଟି ଗଠନ କରାଯାଇଛି l ଏଥିରେ ଜିଲ୍ଲା ସଂଗଠନର ସଭାପତି ତଥା ରାଜ୍ୟ ଉପ-ସଭାପତି ତୀର୍ଥ ପଧlନ ମୁଖ୍ୟ ଅତିଥି ଭାବେ ଓ ଜିଲ୍ଲା ଏ. ଆଇ.ଟି. ୟୁ. ସି. ସହ - ସମ୍ପାଦକ ସlଏବୁ ନନ୍ଦ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ l ବେଲପଡ଼ା ବ୍ଲକ କମିଟିର ସଭାପତି ଭାବେ ଲତା ପୁଟେଲ, ସମ୍ପାଦିକା ସତ୍ୟଭାମା ଲିଟି, ଉପ- ସଭାପତି ମଦନlବତି ପୁଟେଲ , ସହ ସମ୍ପାଦିକl ଦିଲେଶ୍ଵରି ସାହୁ , କୋଷାଧ୍ୟକ ଯଜ୍ଞସେନୀ ସେଠ ଓ ଏକ୍ଟିଭ ସଦସ୍ୟା ରତ୍ନlବତି ଗଇନ୍ତା, ବିଦେଶିନୀ ସାହୁ, ସନ୍ତୋଷୀନି  ବିଶ୍ୱାଳ ଏବଂ କବିତା ବାଗ ପ୍ରମୁଖ ସମୁଦାୟ  ୯ ଜଣ ଆଶାକର୍ମୀ ଙ୍କୁ ସର୍ବସମ୍ମତି କ୍ରମେ ପ୍ରସ୍ତାବ ଓ ସମର୍ଥନ କ୍ରମେ ଚୟନ କରାଯାଇ ନୂତନ କାର୍ଯକାରୀ କମିଟି ଗଠନ କରାଯାଇଛି l ମୁଖ୍ୟ ଅତିଥି ବ୍ଲକରେ କାର୍ଯ୍ୟରତ ସମସ୍ତ ଆଶା କର୍ମୀମାନଙ୍କୁ ଏକତ୍ରିତ ହୋଇ ନିଜର ସର୍ବନିମ୍ନ ହକ୍ ହାସଲ ପାଇଁ ତୃଣମୂଳ ସ୍ତରରୁ ସଂଗ୍ରାମ ଜାରି ରଖିବାକୁ ଆହ୍ୱାନ ଦେଇଥିଲେ l ସମସ୍ତ ଆଶା ମାନଙ୍କ ବାକିଆ ଥିବା ପ୍ରୋତ୍ସାହନ ରାଶି ଗୁଡିକ ଶୀଘ୍ର ସେମାନଙ୍କ ଆକାଉଣ୍ଟ କୁ ପଠାଇବା ପାଇଁ ବେଲପଡା ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଙ୍କୁ ସଭା ମାଧ୍ଯମରେ ଅନୁରୋଧ କରିଥିଲେ l ଯଦି ପୂର୍ବପରି ପାଉଣା ପାଇବାରେ ଅନିୟମିତତା ବା ବିଳମ୍ବ ପରିଲକ୍ଷିତ ହୁଏ ତେବେ ସଂଗଠନ ଦାବୀପତ୍ର ଦେବା ସଙ୍ଗେ ସଙ୍ଗେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ସମ୍ମୁଖରେ ଆନ୍ଦୋଳନାତ୍ମକ ପନ୍ଥା ଅବଲମ୍ବନ କରିବାକୁ ବାଧ୍ୟ ହେବ ସେଥିରେ କିଛି ଅପ୍ରୀତିକର ପରିସ୍ଥିତି ସୃଷ୍ଟି ହୁଏ ତେବେ ମେଡିକାଲ କର୍ତ୍ତୃପକ୍ଷ ହିଁ ଦାୟୀ ରହିବେ ବୋଲି ଚେତାବନୀ ଦେଇଥିଲେ l ସମ୍ମାନୀତ ଅତିଥି ସମସ୍ତଙ୍କୁ ଏ ଆଇ ଟି ୟୁ ସି ପତକା ତଳେ ଏକତ୍ରିତ ହୋଇ ନିଜର ଦାବୀ ଗୁଡ଼ିକ ହାସଲ ପାଇଁ ପଲ୍ଲୀ ରୁ ଦିଲ୍ଲୀ ପର୍ଯ୍ୟନ୍ତ ଧର୍ମଘଟ ଓ ବିକ୍ଷୋଭ ପ୍ରଦର୍ଶନ କରିବାକୁ ଦୃଢ଼ ସଂକଳ୍ପ ନେବା ପାଇଁ ଆହ୍ୱାନ ଦେଇଥିଲେ l ଏଥିରେ ଦେବକୀ ରଣା, ଭୂମିସୁତା ନାଗ, ଅରୁନ୍ଧତୀ ବାଗ, ମାଳା ଜାଲ, କଳ୍ପନା ମେହେର, ପଦ୍ମିନୀ ପୂଟେଲ, ବାସନ୍ତୀ ମିର୍ଦ୍ଧା, ଚମ୍ପାବତୀ ଦିଣ୍ଡl, ସାବିତ୍ରୀ ଠାକୁର, ମାଧବୀ ହାତୀ, ସରୋଜିନୀ ଭୋଇ, ଭୂମିସୁତା ଭୁଏ, ଆରୋହୀ ପାଣ୍ଡେ, ସୁଶୀଳା, ସତ୍ୟଭାମା ଷlଣ୍ଢ, ଭlଗ୍ୟବତି କୋଠରିଆ, କୁମଦିନି କୁମୁରା, ପୁଷ୍ପଲତା ମହାକୁର, ବୀଣାପାଣି ପୁରୋହିତ, ରୋହିଣୀ ସାହୁ, ପ୍ରମୁଖ ଯୋଗଦେଇ ବିଜେପି ଶାସିତ ଡବଲ ଇଞ୍ଜିନ ସରକାର ରାଜ୍ୟରେ କ୍ଷମତାସୀନ ହେଲା ଦିନରୁ ଠିକ୍ ସମୟରେ ସଠିକ୍ ପରିମାଣର ପ୍ରୋସାହନ ରାଶି ପାଇପାରୁ ନଥିବାରୁ ଦୁଃଖ ପ୍ରକାଶ କରିଥିଲେ ଶେଷରେ ଉର୍ବଶୀ ମେହେର ଓ ବିଦେଶିନୀ ସାହୁ ଅତିଥି, ନୂତନ କର୍ମକର୍ତା ଓ ଉପସ୍ଥିତ ଥିବା ସମସ୍ତ ଆଶା କର୍ମୀ ଏବଂ ସହଯୋଗୀଙ୍କୁ ଧନ୍ଯବାଦ ଅର୍ପଣ କରି ସଭା ସାଙ୍ଗ କରିଥିଲେ l