02-Oct-2026

(ରଂଜିତ ମହାନ୍ତି )
ହରିଶ୍ଚନ୍ଦ୍ର ନାୟକଙ୍କ ଅଵସର କାଳୀନ ସମ୍ବର୍ଦ୍ଧନା ସଭା:ଜଣେ ନିଷ୍ଠାପର କର୍ମଚାରୀ ଭାବେ ସବୁଦିନେ ମନେ ରହିବେ-ଅଧ୍ୟକ୍ଷ ବରୀ ରାମଚନ୍ଦ୍ରପୁର ସ୍ଥିତ ଗୋପବନ୍ଧୁ ଚୌଧୁରୀ ମହାବିଦ୍ୟାଳୟର କର୍ମଚାରୀ ହରିଶ୍ଚନ୍ଦ୍ର ନାୟକ ଆଜି ଅଵସର ଗ୍ରହଣ କରିଛନ୍ତି । ଏହି ଅବସରରେ କଲେଜ ପକ୍ଷରୁ ଏକ ଅଵସରକାଳୀନ ସମ୍ବର୍ଦ୍ଧନା ସଭା ଆୟୋଜିତ ହୋଇଥିଲା । ଉକ୍ତ ସଭାରେ ମହାବିଦ୍ୟାଳୟ ଅଧ୍ୟକ୍ଷ ପ୍ରଫେସର ପ୍ରବୋଧ କୁମାର ସାମଲ ସଭାପତିତ୍ୱ କରିଥିଲା ବେଳେ ଦୁଇ ବରିଷ୍ଠ ପ୍ରାଧ୍ୟାପକ ରାଖଲ କୁମାର ସେନାପତି ଓ ବିମଳ କୁମାର ଜେନା ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ । ସଭାରେ ମୁଖ୍ୟ ଆକର୍ଷଣ ଭାବେ ଯୋଗଦେଇଥିଲେ ହରିଶ୍ଚନ୍ଦ୍ର ନାୟକ । ଆୟୋଜିତ ସଭାରେ ସମସ୍ତ ଅଧ୍ୟାପକ, ଅଧ୍ୟାପିକା, ସାଥି କର୍ମଚାରୀ ମାନେ ତାଙ୍କ ଗୁଣଗାନ କରିବା ସହିତ ତାଙ୍କ ଭଳି ଜଣେ ଦରଦୀ ମଣିଷ ବିରଳ ବୋଲି ମତ ଦେଇଥିଲେ । ବରୀ ଅଞ୍ଚଳରେ ତାଙ୍କର ଏକ ଭିନ୍ନ ପରିଚୟ ରହିଛି । ସେ ହରି ଭାଇ ନାମରେ ସମସ୍ତଙ୍କ ନିକଟରେ ପରିଚିତ । ନିଜ ଭିତରେ ଥିବା ଦୁଃଖକୁ ସେ କେବେ ପ୍ରକାଶ ନକରି ସବୁ ସମୟରେ ହସ ହସ ମୁହଁରେ ରହି ନିଜ ଦାୟିତ୍ୱ ନିର୍ବାହ କରିବାର ଅନନ୍ୟ ଉଦାହରଣ ସୃଷ୍ଟି କରିଛନ୍ତି । ଅବସରପ୍ରାପ୍ତ କର୍ମଚାରୀ ହରିଶ୍ଚନ୍ଦ୍ର ନାୟକ ନିଜ ଚାକରି ଜୀବନର ଅନୁଭୂତି ବର୍ଣ୍ଣନା କରିଥିଲେ ।
ସଭାର ସଭାପତି ତଥା ଅଧ୍ୟକ୍ଷ ପ୍ରଫେସର ସାମଲ ନିଜ ବକ୍ତବ୍ୟରେ କହିଥିଲେ ହରିଶ୍ଚନ୍ଦ୍ର ନାୟକ ଜଣେ ନିଷ୍ଠାପର କର୍ମଚାରୀ ଭାବେ ନିଜ ଦାୟିତ୍ୱ ସଠିକ ଭାବେ ନିର୍ବାହ କରି ସମସ୍ତଙ୍କ ପ୍ରିୟ ଭାଜନ ହୋଇପାରିଥିଲେ । ସେ ଥିଲେ ଏହି ଅନୁଷ୍ଠାନର ଅନନ୍ୟ ପରିଚୟ । ଅନୁଷ୍ଠାନ ତାଙ୍କୁ ସବୁଦିନ ମନେ ରଖିବ । ସଭାପରେ ତାଙ୍କୁ ବାଜା ବାଣ ସହିତ ଏକ ଖୋଲା ଜିପରେ ବଜାର ଓ ଗ୍ରାମ ପରିକ୍ରମା କରି ତାଙ୍କ ବାସଭବନରେ କଲେଜର ଅଧ୍ୟକ୍ଷଙ୍କ ସମେତ ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ନେଇ ଛାଡିଥିଲେ ।