14-Nov-2021

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ମହିଳା(ଜୁନିଅର କଲେଜ) ଉଚ୍ଚ ବିଦ୍ୟାଳୟ ଫୁଲମୁଠି ଠାରେ ଗତ ତିନିଦିନ ଧରି ଚାଲିଥିବା କ୍ଳଷ୍ଟରସ୍ତରୀୟ ଯୁବ ରେଡକ୍ରସ ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି l ଏଥିରେ ୩ଗୋଟି କଲେଜର ଛାତ୍ରୀମାନେ ଯୋଗଦେଇ ରେଡକ୍ରସ ର ବିଭିନ୍ନ ଦିଗ ଉପରେ ତାଲିମ ନେଇଥିଲେ l କଲେଜ ଅଧ୍ୟକ୍ଷା ପ୍ରଗତି ପଟ୍ଟନାୟକଙ୍କ ସଭାପତିତ୍ବ ଓ ଅଧ୍ୟାପିକା ବୈୟଜନ୍ତି ସାହୁଙ୍କ ସଂଯୋଜନାରେ ଅନୁଷ୍ଟିତ ପ୍ରଥମ ଦିବସରେ ମୁଖ୍ୟଅତିଥି ଭାବେ ଯୋଗଦେଇ ଭାଇସ ଚେଆରମେନ ଡିଆରସିସି ଡ଼ଃ ସତ୍ୟ ନାରାୟଣ ହୋତା ବିପର୍ଯ୍ୟୟ ପରିଚାଳନା ଓ ଫାଷ୍ଟେଡ

ଏଡ ଉପରେ ଉପସ୍ଥିତ ଛାତ୍ରୀମାନଙ୍କୁ ଦିଗଦର୍ଶନ ଦେଇଥିଲେ । ସେହିପରି ସମ୍ମାନିତ ଅତିଥି ଭାବେ ସୁବର୍ଣ୍ଣପୁର ଜିଲ୍ଲା ରେଡକ୍ରସ କୋଡିନେଟର ଉମାକାନ୍ତ ନାଗ ଯୋଗଦେଇ ରେଡକ୍ରସ ର ଇତିହାସ ଉପରେ ସୂଚନା ଦେଇଥିବା ବେଳେ  ଡ଼ଃ ସ୍ଵର୍ଣ୍ଣମୟୀ ଗଡ଼ତିଆ ରକ୍ତଦାନ ମହତ ଦାନ,କଲାପଥର କଲେଜ ଅଧ୍ୟାପକ କିଶୋର କୁମାର ସାହୁ ସଡ଼କ ସୁରକ୍ଷା ଏବଂ ଡ଼ଃ ଦିଲ୍ଲୀପ କୁମାର ପାଣ୍ଡିଆ ଏଡ୍ସ ଶିକ୍ଷା ଉପରେ ସୂଚନା ଦେଇଥିଲେ l ଉଦଯାପନୀ ଉତ୍ସବରେ ବିନିକା ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ରେଡକ୍ରସ ପ୍ରଶିକ୍ଷଣ କାର୍ଯ୍ୟକ୍ରମରେ ଭାଗ ନେଇଥିବା ଛାତ୍ରୀ ମାନେ ନିଜର କର୍ତ୍ତବ୍ୟ ପାଳନ କଲେ ତାର ସଫଳ ମିଳିବ ବୋଲି କହିଥିଲେ ସମ୍ବାନିତ ଅତିଥି ଅଧ୍ୟାପକ କିଶୋର

ସାହୁ,ମହିଳା ଜୁନିଅର କଲେଜ ରାଜନୀତି ବିଜ୍ଞାନ ଅଧ୍ୟାପକ ପଞ୍ଚାନନ ସାହୁ ଯୋଗଦେଇ ରେଡକ୍ରସ କାର୍ଯ୍ୟକ୍ରମର ଉପକାରିତା ସଂପର୍କରେ ଆଲୋକପାତ କରିଥିଲେ l ଏହି ଅବସରରେ ଆୟୋଜିତ ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ଛାତ୍ରୀମାନଙ୍କୁ ଅତିଥି ମାନେ ମାନପତ୍ର ଦେଇ ସମ୍ମାନିତ କରିଥିଲେ l କାର୍ଯ୍ୟକ୍ରମରେ  ସିଦ୍ଧାର୍ଥ ଡିଗ୍ରୀ କଲେଜ ଅର୍ଥନୀତି ଅଧ୍ୟାପକ ବିଶ୍ଵନାଥ ମିଶ୍ର,ଓଡ଼ିଆ ଅଧ୍ୟାପକ ଭଗବାନ ସାହୁ,ଶିକ୍ଷା ବିଭାଗ ଅଧ୍ୟାପିକା ବିଘ୍ନେଶ୍ୱରୀ ପୂଜାରୀ ଯୋଗଦେଇ ରେଡକ୍ରସ ପ୍ରଶିକ୍ଷଣ ଛାତ୍ରୀମାନଙ୍କୁ ଉତ୍ସାହିତ କରିଥିଲେ l ରେଡକ୍ରସ କାଉନସିଲର ସବ୍ୟସାଚୀ ଦନ୍ତାଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଟିତ ଏହି ପ୍ରଶିକ୍ଷଣ ଶିବିର ପରିଚାଳନାରେ କଲେଜର ସମସ୍ତ କର୍ମଚାରୀ ସହଯୋଗ କରିଥିଲେ l