11-Apr-2022

 ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ,, ସୁବର୍ଣ୍ଣପୁର ଜିଲ୍ଲା କ୍ରିକେଟ ସଂଘ ଆନୁକୂଲ୍ୟରେ ଚାଲିଥିବା ସ୍ଥାନୀୟ ଗାନ୍ଧୀ ପଡିଆରେ ସୋନପୁର ପ୍ରିମିୟର ଲିଗ ୨୦୨୨ ଗତକାଲି ଉଦଯାପିତ ହୋଇଯାଇଛି l ଗତକାଲି ଅନୁଷ୍ଠିତ ଫାଇନାଲ ମ୍ୟାଚ ରେ ମଣ୍ଟୁ ୱାରିୟର୍ସ ବଗଳା ୱାରିୟର୍ସ ଦଳକୁ ପରାସ୍ତ କରି ଚାମ୍ପିଅନ ହୋଇଛି l ମଣ୍ଟୁ ୱାରିୟର୍ସ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭର ରେ ୧୯୯ ରନ ସଂଗ୍ରହ କରିଥିଲେ l ଦଳ ପକ୍ଷରୁ ଅଭିନାଶ ନାୟକ ୬୬ରନ, ଆଶିଷ ମଲ୍ଲିକ ୬୨ ରନ, ଉମାଶଙ୍କର ହୋତା ୩୪ ରନ ଓ ସୌରଭ ତାରିଆ ୧୮ ରନ ସ୍କୋର କରିଥିଲେ l ବଗଳା ୱାରିୟର୍ସ ଦଳ ପକ୍ଷରୁ ଗୌରବ ରାଉତ ୨ ଟି, ବି. ପୁରୁଷୋତ୍ତମ ପାତ୍ର, ରାକେଶ ସାହୁ ଓ ପ୍ରତାପ ସାହୁ ପ୍ରତ୍ୟେକ ୧ ଟି ଲେଖାଏଁ ଉଇକେଟ ଅକ୍ତିଆର କରିଥିଲେ l ଜବାବରେ ବଗଳା ୱାରିୟର୍ସ ଦଳ ସମସ୍ତ ଉଇକେଟ ହରାଇ ମାତ୍ର ୧୪୫ ରନ ସଂଗ୍ରହ କରିବାକୁ ସମର୍ଥ ହୋଇଥିଲେ l ଦଳ ପକ୍ଷରୁ ପ୍ରଶାନ୍ତ ବିଶି ୭୧ ରନ, ଜ୍ୟୋତିରଞ୍ଜନ ପାତ୍ର ୨୮ ରନ ସ୍କୋର କରିଥିଲେ l ମଣ୍ଟୁ ୱାରିୟର୍ସ ଦଳ ପକ୍ଷରୁ ବାଦଲ ସରଦେଶୀ ନିସାଦ ୩ ଟି, ଉମାଶଙ୍କର ହୋତା ୩ ଟି ଏବଂ ମନୋଜ ଓ ସୌରଭ ତରିଆ ଦୁଇଟି ଲେଖାଏଁ ଉଇକେଟ ଅକ୍ତିଆର କରିଥିଲେ l ମଣ୍ଟୁ ୱାରିୟର୍ସ ଦଳ ର ଅଭିଳାଷ ନାୟକ ଟୁର୍ଣ୍ଣାମେଣ୍ଟ ର ଶ୍ରେଷ୍ଠ ଖେଳାଳୀ, ଶ୍ରେଷ୍ଠ ବ୍ୟାଟ୍ସମ୍ୟାନ ଓ ଶ୍ରେଷ୍ଠ କ୍ୟାଚ ଧରିଥିବା ଖେଳାଳୀ ଭାବରେ ପୁରସ୍କୃତ ହୋଇଥିଲେ l ଉମାଶଙ୍କର ହୋତା ଙ୍କୁ ମ୍ୟାନ ଅଫ ଦି ଫାଇନାଲ ଓ ଶ୍ରେଷ୍ଠ ବୋଲର ପୁରସ୍କାର ପ୍ରଦାନ କରାଯାଇଥିଲା l ସୋନପୁର ତହସିଲଦାର ନବୀନ କିଶୋର ପାଢ଼ୀ ମୁଖ୍ୟ ଅତିଥି ଭାବରେ ଯୋଗ ଦେଇ ଚାମ୍ପିଅନ ଦଳକୁ ପୁରସ୍କାର ସହ ଟ୍ରଫି ପ୍ରଦାନ କରିଥିଲେ l ସମ୍ମାନୀତ ଅତିଥି ଭାବରେ ସାମାଜିକ କର୍ମୀ ଡକ୍ଟର ଆଭାଷ ବାବୁ ଓ ସମାଜସେଵୀ ଶ୍ରୀବତ୍ସ ମଲ୍ଲିକ ଯୋଗ ଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ l ସୋନପୁର ପ୍ରିମିୟର ଲିଗ କ୍ରିକେଟ ର ଅଧ୍ୟକ୍ଷ ବି. ସତ୍ୟନାରାୟଣ ରାଓ ବିବରଣୀ ପ୍ରଦାନ କରିଥିଲେ l ସୁବର୍ଣ୍ଣପୁର ଜିଲ୍ଲା କ୍ରିକେଟ ସଂଘ ସଭାପତି ରାମଶଙ୍କର ସାହୁ ଧନ୍ୟବାଦ ପ୍ରଦାନ କରିଥିଲେ l ଲିଗ୍ ର ସଭାପତି ବି. ସୁଦର୍ଶନ ପାତ୍ର, ସମ୍ପାଦକ ରଞ୍ଜନ ରାୟ, ଜିଲ୍ଲା କ୍ରିକେଟ ସଂଘ ସମ୍ପାଦକ ପ୍ରଦୀପ ସେଠି ଉଦଯାପନୀ ସମାରୋହ ରେ ଉପସ୍ଥିତ ଥିଲେ l ଶ୍ୟାମସୁନ୍ଦର ପଣ୍ଡା ଓ ଶ୍ରୀବନ୍ତ କୁମାର ନାୟକ ମ୍ୟାଚ ପରିଚାଳନା କରିଥିଲେ l ଦୀନେଶ ଘିବେଲା ଓ ବିଶ୍ୱନାଥ ନାୟକ ସ୍କୋରର ଦାୟିତ୍ୱ ତୁଲାଇଥିଲେ l ଅଚ୍ୟୁତ ମିଶ୍ର, ବି. ଏସ. ରାଓ ଓ ସରୋଜ ନନ୍ଦ ଧାରା ବିବରଣୀ ପ୍ରଦାନ କରିଥିଲେ l