09-Oct-2026

ଭୁବନେଶ୍ୱର(ପ୍ରେରଣା ଖବର)

ବରିଷ୍ଠ ସାମ୍ବାଦିକ ପ୍ରସନ୍ନ ମହାନ୍ତି ଦ୍ଵିତୀୟ ଥର ପାଇଁ ପ୍ରେସ କାଉନସିଲ ଅଫ ଇଣ୍ଡିଆର ସଦସ୍ୟ ମନୋନୀତ ହୋଇଛନ୍ତି। ଏହି ମର୍ମରେ ବୁଧବାର ଦିନ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି। ଏଥିରେ ୬ ଜଣ ସମ୍ପାଦକ ଓ ୭ ଜଣ କର୍ମଜୀବୀ ସାମ୍ବାଦିକଙ୍କ ନାମ ସ୍ଥାନ ପାଇଛି।

ସାମ୍ବାଦିକ ଶ୍ରୀ ମହାନ୍ତି ଉଭୟ ଖବର କାଗଜ ଓ ଇଲେକ୍ଟ୍ରୋନିକ୍ସ ମେଡିଆରେ ଦୀର୍ଘ ଦିନ ଧରି କାର୍ଯ୍ୟ କରିଛନ୍ତି। ଜଣେ ରାଜନୈତିକ ସମୀକ୍ଷକ ଭାବେ ସେ ବେଶ ଜଣା ଶୁଣା। ଓଡିଶା ସାମ୍ବାଦିକ ୟୁନିଅନର

ସଭାପତି ଦାୟିତ୍ୱରେ ଥିବା ଶ୍ରୀ ମହାନ୍ତି ପୂର୍ବରୁ ଦୁଇ ଥର ନ୍ୟାସନାଲ ୟୁନିଅନ ଅଫ ଜର୍ଣ୍ଣାଲିଷ୍ଟ (India) ର ଜାତୀୟ ମହାସଚିବ ଥିଲେ। ପୂର୍ବ କାର୍ଯ୍ୟକାଳ ସମୟରେ ସେ ସାମ୍ବାଦିକଙ୍କ ସୁରକ୍ଷା ଓ କଲ୍ୟାଣ ବାବଦରେ ଅନେକ ଦାବି ଉପସ୍ଥାପନା କରିବା ସହ ପ୍ରେସ କାଉନସିଲକୁ ସୁପାରିଶ କରିଥିଲେ। ଏଭଳି ସମ୍ମାନ ଜନକ ପଦବୀକୁ ମନୋନୟନ ଲାଗି ବିଭିନ୍ନ ମହଲରୁ ତାଙ୍କୁ ଅଭିନନ୍ଦନ ଜ୍ଞାପନ କରାଯାଇଛି।