20-Mar-2022

 ଭୁବନେଶ୍ୱର(ପ୍ରେରଣା ଖବର ବ୍ୟୁରୋ)ୟୁନିଟ ୪ ସ୍ଥିତ ଅହମଦୀୟା ମୁସଲିମ ଯୁବ ସଂଗଠନର ତରଫରୁ ବିଶ୍ୱରେ ଭାଇଚାରାର ବାତାବରଣ ସୃଷ୍ଟି କରିବା ଉଦ୍ଦେଶ୍ୟରେ ଏକ ସାଇକେଲ ଶୋଭାଯାତ୍ରା ଆୟୋଜନ କରାଯାଇଛି । ଏହି ସାଇକେଲ ର‌୍ୟାଲି ୟୁନିଟ ୪ ମସଜିଦ ହମଦ ଠାରୁ ଆରମ୍ଭ କରାଯାଇ କମିଶନରେଟ ପୋଲିସ କର୍ଯ୍ୟାଳୟ, ରାଜଭବନ, ଏ.ଜି ଛକ, ସେକେଟାରୀଏଟ, ରବିନ୍ଦ୍ର ମଣ୍ଡପ, ଚର୍ଚ୍ଚ ଏବଂ କାପିଟାଲ ଜାମା ମସଜିଦ ମାର୍ଗ ଦେଇ ଶୋଭାଯାତ୍ରା କରାଯାଇଥିଲା । ଏଥିରେ ଅହମଦୀୟା ମୁସଲିମ ଯୁବକମାନେ ଶାନ୍ତିି ଓ ଭାଇଚାରାର ବାର୍ତା  ଧରି ସାଇକେଲ ମାଧ୍ୟମରେ ଲୋକମାନଙ୍କୁ  ପ୍ରେମ ସଭିଙ୍କ ପାଇଁ ଘୃଣା କାହାକୁ ନାହିଁ, ସଭିଏ ପଢନ୍ତୁ-ସଭିଏ ବଢନ୍ତୁ, ନାରୀ ସମ୍ମାନ-ବାର୍ତା ମହାନ ଏବଂ ବସୁଧୈବ କୁଟୁମ୍ବକମର ସୁନ୍ଦର ବାର୍ତା ଦେଇଥିଲେ ।
         ଏହି ସାଇକଲ ଶୋଭାଯାତ୍ରାରେ ମୌଲାନା ଫଜଲ ହକ ଖାଁ, ମୌଲାନା ଅବ୍ଦୁଲ ହଲିମ ଖାଁ, ଅହମଦୀୟା ଯୁବ ସଂଗଠନର ସଭାପତି ସମିର ଅହମଦ, ଉପସଭାପତି ସେକ ରମଜାନ, ପୂର୍ବତନ ସଭାପତି ଅହମଦ ସଲାମ ବ୍ୟତୀତ ବହୁ ଯୁବ କର୍ମକର୍ତାମାନେ ଯୋଗ ଦେଇଥିଲେ ।  ସାମୂହିକ ନିରବ ପ୍ରାର୍ଥନା ଦ୍ୱାରା ସାଇକେଲ ଶୋଭାଯାତ୍ରା ଆରମ୍ଭ ହୋଇଥିଲା ।