13-Oct-2026

ବଲାଙ୍ଗୀର(ପ୍ରେରଣା ଖବର )-ପାଟଣା ଗଡଜାତର ଇଷ୍ଟଦେବୀ ପାଟଣେଶ୍ୱରୀଦେବୀଙ୍କ ପୀଠରେ ପବିତ୍ର ଦଶହରା ଉପଲକ୍ଷେ ନବରାତ୍ରପୂଜା ଚାଲିଛି । ପ୍ରତିପଦା ଠାରୁ ଏହା ଆରମ୍ଭ ହୋଇ ଆଜି ତୃତୀୟ ଦିନରେ ପହଞ୍ଚିଛି । ଆଜି ତୃତୀୟଦିନରେ ପୂଜାରେ କର୍ତ୍ତା ଭାବରେ ଲକ୍ଷ୍ମଣ କୁମାର ମେହେର ଓ ତାଙ୍କ ଧର୍ମପତ୍ନୀ ରୀନା ମେହେର ଦାୟୀତ୍ୱ ତୁଲାଉଛନ୍ତି । ନବରାତ୍ରର ରୀତିନୀତି ଅନୁଯାୟୀ ମେହେର ଦମ୍ପତ୍ତି ପୂଜାରେ ହୋମଯଜ୍ଞ କରାଇଛନ୍ତି । ପାଟଣେଶ୍ୱରୀପୀଠର ପୂଜକ ମହେନ୍ଦ୍ର ଦିଶ୍ରୀ ପ୍ରଥମେ ମାଁଙ୍କଠାରେ ପୂଜା କଲା ପରେ ହୋମଯଜ୍ଞ ଆରମ୍ଭ ହୋଇଥିଲା । ଯଜ୍ଞପୂଜକ ଫକୀର ମୋହନ ଶତପଥି ଓ ଚଣ୍ଡିପାଠ ବିଶ୍ୱରଂଜନ ପଣ୍ଡା କରିଥିଲେ । ଆସନ୍ତା ନବମୀ ଦଶହରା ପର୍ଯ୍ୟନ୍ତ ଏହା ଚାଲିବ ବୋଲି ପୂଜାକମିଟି ପକ୍ଷରୁ କୁହାଯାଇଛି । ବଲାଙ୍ଗୀର ଜିଲ୍ଲାର ବିଭିନ୍ନ ଦେବୀପୀଠରେ ୧୬ ପୂଜା ଚାଲିଛି । ଏହା ସହିତ ମେଢମାନଙ୍କରେ ମଧ୍ୟରେ ନବରାତ୍ର ପୂଜା ଆରମ୍ଭ ହୋଇଯାଇଛି । ବଲାଙ୍ଗୀର ସମଲେଶ୍ୱରୀ ମନ୍ଦିର, ଦୁର୍ଗାମନ୍ଦିର ଇତ୍ୟାଦି ପୀଠରେ ୧୬ ପୂଜା ଚାଲିଛି ।