12-Mar-2022

ଗୁଡ଼ଭେଲା- ବଲାଙ୍ଗିର ଜିଲା ଗୁଡଭେଲା ବ୍ଲକ ଅଧ୍ୟକ୍ଷା ଭାବେ ନିର୍ବାଚିତ ହେଲେ ପୂର୍ବତନ ବ୍ଳକ ଅଧ୍ୟକ୍ଷ ଅଶୋକ ଦୋରାଙ୍କ ସ୍ତ୍ରୀ ବେବୀ ଦୋରା ହେଲେ ନୂତନ ବ୍ଳକ ଅଧ୍ୟକ୍ଷା । ନିର୍ବାଚନ ପରେ ନିଜ ପ୍ରତିକ୍ରୀୟାରେ ଶ୍ରୀମତୀ ଦୋରା ପ୍ରକାଶ କରିଥିଲେ ଯେ,ଲୋକେ ମତେ ବିଶ୍ୱାସକରି ତାଙ୍କର ଆର୍ଶୀବାଦ ଦେଇଛନ୍ତି, ତାଙ୍କର ପାଇଁ କାର୍ଯ୍ୟ କରିବି । ବ୍ଳକର ୧୩ ଗୋଟି ପଞ୍ଚାୟତ ତଥା ଅଞ୍ଚଳର ବିକାଶ ଉପରେ ବିଶେଷ ଗୁରୁତ୍ୱ ଦେବା ପାଇଁ କହିଥିଲେ । ନିର୍ବାଚନ ଅଧିକାରୀ ଭାବେ ସଇଁତଳା ତହସିଳଦାର ଚନ୍ଦ୍ରମଣୀ ନାଗ ଉପସ୍ଥିତ ରହି ବ୍ଳକ କାର୍ଯ୍ୟାଳୟର ସଭା ଗୃହରେ ନିର୍ବାଚନ ପ୍ରକ୍ରିୟା ଚାଳିଥିଲା । ବିରାମୁଣ୍ଡା ଗ୍ରାମପଞ୍ଚାୟତର ସମିତି ସଭ୍ୟା ବେବୀ ଦୋରା,ଦେଉଓଗୁଡି ଗ୍ରମପଞ୍ଚାୟତର ସମିତିସଭ୍ୟା ସଞ୍ଜୁ ମାଝୀ,

ଗୁଡଭେଲା ଗ୍ରାମପଞ୍ଚାୟତର ସମିତିସଭ୍ୟା ପ୍ରମିଲା ରଣା,ତେନ୍ତୁଲିଖୁଣ୍ଟି ଗ୍ରାମପଞ୍ଚାୟତର ସମିତିସଭ୍ୟା ଲଲିତା ସାହୁ ନାମାଙ୍କନ ପତ୍ର ଦାଖଳ କରିଥିଲେ । ଯାଞ୍ଚ ବେଳେ ତେନ୍ତୁଲିଖୁଣ୍ଟି ଗ୍ରାମପଞ୍ଚାୟତର ସମିତିସଭ୍ୟା ଲଲିତା ସାହୁ ନାମାଙ୍କନ ପତ୍ର ନାକଚ ହୋଇ ଯାଇଥିଲା । ଦେଉଓଗୁଡି ଗ୍ରମପଞ୍ଚାୟତର ସମିତିସଭ୍ୟା ସଞ୍ଜୁ ମାଝୀ ନିଜ ନାମଙ୍କନ ପତ୍ର ପ୍ରତ୍ୟାହାର କରିନେଇଥିବା ବେଳେ ଦୁଇ ଜଣ ପ୍ରାର୍ଥୀଙ୍କ ମଧ୍ୟରେ ନିର୍ବାଚନ ଅନୁଷ୍ଟିତ ହେଇଥିଲା । ବିରାମୁଣ୍ଡା ଗ୍ରାମପଞ୍ଚାୟତର ସମିତି ସଭ୍ୟା ବେବୀ ଦୋରାଙ୍କୁ ୭ଟି ଭୋଟ ମିଳିଥିବା ବେଳେ ଗୁଡଭେଲା ଗ୍ରାମପଞ୍ଚାୟତର ସମିତିସଭ୍ୟା ପ୍ରମିଲା ରଣାଙ୍କୁ ୬ଟି ଭୋଟ ମିଳିଥିଲା ।