14-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପଞ୍ଚାୟତ ନିର୍ବାଚନ ପାଖେଇ ଆସୁଥିବାବେଳେ ସମସ୍ତ ଦଳ ଏବେ ସଜାଗ ରହିବା ପାଇଁ ପ୍ରସ୍ତୁତ ହେଉଛନ୍ତି। ଏପଟେ ରାଜ୍ୟ ସରକାର ଙ୍କ ବିଜୁ ଜନତା ଦଳର ଦିନକୁ ଦିନ ମିଶ୍ରଣ ପର୍ବ ଅନୁଷ୍ଠିତ ହେଉଛି। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ମଧ୍ୟପୁର ଗାଁ ଫୁଟବଲ ଖେଳପଡିଆରେ ଆଜି ବିଜୁ ଜନତା ଦଳର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଅଛି।ଦିନ ଥିଲା ବେଲପଡା ବ୍ଳକ ୨୬ ନମ୍ବର ଜୋନ୍ ଥିଲା ବିଜେପି ଗଡ ହେଲେ ବିଗତ ବର୍ଷ ଜିଲ୍ଲା ପରିଷଦ ପୁନଃ ନିର୍ବାଚନ ରେ ମଣ୍ଡଳ ଜୋନ୍ ରେ ବିଧାୟକ ସରୋଜ କୁମାର ମେହେର ଚ୍ୟାଲେଞ୍ଜ ସୃଷ୍ଟି କରି ବିଜୁ ଜନତା ଦଳ କୁ ବିଜୟୀ କରିଥିଲେ। ଧିରେ ଧିରେ ବିଜୁ ଜନତା ଦଳର କର୍ମୀ ବଢ଼ିବାରେ ଲାଗିଲାଣି। ଏବେ ପଞ୍ଚାୟତ

ନିର୍ବାଚନ ପାଖେଇ ଆସୁଥିବାବେଳେ ଆଜି ବେଲପଡା ବ୍ଳକ ୨୬ ନମ୍ବର ଜୋନ୍ ରେ ଆଜି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା। ଏଥିରେ ଅଞ୍ଚଳ ର ୭୦୦ କର୍ମୀ ଯୋଗଦାନ କରିଅଛନ୍ତି। ମଣ୍ଡଳ ର ଭାରତୀୟ ଜନତା ପାର୍ଟିର ପୁର୍ଖାନେତା ରଙ୍ଗାଧର ଠାକୁର ଓ କୋଶଳ ସଂଗ୍ରାମୀ ଜଗଜୀବନ ଭୋଇ ମଧ୍ୟ ନବୀନ ପଟ୍ଟନାୟକ ଙ୍କ ସ୍ବଚ୍ଛ ନିର୍ମଲ ଶାସନ ଓ ବିଧାୟକ ସରୋଜ କୁମାର ମେହେରଙ୍କ କାର୍ଯ୍ୟ ପ୍ରତି ଆଗ୍ରହ ହୋଇ  ଆଜି ବିଜୁ ଜନତାରେ ଯୋଗଦାନ କରିଅଛନ୍ତି। ଆଜିର ଏହି ମିଶ୍ରଣ ପର୍ବ ରେ ବିଧାୟକ ସରୋଜ କୁମାର ମେହେରଙ୍କ  ସହିତ ବିଜୁ ଜନତା ଦଳର ଜିଲ୍ଲା ଉପସଭାପତି ମହେଶ୍ୱର ସାହୁ, ବିଧାୟକ ଙ୍କ ପ୍ରତିନିଧି ଗଣେଶ କୁମ୍ଭାର, ଜିଲ୍ଲା ଯୁବ ସାଧାରଣ ସମ୍ପାଦକ ଦୁର୍ଯୋଧନ କୁମ୍ଭାର, ଜିଲ୍ଲା ପରିଷଦ ବିଶ୍ଵାମିତ୍ର ବିଶି, ପୂର୍ବତନ ଜିଲ୍ଲାପରିଷଦ ଦାମୋଦର ଯୋଶୀ, ମଣ୍ଡଳ ଜୋନ୍ ସଭାପତି ଜଗନ୍ନାଥ ଖମାରୀ,ଧୁମାଭଟା ପଞ୍ଚାୟତ ସରପଞ୍ଚ ଯମୁନା ରଣା,ଯୁବା ପଞ୍ଚାୟତ ସରପଞ୍ଚ ପ୍ରତିନିଧି ଲକ୍ଷ୍ମୀ ଧର ପୁଟା, ବିଜେଡି ମଧ୍ୟପୁର ପଞ୍ଚାୟତ ସଭାପତି ସୁଦାମ ଦାସ ପ୍ରମୁଖ ମଞ୍ଚାସୀନ ଥିଲେ।