02-Jul-2021

ଗଞ୍ଜାମ, କୋଦଳା(ଉମା ମହାରଣା)- ସ୍ଥାନୀୟ କୋଦଳା କୋର୍ଟ ପରିସରରେ ଠାରେ ୭୨ ତମ ବନମହୋତ୍ସବ ପାଳିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲା ଦୌରାଜର୍ଜ ଶ୍ରୀମତୀ ମୁନ ରାଣୀ ମିଶ୍ର, ପ୍ରଥମ ଶ୍ରେଣୀ ବିଚାରପତି ସୁକନ୍ୟା ଶତପଥି, ବରିଷ୍ଠ ଦେୱାନୀ ବିଚାରପତି ସଦ୍ୟାଶ୍ନତା ପତି ଏହି କାର୍ଯ୍ୟକ୍ରମରେ ଯୋଗ ଦେଇ ପ୍ରଥମେ ଚାରା ରୋପଣ କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ଏହି କାର୍ଯ୍ୟକ୍ରମରେ ପୋଲସରା ବନାଞ୍ଚଳ ଅଧିକାରୀ ସଚିନ କୁମାର ପ୍ରଧାନ, କୋଦଳା ବନପାଳ କୋରା ପ୍ରସାଦ ଜେନା,ପୋଲସରା ବନପାଳ ସୁକାନ୍ତ କୁମାର ପଟ୍ଟନାୟକଙ୍କ ସମେତ ସହକାରୀ ବନ ସଂରକ୍ଷକ ଶ୍ରୀଯୁକ୍ତ ପ୍ରଭାକର ନାୟକ (ଭଞ୍ଜନଗର) କୋର୍ଟ କାର୍ଯ୍ୟାଳୟ ପ୍ରାଙ୍ଗଣରେ ଚାରା ରୋପଣ କରିଥିଲେ l ବୃକ୍ଷ ହିଁ ଜୀବନ, ବୃକ୍ଷ ଯୋଗୁଁ ହିଁ ଅମ୍ଳଜାନ ଆବଶ୍ୟକ ହୁଏ ବୋଲି ଶ୍ରୀ ନାୟକ ନିଜ ବକ୍ତବ୍ୟରେ କହିଥିଲେ l ଏଥିସହ ପ୍ରତେକ ବର୍ଷ ଅଧିକାରୁ ଅଧିକା ଚାରା ରୋପଣ ସହ ବୃକ୍ଷ ରୋପଣ କରିବାକୁ ଯୁବପୀଢ଼ିଙ୍କୁ ଆହ୍ବାନ କରିଥିଲେ। ଯାହାଦ୍ୱାରା ଓଡିଶା ସମେତ ସମସ୍ତ ଭାରତ ବର୍ଷ ସବୁଜ କ୍ଷେତ୍ର ହୋଇପାରିବ। ଵୃକ୍ଷରୋପଣ ବଢିବା ଦ୍ୱାରା ମଧ୍ୟ ବାୟୁ ମଣ୍ଡଳରେ ସ୍ତର ଗୁଡିକ ସମତୁଲ ହୋଇ ରହିପାରିବ। ଏହି ଉତ୍ସବରେ କୋଦଳା ବାର ଆସୋସିସନର ସମ୍ପାଦକ ଶ୍ରୀ ଗୋପାଳ କୃଷ୍ଣ ସାହୁ, ଶ୍ରୀ ହର ପ୍ରସାଦ ସାହୁ, ଶ୍ରୀ ତାରିଣୀ ଚରଣ ପଟ୍ଟନାୟକ, ଶ୍ରୀ ନୀଳାଞ୍ଚଳ ପୋଲାଈ, ଶ୍ରୀ ଭଗବାନ ହୋତା ଓ ଶ୍ରୀ ସପ୍ନ କୁମାର ମିଶ୍ରଙ୍କ ସମେତ ସମସ୍ତ କର୍ମଚାରୀ ଯୋଗଦେଇଥିଲେ l