14-Nov-2021

ପଦ୍ମପୁର, (ନିରଞ୍ଜନ ତ୍ରିପାଠୀ) : ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ଅନ୍ତର୍ଗତ ସରେଇକେଲା ସ୍ଥିତ ବିମଲେଶ୍ୱର ବାବା ଶିବ ମନ୍ଦିରର କୁମ୍ଭ ସ୍ଥାପନ ଓ ପ୍ରତିଷ୍ଠା ସହ ଇନ୍ଦ୍ର ଇନ୍ଦ୍ରାଣୀ  ପୂଜା ସମ୍ପନ୍ନ ହୋଇଯାଇଛି l ଏହି ପ୍ରତିଷ୍ଠା ଓ ପୂଜନୋତ୍ସବରେ ଗ୍ରାମର ଗୌନ୍ତିଆ ବିକାଶ କୁମାର ବହିଦାର ଓ ତାଙ୍କର ଧର୍ମପତ୍ନୀ ଶ୍ରୀମତୀ ଅନୁସୟା ବହିଦାର ଯଜମାନ ରୂପେ ପୂଜା କାର୍ଯ୍ୟ ତୁଲାଇଥିଲେ l ବିଜୁଳି ମାଡ଼ ହୋଇ ମନ୍ଦିର ରେ ସ୍ଥାପିତ କୁମ୍ଭ ନଷ୍ଟ ହୋଇ ଯାଇଥିବାରୁ ନୂତନ କୁମ୍ଭ ସ୍ଥାପନ କରାଯାଇଥିଲା l ଏହି ପୂଜା କାର୍ଯ୍ୟକ୍ରମ ପ୍ରାରମ୍ଭରେ କଳସ

ଯାତ୍ରା  ସଂକୀର୍ତ୍ତନ୍ୟ ସହ  ଗ୍ରାମ ପରିକ୍ରମା କରି ମନ୍ଦିର ପରିସରରେ ପ୍ରତିଷ୍ଠା ପୂଜା ଉତ୍ସବ ହୋଇଥିଲା l ପୂଜା କାର୍ଯ୍ୟ ସମାପନ ପରେ ଅନ୍ନ ପ୍ରସାଦ ବ୍ୟବସ୍ଥା ହୋଇଥିଲା l ପୂଜାକାର୍ଯ୍ୟକୁ ପଣ୍ଡିତ ଆନନ୍ଦ ହୋତା ଓ ରୋହିତ ହୋତା ତୁଲାଇଥିଲେ l ଏହି ପ୍ରତିଷ୍ଠା ଉତ୍ସବ ରେ ପୂର୍ଣ୍ଣ ନେଗୀ, ପ୍ରତାପସାହୁ, ସୁନୀଲ ପ୍ରଧାନ, ନିରଞ୍ଜନ ପ୍ରଧାନ, କୂଳମଣି ବାରିକ, ଅଶୋକ କୁମାର ପ୍ରଧାନ, ଭୀଷ୍ମଦେବ ବେହେରା, ରାଜକୁମାର କଶ୍ୟପ,ସନ୍ୟାସୀ ମାଝୀ, ବିକାଶ ସାହୁ, ଲଳିତ ପ୍ରଧାନ, ଦେବାନନ୍ଦ ପ୍ରଧାନ  ଓ ସମସ୍ତ ଗ୍ରାମବାସୀ ପରିଚାଳନା ରେ ସହଯୋଗ କରିଥିଲେ l ଆସନ୍ତାକାଲି ରୁଦ୍ରାଭିଷେକ ପୂଜା  କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଗ୍ରାମବାସୀଙ୍କ ଠାରୁ ପ୍ରକାଶ l