13-Mar-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ପଦ ପାଇଁ ଶେଷରେ ସବୁ କଳ୍ପନାଜଳ୍ପନାର ଅବସାନ ଘଟାଇ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂହ ସାଳୁଜାଙ୍କ ଗୋଟି ଚାଳନା ରେ ପୁଣିଥରେ ରଞ୍ଜୁବାଳା ବେହେରା ଅଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି। ବଙ୍ଗୋମୁଣ୍ଡା ବ୍ଲକର ୨୬ ଟି ପଞ୍ଚାୟତ ମଧ୍ଯରୁ ୧୭ ଟି

 ପଞ୍ଚାୟତର ସମିତିସଭ୍ଯ ଙ୍କ ସମର୍ଥନ ରେ ୨୬/୧୭ ଭୋଟ ପାଇ ରଞ୍ଜୁବାଲା ବେହେରା ଅଧ୍ୟକ୍ଷା ପଦ ଅଳଙ୍କୃତ କରିଛନ୍ତି। ବିଜେଡି ସମର୍ଥୀତ ମୁରଲୀଧର କୁମ୍ଭାର ୯ ଟି ଭୋଟ ପାଇ ପରାସ୍ତ ହୋଇଛନ୍ତି । ୨୦୧୭ ନିର୍ବାଚନ ରେ ଝଲପ ପଞ୍ଚାୟତ ରୁ ସମିତିସଭ୍ଯ ଭାବେ ନିର୍ବାଚିତ ହୋଇ ପ୍ରଥମ କରି

ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷା ହୋଇଥିଲେ। ଅଧ୍ୟକ୍ଷା ଭାବରେ ନିଜପଦ ନିର୍ଦ୍ବନ୍ଦ ରେ ଦାୟିତ୍ବ ତୁଲାଇଥିବା ବେଳେ। ଏଥର ଅଲଣ୍ଡା ପଞ୍ଚାୟତରୁ ନିର୍ବାଚିତ ହୋଇ ପୁଣିଥରେ ଅଧ୍ୟକ୍ଷା ଭାବେ ଜିତ ହାସଲ କରିଛନ୍ତି। ବିଗତ ୪ ଟି ତ୍ରିସ୍ତରୀୟ ପଞ୍ଚାୟତ ନିର୍ବାଚନ ରେ ବ୍ଲକ ଅଧ୍ୟକ୍ଷ ପଦକୁ ଦେଖାଯାଏ ତାହେଲେ ସନ୍ତୋଷ ସିଂହ ସାଳୁଜାଙ୍କ ପରାମର୍ଶ ଓ ଗୋଟି ଚାଳନା ହିଁ ଏହି ବ୍ଲକର ଅଧ୍ୟକ୍ଷ ପଦ ପାଇଁ ଭାଗ୍ଯ ନିର୍ଦ୍ଧାରଣ କରୁଥିବା ଜଣାଯାଏ। ତେବେ ଏଥର ମଧ୍ଯ ସାଳୁଜାଙ୍କ ପ୍ରତ୍ୟକ୍ଷ ତତ୍ତ୍ବାବଧାନ ଓ ନିର୍ଭୁଲ ଗୋଟିଚାଳନା ଯୋଗୁଁ ପୁଣିଥରେ ସମସ୍ତ ବିରୋଧିଙ୍କୁ ପଛରେ ପକାଇ ସାଳୁଜା ନିଜ ସମର୍ଥିତ ପ୍ରାର୍ଥୀଙ୍କୁ ଅଧ୍ୟକ୍ଷ ପଦରେ ବସାଇ ନିଜ ରାଜନୈତିକ ଦକ୍ଷତା ପ୍ରମାଣ କରିଛନ୍ତି ।