02-Dec-2021

ବରଗଡ(ନିରଞ୍ଜନ ତ୍ରିପାଠୀ) ::-ବରଗଡ଼ଜିଲ୍ଲା ଅତାବିରା ମହାବିଦ୍ୟାଳୟରେ  ଯୁବ ରେଡକ୍ରସ ଓ ରେଡ ରିବନ କ୍ଳବ ର ମିଳିତ ଆନୁକୁଲ୍ୟରେ ବିଶ୍ଵ ଏଡ଼ସ ଦିବସ ପାଳିତ ହୋଇଯାଇଛି। ଏହି ଅବସରରେ  ଅନୁଷ୍ଠିତ ଏକ ସଚେତନତା ସଭାରେ ଅଧ୍ୟକ୍ଷ  ଶ୍ରୀ ଅଶ୍ଵିନୀ କୁମାର ପ୍ରଧାନ ସଭାପତିତ୍ବ

କରିଥିବା ବେଳେ ଯୁବ ରେଡକ୍ରସ ର ପରାମର୍ଶ ଦାତା ଅଧ୍ୟାପକ ପରମାନନ୍ଦ ରଥ ସଭା ପରିଚାଳନା କରିଥିଲେ। ପ୍ରାଧ୍ୟାପକ ଡଃ ତ୍ରିଲୋଚନ ପ୍ରଧାନ ଓ ଅଧ୍ୟାପକ ଶ୍ରୀ ମଦନ ମେହେର ସମ୍ମାନିତ ଅତିଥି ରୂପେ  ମଞ୍ଚାଷୀନ ଥିଲେ। ଏହି ସଭାରେ  ମୁଖ୍ୟତଃ ଏଡ଼ସ ରୋଗ ର ସଂକ୍ରମଣ,ନିରାକରଣ ଓ ଚିକିତ୍ସା ବ୍ୟବସ୍ଥା ତଥା କରୋନା ମହାମାରୀ ସହ ବର୍ତ୍ତମାନ ର ଯୁବ ପୀଢ଼ି କିପରି  ଖାପ ଖୁଆଇ ଚଳିବା ର ଆବଶ୍ୟକତା ରହିଛି ସେ

ଉପରେ ବିସ୍ତୃତ ଆଲୋଚନା ହୋଇଥିଲା ଓ ଦିଗଦର୍ଶନ ଦିଆଯାଇଥିଲା। ଏହି ଅବସରରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ବକୃତା ପ୍ରତିଯୋଗିତା କରାଯାଇଥିଲା ଯେଉଁଥିରେ ସୁନେନା ସାହୁ,ଇପ୍ସିତା ନନ୍ଦ ଓ ନାରାୟଣ ମେହେର ଯଥାକ୍ରମେ ପ୍ରଥମ,ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିଲେ ସେଚ୍ଛାସେବୀ ମାନେ ଲିଫ୍ଲେଟ୍ ବଣ୍ଟନ ଓ ରେଡ ରିବନ ବାନ୍ଧି ଏଡ଼ସ ର ଭୟାବହତା ଉପରେ  ସଚେତନ କରାଇଥିଲେ।ଶେଷରେ ସ୍ବେଚ୍ଛାସେବୀ ନମ୍ରତା ମହାପାତ୍ର ଧନ୍ୟବାଦ ଅର୍ପଣ କରିଥଲେ