03-Sep-2026

ଟିଟିଲାଗଡ଼(ପ୍ରେରଣା ଖବର): ଚଳିତ ବର୍ଷ ୭୭ତମ ବନମହୋତ୍ସବ ଅବସରରେ ବଲାଙ୍ଗିର ଜିଲ୍ଲାର ବଙ୍ଗୋମୁଣ୍ଡା ଓ ମୁରିବାହାଲ ବ୍ଲକର ବିଭିନ୍ନ ଗ୍ରାମ ଓ ବିଦ୍ୟାଳୟରେ Green Eagle Army ପକ୍ଷରୁ ବ୍ୟାପକ ବୃକ୍ଷରୋପଣ, ପରିବେଶ ସଚେତନତା ସଭା ଓ ଗ୍ରାମ ପରିକ୍ରମା କାର୍ଯ୍ୟକ୍ରମ ଜାରି ରହିଛି। ଗୋଲାବନ୍ଧ, ଅସୁରମୁଣ୍ଡା, ଫଟାମୁଣ୍ଡା ସମେତ ବିଭିନ୍ନ ଗ୍ରାମ ଓ ବିଦ୍ୟାଳୟରେ ବର୍ଷାଋତୁ ସାରା ପର୍ଯ୍ୟାୟକ୍ରମେ ଏହି ଅଭିଯାନ ଚାଲିଛି।ଏହି ଅଭିଯାନ Green Eagle Armyର ପ୍ରତିଷ୍ଠାତା ସଦସ୍ୟ ତଥା ଉତ୍ସର୍ଗୀକୃତ ଶିକ୍ଷକ ଜୟନ୍ତ ସାହୁଙ୍କ ତତ୍ତ୍ୱାବଧାନରେ ଚାଲିଛି। ଏଥିରେ ପୂର୍ବତନ ସରପଞ୍ଚ ଗୁପ୍ତେଶ୍ୱର ସାହୁ ଓ ସମାଜସେବୀ ଲୋଚନ ବେହେରା ସହଯୋଗ କରୁଛନ୍ତି। ବିଭିନ୍ନ ବିଦ୍ୟାଳୟର ଶିକ୍ଷକଙ୍କ ସମେତ ତୁର୍କୀ, ସୁରେନ୍ଦ୍ର, ତପେନ୍ଦ୍ର, ରମେଶ, ଟିକେଶ୍ୱର, ଯୁବରାଜ, ସମୀର, ଦୁର୍ଯୋଧନ, କିରତୀ, ହେମାସାଗର, ସୁଦାମ ଓ ଗୁଣନିଧି ପ୍ରମୁଖ ଏଥିରେ

ସକ୍ରିୟ ଭାବେ ସାମିଲ ହୋଇଛନ୍ତି।

କାର୍ଯ୍ୟକ୍ରମରେ କେବଳ ବୃକ୍ଷରୋପଣ ନୁହେଁ, ରୋପିତ ଚାରାର ଯତ୍ନ ଓ ସୁରକ୍ଷା ଉପରେ ମଧ୍ୟ ଗୁରୁତ୍ୱ ଦିଆଯାଉଛି। ସମସ୍ତ ସଦସ୍ୟ ବୃକ୍ଷରୋପଣ ସହ ବୃକ୍ଷର ଯତ୍ନ ନେବା ଓ ରୋପିତ ଚାରାକୁ ସୁରକ୍ଷିତ ରଖିବା ପାଇଁ ଶପଥ ପାଠ କରିଛନ୍ତି। ପ୍ରକାଶ ଥାଉକି, ଶିକ୍ଷକ ଜୟନ୍ତ ସାହୁ ଦୀର୍ଘବର୍ଷ ଧରି ସ୍ଥାନୀୟ ଅଞ୍ଚଳରେ ବୃକ୍ଷରୋପଣ ଓ ବୃକ୍ଷର ଯତ୍ନ ନେଇଆସୁଛନ୍ତି। ଗ୍ରୀଷ୍ମପ୍ରବଣ ଟିଟିଲାଗଡ଼ ଅଞ୍ଚଳରେ ପରିବେଶ ସୁରକ୍ଷା ଓ ସବୁଜିମା ବୃଦ୍ଧି ଦିଗରେ ତାଙ୍କର ଏହି ନିରନ୍ତର ପ୍ରୟାସ ବିଭିନ୍ନ ମହଲରେ ପ୍ରଶଂସିତ ହେଉଛି।