20-Mar-2022

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଉଦେପଦର ଠାରେ ଦୋଲପୁର୍ଣ୍ଣୀମା ଅବଶରରେ ଚାଲିଥିବା ଜଲନ୍ଧରରାଜ ଶନିବାର ଉଦଯାପିତ ହୋଇଛି । ହରିହର କମିଟି ତର‘ରୁ ଆୟୋଜିତ ହୋଇଥିବା   ଜଲନ୍ଧରରାଜର ଶେଷ ସଂଧ୍ୟାରେ ପୌରାଣିକ କଥାବସ୍ତୁକୁ ନେଇ ଆଧାରିତ ନାଟ୍ୟଭୀନୟରେ ମର୍ତ୍ୟବୈକୁଣ୍ଠ ସମ୍ପନ୍ନ କରିବା ପାଇଁ ପାର୍ବତୀଙ୍କୁ ହାସଲ କରିବା ପାଇଁ ଶିବଙ୍କ ସହିତ ଯୁଦ୍ଧ କରି ଶିବଙ୍କୁ ପରାସ୍ତ କରେ ଜଲନ୍ଧର । ଏହାପରେ ଭଗବାନ ଶିବ ବିଷ୍ଣୁଙ୍କୁ ସ୍ମରଣ କରନ୍ତି । ତେବେ ବିଷ୍ଣୁ ଶିବଙ୍କୁ ଜଲନ୍ଧର ସହିତ ଯୁଦ୍ଧର ଆହ୍ନାନ ପାଇଁ  ପରାମର୍ଶ ଦିଅନ୍ତି । ଯୁଦ୍ଧ ସମୟରେ ବିଷ୍ଣୁ ଜଲନ୍ଧର ବେଷରେ ଯାଇ ସତୀ ବୃନ୍ଦାବତୀଙ୍କ ସତିତ୍ୱ ହରଣ କରନ୍ତି । ଏହାପରେ ଶିବଙ୍କ ତ୍ରୀସୁଲ ଆଘାତରେ ଜଲନ୍ଧରର ମୃତ୍ୟୁ ହୁଏ । ଜଲନ୍ଧର ଭୂମିକାରେ ଗୋପାଲ ଦାସ, ନାରଦ ଓ ଶିବ ଭୂମିକାରେ ଜଗନ୍ନାଥ ସାହୁ, ବିଷ୍ଣୁ ଭୂମିକାରେ ଦୈତାରୀ ଭୁଏ ପ୍ରମୁଖ ଅଭିନୟ କରିଥିଲେ । ଏହି ଅବଶରରେ ଆୟୋଜିକ କମିଟିର ସଭାପତି ମନୋଜ ସାହୁଙ୍କ ଅଧ୍ୟକ୍ଷତାରେ ହୋଇଥିବା ଉଦଯାପନୀ ଉତ୍ସବରେ ଗୋପାଲ ପଣ୍ଡା ସଂଯୋଜନା କରିଥିଲେ । ଏହାପରେ କମିଟିର ସଦସ୍ୟ ମାନେ ସମସ୍ତ କଲାକାର ମାନଙ୍କୁ ମାନପତ୍ର  ଓ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ ।