17-Aug-2026

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ସ୍ତରୀୟ ପ୍ରିମିଅର ଲିଗ୍ ଫୁଟବଲ  ଫୁଟବଲ୍ ପ୍ରତିଯୋଗିତା ବିନିକା ବ୍ଲକର ଚରଦା ହାଇସ୍କୁଲ୍ ପଡ଼ିଆରେ ଆଜି ଉଦଘାଟିତ ହୋଇଯାଇଛି। ପ୍ରଥମ ମ୍ୟାଚ ରହିଲା ଏବଂ ବାଞ୍ଜିପାଲି ମଧ୍ୟରେ ଅନୁଷ୍ଠିତ ହୋଇଥିଲା। ଏହି ମ୍ୟାଚରେ ବାଞ୍ଜିପାଲି ଦଳ ୦୩:୦୦ ଗୋଲରେ ବିଜୟୀ ହୋଇଥିଲା। ଦଳ ପକ୍ଷରୁ ଅନିଲ  ଦୁଇଟି ଗୋଲ୍ ସ୍କୋର କରି ଥିଲେ। ଦ୍ଵିତୀୟ ମ୍ୟାଚ୍ ଫୁଲମୁଠୀ ଏବଂ ଚରଦା ଜୁନିଅର୍ ମଧ୍ୟରେ ଆୟୋଜିତ ହୋଇଥିଲା। ଉକ୍ତ ମ୍ୟାଚରେ ଚରଦା ଜୁନିଅର୍ ୦୪:୦୦ ଗୋଲରେ ବିଜୟୀ ହୋଇଥିଲା। ଦଳ ତରଫରୁ ମୁନା ଦୁଇଟି , ଲିଟନ ଏବଂ ଶୁଭମ୍ ଗୋଟିଏ ଲେଖାଏଁ ଗୋଲ୍ କରିଥିଲେ।
ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବରେ 
ଚରଦା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବାସୁଦେବ ପାଣିଗ୍ରାହୀ ଯୋଗଦାନ କରିଥିବା ବେଳେ ସମ୍ମାନୀତ ଅତିଥି ରୂପେ କପିଳେଶ୍ୱର ହାଇସ୍କୁଲ୍ର ଖେଳ ଶିକ୍ଷକ ସୁଶୀଲ କୁମାର ବାବୁ ଯୋଗଦାନ କରିଥିଲେ। 
ଆଜିର ମ୍ୟାଚ୍ ଗୁଡ଼ିକୁ ବାବୁଲାଲ ସାହୁ,ସୁମିତ୍ ମହାଲିଙ୍ଗ,ଅଶ୍ୱିନୀ ଥନାପତି,ଆନନ୍ଦ ବଢ଼େଇ, ଆଶିଷ ପଣ୍ଡା,ପରୀକ୍ଷିତ ଥପା ରେଫରୀ ରୂପେ ଥିବା ବେଲେ ଜିତେନ୍ଦ୍ରିୟ ଥନାପତି ମ୍ୟାଚ୍ କମିଶନର ଦାୟିତ୍ଵ ନେଇଥିଲେ।