01-Jul-2021

ବେଲପଡ଼ା (ପ୍ରେରଣା ଖବର ବ୍ୟୁରୋ) : ବଲାଙ୍ଗୀର ଜିଲ୍ଲାର ବେଲପଡା ଥାନା ଅନ୍ତର୍ଗତ କପାଣି ଗାଁ ନିକଟରେ ଏକ ଚାରିଚକିଆ ଗାଡି ରୁ ୧୨୦୦ ବୋତଲ ନିଶାକଫସିରଫ ଜବତ କରାଯିବା ସହ ଦୁଇ ଜଣ ଙ୍କୁ ଗିରଫ କରାଯିବା ସୂଚନା ମିଳିଛି । ସୂଚନା ଅନୁଯାୟୀ,ଯୋଜନା ବଦ୍ଧ ଭାବେ ଚାଲଣ ହେଉଥିବା ବେଳେ ଏକଚାରି ଚକିଆ ଟିଭିୟୁ ମିନର୍ଭା ଗାଡିନଂ ଓଡି୦୩ଆର୫୩୨୫କୁ ପୋଲିସ ଅଟକ ରଖିଛି ।  ପୋଲିସ ସୂଚନା ପାଇ  ଉକ୍ତ ଗାଡିରୁ ୧୨୦୦ ବୋତଲ ନିସକଫ ସିରଫ ଜବତ କରିବା ସହ ଗାଡି ଡ୍ରାଇଭର କାର୍ତ୍ତିକ ହଂସ ଏବଂ ଗାଡି ମାଲିକ ଅର୍ଜୁନ ବେହେରାକୁ ଗିରଫ କରି ବେଲପଡା ଥାନାରେ ଅଟକ ରଖାଯାଇଛି । ଏହା ସହ ଏଥିରେ ସଂପୃକ୍ତ ଦୁଇ ଜଣ ଫେରାର ଥିବା ପୁଲିସ ସୂତ୍ରରୁ ଜଣାପଡିଛି ।

ପ୍ରାପ୍ତ ସୂଚନା ଅନୁଯାୟୀ ପାଟଣାଗଡ-ବେଲପଡା ରାଜ୍ୟ ରାଜପଥ ରାସ୍ତାରେ ବେଲପଡା ଆଡକୁ ଆସୁଥିବା ଏହି ଚାରିଚକିଆ ଗାଡିରେ ନିଶାକଫସିରଫ ଚୋରା ଚାରଣ ହେଉଥିବା ପାଟଣାଗଡ ପୋଲିସ ଖବର ପାଇ ଉକ୍ତ ଗାଡି କୁ ଫଲୋ କରିଥିଲା । ପୋଲିସ ପଛରେ ଆସୁଥିବା  ଜାଣିବା ପରେ ଉକ୍ତ ଗାଡି କୁ ସାଲେପାଲି ରାସ୍ତାରେ ଛାଡି ବାହାରୁ ବନ୍ଦ କରି ଫେରାର ଉଦ୍ୟମ କରିଥିଲେ,ହେଲେ  ପୁଣି ରାଜ୍ୟ ରାଜପଥରେ ଉକ୍ତ ଗାଡି ନେଇ ଅଭିଯୁକ୍ତ ପୁନଃ ଫେରାର ଉଦ୍ୟମ କରିଥିଲେ । ପୋଲିସ ପଛେ ପଛେ ପିଛା କରୁଥିବା ବେଳେ ରାସ୍ତାରେ ଏକ ଗାଇଗୋଠ ଯୋଗୁଁ ପୁଲିସ ପଛରେ ରହିଯାଇଥିଲା । ଏହାପରେ ଉକ୍ତ ଗାଡି କପାଣି ବିଶ୍ୱକର୍ମା ମନ୍ଦିର ନିକଟ ରେ ପୁନଃ ଉକ୍ତ ଗାଡି ଡ୍ରାଇଭର ଓ ମାଲିକ ମିଶି  ତାଲା ବାହାରୁ ବନ୍ଦ କରି  ଗାଡି ଛାଡି ଫେରାର ଉଦ୍ୟମ କରିଥିଲେ ।ହେଲେ ପୋଲିସ ଉକ୍ତ ଦୁଇ  ଅଭିଯୁକ୍ତ ଙ୍କୁ ଗିରଫ କରି ପୋଲିସ ଗାଡି ନିକଟରେ ପହଁଚି ଗାଡିକୁ ଜବତ କରିବା ସହ ତଦନ୍ତ ପରେ ସେଥିରୁ ୧୨୦୦ ବୋତଲ ନିଶା କଫସିରଫ ଜବତ କରି ଥିବା ବେଳେ ଆଉ ଦୁଇ ଅଭିଯୁକ୍ତ ଫେରାର ହୋଇଯାଇଥିବା ଜଣାଯାଇଛି । ଏହି ବେଆଇନ କଫସିରଫ କେଉଁ ଜାଗାରୁ ଆସୁଥିଲା ଓ କାହା ପାଖକୁ ଚାଲାଣ କରାଯାଉଥିଲା ସେ ନେଇ ଅଧିକ ତଦନ୍ତ ଚାଲିଥିବା ପୋଲିସ ସୂଚନା ଦେଇଛି । ବଲାଙ୍ଗୀର ଜିଲ୍ଲାରେ ଏହି କଫସିରଫ କାରବାର ଦିନକୁ ଦିନ ବୃଦ୍ଧି ପାଇ ଚାଲିଥିବା ବେଳେ ଅଭିଯୁକ୍ତ ଗିରଫ ହୋଇ ଜେଲ ଯାଇ ଜାମିନ ରେ ମୁକୁଳି ପୁନଃ ଏହି କାରବାର ଆରମ୍ଭ କରିଦେଉଥିବା ଦେଖିବାକୁ ମିଳିଛି l