02-Sep-2026

ବିନିକା(ହିମାଂଶୁ ଶେଖର ପୁଟେଲ)ଘରେ ପାଳିତ ପଶୁଜନ୍ତୁଙ୍କ ଖାଦ୍ୟ ପାଇଁ "ଦା" ସହାୟତାରେ ଘାସ କାଟୁଥିବା ବେଳେ ତଳେ ପଡ଼ିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ବୃଦ୍ଧଙ୍କ ମୃତ୍ୟୁ ହେବା ଘଟଣା ସମଗ୍ର ବିନିକା ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି।ଘଟଣାରୁ ପ୍ରକାଶ ଯେ ବିନିକା ବ୍ଲକ ଅନ୍ତର୍ଗତ ଭଣ୍ଡାର ପଞ୍ଚାୟତ ଚୁଲିମାଲ ଗ୍ରାମର ଶ୍ରମିକ ବୀରେନ୍ଦ୍ର ପାତ୍ର (୬୫) ଗାଁ ନିକଟରେ ଥିବା କୁକୁଡ଼ା ଫାର୍ମ ପରିସରରେ "ଦା" ସହାୟତାରେ ଘାସ କାଟୁଥିବା ବେଳେ ପୂର୍ବରୁ ତଳେ ପଡ଼ିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ଯିବାରୁ ସେଠାରେ ହିଁ ଟଳି ପଡ଼ିଥିଲେ।ଘଟଣା ଜଣାପଡ଼ିବା ପରେ ଦେଖିବା ପାଇଁ ଲୋକଙ୍କ ନାହିଁ ନଥିବା ଭିଡ଼ ଜମିଥିଲା କୁଆଡ଼େ ଉକ୍ତ କୁକୁଡ଼ା ଫାର୍ମ ଭଣ୍ଡାର ଗ୍ରାମର ଜନାର୍ଦ୍ଦନ ହୋତାଙ୍କର ବୋଲି ଶୁଣିବାକୁ ମିଳୁଛି।ତେବେ ବୃଦ୍ଧ ର ପରିବାର ଅତ୍ୟନ୍ତ ଗରିବ ହୋଇଥିବାରୁ କ୍ଷତି ପୂରଣ ସହାୟତା ଯୋଗାଇଦେବାକୁ ପରିବାର ଲୋକେ ଦାବୀ କରିଛନ୍ତି।ଅନ୍ୟପଟେ ବିନିକା ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ମୃତ ଦେହକୁ ଜବତ କରିବା ସହ ଅଧିକ ତଦନ୍ତ ଜାରି ରଖିଥିବା ଜଣାପଡ଼ିଛି।