23-Oct-2021

ସୋନପୁର,(ରିପୋର୍ଟ - ମନୋରଞ୍ଜନ  ତ୍ରିପାଠୀ): ସମ୍ପ୍ରତି ଦୀର୍ଘ ଦିନ ଦୀର୍ଘ ବର୍ଷର ବିଜେଡି ସରକାର ଗାଦି କୁ ମାଡି ବସିଥିବା  ଓ  ସ୍ୱଛତାର  ନାରା ବା  ପରିଚୟ ଦେଉଥିବା ମୁଖ୍ୟମନ୍ତ୍ରୀଙ୍କ ମନ୍ତ୍ରୀ ପରିଷଦର କଳା କାରନାମା ଆଉ କାହାକୁ ଅଛପା ନାହିଁ l   ମାହାଙ୍ଗାର ଡବଲ ମର୍ଡର, ନୟାଗଡର ପରୀ ହତ୍ୟାକାଣ୍ଡ , ପାରଳାଖେମୁଣ୍ଡି ର ଏ ସି ଏଫ ସୌମ୍ୟ ମହାପାତ୍ରଙ୍କ ମୃତ୍ୟୁ,  ଇତିଶ୍ରୀ,  ବେବିନା, ମମିତା ଭଳି ନିରୀହ ଝିଅଙ୍କ ବଳିଦାନ ନ୍ୟାୟ ଅପେକ୍ଷାରେ ଥିବା ବେଳେ ସେ ଆଇନର ଲମ୍ବା ବାଟ କେବେ ସରିବ ତାହା   ମହାଭାରତର  ଧୃତରାଷ୍ଟ୍ରଙ୍କୁ ଜଣା l

ଏମିତି ଲମ୍ବା ବାଟ ଚାଲୁ ଚାଲୁ ଖୋଦ ରାଜ୍ୟ ରାଷ୍ଟ୍ର ଗୃହ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଏ ବାଟରେ  ମୁହଁ ମାଡି ଝୁଣ୍ଟି ପଡିଛନ୍ତି ଏବଂ  ତାଙ୍କ ଛତ୍ରଛାୟା ତଳେ ଥିବା ମହାଲିଙ୍ଗ କଲେଜରେ ଥିବା ଗୁପ୍ତ କୋଠରୀର ଗୁପ୍ତ ରହସ୍ୟ କେବେ ଉନ୍ମୋଚନ ହେବ ତାହା ଗୃହ ବିଭାଗରେ ଥିବା ଖୋଦ ମୁଖ୍ୟମନ୍ତ୍ରୀ ଜବାବ ଦିଅନ୍ତୁ l ପୁନଶ୍ଚ କଲେଜର ବିଭିନ୍ନ କାର୍ଯ୍ୟକ୍ରମରେ ଊଚ୍ଚ ପାହ୍ୟାରେ ଥିବା ସମ୍ବେଦନଶୀଳ ବିଭାଗର ଅର୍ଥ, ଆଇନ, ଗୃହ ଓ ସଂସୃତି ବିଭାଗର ମନ୍ତ୍ରୀ ମାନଙ୍କ କଲେଜର ଭବ୍ୟ ଆତିଥ୍ୟତା ଓ ପୁଳା ପୁଳା ଅର୍ଥ ଅନୁଦାନ ଏବେ ବିରାଟ ପ୍ରଶ୍ନ ସୃଷ୍ଟି କରିଛି l କଲେଜ ର ଏଫିଲେସନ ନ ଥାଇ ପିଲା ମାନଙ୍କୁ ପରୀକ୍ଷା ଦେବାର ସୁଯୋଗ ଦେଇଥିବା ମନ୍ତ୍ରୀ ଡ଼କ୍ଟର ଅରୁଣ ସାହୁଙ୍କ କାର୍ଯ୍ୟକଳାପ ଉପରେ ମଧ୍ୟ ସନ୍ଦେହ କରାଯାଇପାରେ  l ମାଆଙ୍କୁ ସମ୍ମାନ ନାରା  ଦେଉଥିବା ସରକାରଙ୍କ ବରିଷ୍ଠ ମନ୍ତ୍ରୀ ମାନଙ୍କର ମାତୃ ଜାତି ପ୍ରତି ଯୌନ ବ୍ୟଭିଚାର ଭଳି କଳଙ୍କିତ ଅଧ୍ୟାୟ ସୃଷ୍ଟି କାରୀ ସରକାରଙ୍କୁ ବଲାଙ୍ଗୀର ତଥା ରାଜ୍ୟବାସୀ କେବେ କ୍ଷମା ଦେବେନି l ନିରୀହ ନାରୀ ମାନଙ୍କର ଅତୃପ୍ତ ଆତ୍ମା, କୋଟି ଲୋକଙ୍କ ଅସନ୍ତୋଷ ଅଭିଶାପ  ନିଆଁ ରେ ଏ ସରକାର  ଖୁବ ଶୀଘ୍ର ଜଳି ଯିବ ଏଥିରେ ସନ୍ଦେହ ନାହିଁ l  ଅତ୍ୟାଚାର,ବ୍ୟଭିଚାର ବଢ଼ି ପୂର୍ବରୁ ଓଡିଶା ଠୁ ଆରମ୍ଭ କରି ଅନେକ ରାଜ୍ୟ ରେ ଏମିତି ଅନେକ ସରକାର ଛାରଖାର ହୋଇ ଆସିଛି l ପ୍ରକାଶ ଥାଉ ଯେ, ପୂର୍ବରୁ ଡାଲି  ଓ ଖଣି  ମହା ଦୁର୍ନୀତିରେ ସାମିଲ ଥିବା ଅନେକ ମନ୍ତ୍ରୀଙ୍କୁ ପୁଣି  ବିଜେଡି ତାର ଦଳ ପ୍ରବକ୍ତା କରି ଏ ଘଟଣା ରେ କି ଲାଜ ରେ ପୁଣି ନିଜେ ସଫେଇ ଦେଉଛନ୍ତି ତାହା ଆଶ୍ଚର୍ଯ୍ୟ l  ଏଠି ପ୍ରକାଶ ଥାଉ କି ଯେ  ଅଞ୍ଜନା ଧର୍ଷଣ ମାମଲା ରେ କଂଗ୍ରେସ ସରକାରଙ୍କୁ

ଲୋକେ ପ୍ରତ୍ୟଖ୍ୟାନ କରିଥିଲେ  ହେଲେ  ବର୍ତମାନ ସରକାର ରେ  ପରୀ ଭଳି  ନିଷ୍ପାପ ଶିଶୁ  ଠୁ  ଆରମ୍ଭ କରି  ଅନେକ ନିରୀହ ଝିଅଙ୍କ ବଳିଦାନ ପରେ ମଧ୍ୟ  ଏ ସରକାର  ର ପତନ ଘଟିବ   ତାହା  ଅପେକ୍ଷା ରେ l ଏହାରି ଭିତରେ ମମିତା ଙ୍କ ପରିବାର ନ୍ୟାୟ ଅପେକ୍ଷାରେ ରହିଛନ୍ତି l ଗୋବିନ୍ଦ ପରି ଜଣେ ପାଶବିକ ମଣିଷ କେତେ ଯେ ନିଷ୍ପାପ ଝିଅ ର ଜୀବନ ସହିତ ଖେଳିଥିବ ତାର ହିସାବ ନାହିଁ l ଗୋବିନ୍ଦାର ଗୁପ୍ତ କୋଠାରୀରେ କେତେ ଯେ ଅବଳା ନିଜ ଇଜ୍ଜତ୍ କୁ ବିକ୍ରି କରିଥିବେ, ତାର ହିସାବ ନିକାଶ କରିବ କୋର୍ଟ l ଆଗାମୀ ଦିନରେ ରାକ୍ଷସ ରୂପୀ ଗୋବିନ୍ଦ କୋର୍ଟ ର ଡରବାର ରୁ ମୁକୁଳି ପରେ କିନ୍ତୁ ଭାଗବାନଙ୍କ ଦରବାରରେ ସେ ଉଚିତ୍ ଦଣ୍ଡ ପାଇବ ଓ ମମିତାର ଆତ୍ମା ଶାନ୍ତି ପାଇବ l