30-Oct-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଖପ୍ରାଖୋଲ ଥାନା ହରିଶଙ୍କର ଛକ ଠାରେ ଡକାୟତି ଘଟଣା ଘଟାଇଥିଲା ଅଭିଯୁକ୍ତ ମାନଙ୍କୁ ପୋଲିସ ଗିରଫ କରିଥିବା ଜଣାପଡ଼ିଛି। ସୂଚନାଯୋଗ୍ୟ ଯେ ଗତ ୧୧.୧୦.୨୧ ଦିନ ଅପରାହ୍ନ ୩:୩୦ଟାରେ ନାନ୍ଦୁପଲା ଗାଁ ର ରିଶି କୁମାର ବେହେରା (୩୨) ପି.ଦିବାକର ବେହେରା ଖପ୍ରାଖୋଲ ଷ୍ଟେଟ

ବ୍ୟାଙ୍କ ରୁ ୩୦୦୦୦୦ ଟଙ୍କା ଉଠାଣ କରି ନିଜ ଗାଁକୁ ଫେରୁଥିବା ବେଳେ ତାଙ୍କୁ ବାଇକ୍ ଅଟକାଇ ତିନି ଅଭିଯୁକ୍ତ ଟଙ୍କା ଲୁଟି ଫେରାର ମାରିଥିଲେ। ଏନେଇ ବେହେରା ଖପ୍ରାଖୋଲ ଥାନା ରେ ଏତଳା ଦେବା କ୍ଷଣି ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ତଦନ୍ତ ଆରମ୍ଭ କରିଥିଲେ।ଧିରେ ଧିରେ ତଦନ୍ତ କରି ଆସାମୀ ମାନଙ୍କୁ ଗିରଫ କରିବା ରେ ସଫଳ ହୋଇଛନ୍ତି। ଗିରଫ ଅଭିଯୁକ୍ତମାନେ ହେଲେ ଖପ୍ରାଖୋଲ ଥାନା ପୁତୁଲାମହୁଲ ଗାଁ ର ତ୍ରିନାଥ ଦୀପ ପି.ରୂପଧର ଦୀପ, ବଲାଙ୍ଗିର ସଦର ଥାନା ଉଚବାହାଲ ର ଉଦ୍ଧବ ଛତ୍ରିଆ ପି, ବଚନ ଛତ୍ରିଆ, ବଲାଙ୍ଗିର ଥାନା ଲାଲଟିକ୍ରା

ର ପୂର୍ଣ ନାଗ (୩୬)ପି.ମୁରଲୀ ନାଗ, ଦେଓଗାଁ ଥାନା ଦେଷଣ୍ଢ ଗାଁ ର ମିଲୁ କଲେଟ ପି.ବିରଞ୍ଚି କଲେଟ,ପୁଇଁତଲା ବ୍ଳକ ସାଉନ୍ତପୁର ଗାଁ ର ସୁମିତ ସୁନା (୨୨) ପିତା.ଗାନ୍ଧୀ ସୁନା କୁ ଖପ୍ରାଖୋଲ ପୋଲିସ ଗିରଫ କରି କେଶ୍ ନମ୍ବର 11/10/21 US 394,395 IPC sec.ରେ କୋର୍ଟ ଚାଲାଣ କରିବା ସହ ଦୁଇ ବାଇକ୍ ଜବତ କରିଥିବା ପାଟଣାଗଡ଼ ଉପଖଣ୍ଡ ଅଧିକ୍ଷକ ଜ୍ୟୋତିର୍ମୟ ଭୁକ୍ତା ଓ ଖପ୍ରାଖୋଲ ଥାନା ଅଧିକାରୀ ରମାକାନ୍ତ ସାହୁ ସାମ୍ବାଦିକ ସମ୍ମିଳନୀ ରେ ଜଣାଇଛନ୍ତି।