06-Dec-2021

ବଲାଙ୍ଗୀର(ପ୍ରେରଣା ଖବର ବ୍ୟୁରୋ) ::- ଶାନ୍ତିର ସହର ବଲାଙ୍ଗୀର । ଏବେ କିଛି ମାସ ହେଲା ଅଶାନ୍ତ ହୋଇ ରହିଛି । ସହରରେ ପୋଲିସ ର ନିରବତା ଯୋଗୁ ଆଇନ ଶୃଙ୍ଖଳା ବିପର୍ଯ୍ୟସ୍ତ ଅବସ୍ଥାରେ ପହଞ୍ଚିଛି । ହତ୍ୟା,ଚୋରି,ରାହାଜାନୀ,ଓ ଦୁର୍ଘଟଣା ଭଳି ଅନେକ ଅଭାବନୀୟ ଘଟଣା ସହରରେ ଘଟି ଚାଲିଛି ।ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ପ୍ରତିଦିନ ଗାଡ଼ି ଧକ୍କା ରେ ଅନେକ ଆଘାତ ହେଉଥିବା ବେଳେ ଅନେକ ଙ୍କ ଜୀବନ ଯାଉଛି । ଅଳ୍ପ ବୟସର ବାଳକ ମାନେ ବିନା ଲାଇସେନ୍ସ ରେ ସହର ଭିତରେ ତୀବ୍ର ବେଗରେ ଗାଡ଼ି ଚଳାଉଛନ୍ତି । ଏଭଳି କି ପୋଲିସ ଷ୍ଟେସନ ସମ୍ମୁଖ ରୁ ମଧ୍ୟ ତୀବ୍ର ବେଗରେ ଗାଡ଼ି ଚଳାଇ ଯାଉଥିବା ବେଳେ ବିକଳାଙ୍ଗ ପୋଲିସ ନୀରବ ଦ୍ରଷ୍ଟା । ଜନ ଜୀବନ ସହ ଖେଳ ଖେଳୁଥିବା ତୀବ୍ର ଧାବକ ମାନଙ୍କୁ ପୋଲିସ ଧରି ଉଚିତ୍ ଦଣ୍ଡ ଦେଉ ନ ଥିବାରୁ ଜନସାଧାରଣ ଅତିଷ୍ଟ ହୋଇ ସାରିଲେଣି । ହତ୍ୟା କରି ଜନସାଧାରଣ ତଥା ପୋଲିସ କୁ ଖୋଲା ଚାଲେଞ୍ଜ କରୁଥିବା ଆସାମୀ ମାନେ ପୋଲିସ ର ନିଷ୍କ୍ରିୟତା ଯୋଗୁଁ ସହରରେ ତାଙ୍କର ହିଂସାତ୍ମକ ସାମ୍ରାଜ୍ୟ ବିସ୍ତାର କରୁଛନ୍ତି ।ବଲାଙ୍ଗୀର ପୋଲିସ ର ଅକ୍ଷମତା ଯୋଗୁ ଆଜି ସାଧାରଣ ଜନତା ଦୁର୍ବୃତ୍ତ ମାନଙ୍କ ର ଶିକାର ହେଉଛନ୍ତି । ବଲାଙ୍ଗୀର ସହରରେ ସଟ୍ଟା, ଜୁଆ, ମଦ,ଗଞ୍ଜେଇ ଓ ଡ୍ରଗ୍ସ୍ ର ବ୍ୟାପକ ବ୍ୟବହାର ଚାଲିଥିବା ବେଳେ ଏମାନେ ପୋଲିସ ର ଅକ୍ଷମଣତା କୁ ମାପି ସାରିଲେଣି । ବର୍ତମାନ ଜାଗିଛି ସହର ସୋଇଛି ପୋଲିସ । ଏଭଳି ଦୃଶ୍ୟ ସହରରେ ଦେଖିବାକୁ ମିଳୁଛି । ଯଦି ପୋଲିସ ସଜାଗ ନ ହୁଏ ତେବେ ଆଗକୁ ,ସାଧୁ ସାବଧାନ !