01-Jul-2021

ବଲାଙ୍ଗୀର, (ପ୍ରେରଣା ଖବର): ବଲାଙ୍ଗିର ଜିଲ୍ଲା ଛଟେଇ କମ୍ପ୍ଯୁଟର ଶିକ୍ଷକ ସଂଘ ତରଫରୁ ଆଜି ଶିକ୍ଷା ସଚିବ ତଥା ଅଧୀକ୍ଷକ, OSEPA ଙ୍କ ଉଦ୍ଦେଶ୍ଯରେ ଜିଲ୍ଲାପାଳଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି l
ସୂଚନାଯୋଗ୍ୟ ଯେ, ୨୦୧୪ ରୁ ୨୦୧୯ ପର୍ଯ୍ୟନ୍ତ ଜିଲ୍ଲାର ୧୩୮ ତଥା ରାଜ୍ଯର ୪୦୦୦ କମ୍ପ୍ଯୁଟର ଶିକ୍ଷକ ୪୦୦୦ ସରକାରୀ ହାଇସ୍କୁଲରେ କାର୍ଯ୍ଯକରି ଆସୁଥିଲେ। ଏହି ଶିକ୍ଷକ ମାନେ ପିଲା ମାନଙ୍କୁ କମ୍ପ୍ଯୁଟର ଶିକ୍ଷା ଦେବା ସହିତ ସ୍କୁଲର ବିଭିନ୍ନ ଅନଲାଇନ କାମ ତଥା ମ୍ଯାଟ୍ରିକ୍ ମୂଲ୍ଯାୟନ ଏବଂ ନିର୍ବାଚନ ଡ୍ଯୁଟି ମଧ୍ଯ କରି ଆସୁଥିଲେ l କିନ୍ତୁ ଗତ ୨୦୧୯ ଏପ୍ରିଲ ମାସରୁ ସାରା ରାଜ୍ଯ ର ୪୦୦୦ କମ୍ପ୍ଯୁଟର ଶିକ୍ଷକଙ୍କୁ ରାଜ୍ଯ ସରକାର ଛଟେଇ କରି ଦେଇଥିବାରୁ ସେମାନେ ଦୁର୍ଦିନରେ କାଳାତିପାତ କରୁଛନ୍ତି l ସରକାରଙ୍କ ସହିତ ଗତ ୨ ବର୍ଷ ମଧ୍ଯରେ ଅନେକ ଥର ଆଲୋଚନା ହୋଇଥିଲେ ମଧ୍ଯ ବିଫଳ ହେବାରୁ ରାଜ୍ଯ ସଂଘ ଗତ ମେ ମାସ ୧୦ ତାରିଖରେ ଉଚ୍ଚ ନ୍ଯାୟାଳୟରେ ଏକ ରିଟ୍ ପିଟିସନ ଦାଖଲ କରିଥିଲା l ଯାହାକୁ ତର୍ଜମା କରିବା ପରେ ମାନ୍ଯବର ଉଚ୍ଚ ନ୍ଯାୟାଳୟ ରାଜ୍ଯ ସଂଘ ସପକ୍ଷରେ ରାୟଦେବା ସହିତ ୩ମାସ ମଧ୍ଯରେ ସମସ୍ଯାର ସମାଧାନ

କରିବା ପାଇଁ ରାଜ୍ଯ ସରକାରଙ୍କୁ ପରାମର୍ଶ ଦେଇଥିବାରୁ ୪୦୦୦ ଛଟେଇ କମ୍ପ୍ଯୁଟର ଶିକ୍ଷକଙ୍କ ମନରେ ପୁଣି ଚାକିରୀ ଫେରି ପାଇବା ପାଇଁ ଆଶା ସଞ୍ଚାର ହୋଇଅଛି l
ତେବେ ରାଜ୍ଯ ସରକାର ୪୦୦୦ ପିଲାଙ୍କ ଦୁଃଖ ବୁଝିବେ ଏବଂ ସେମାନଙ୍କୁ ପୁନଃନିଯୁକ୍ତି ପ୍ରଦାନ କରିବେ ବୋଲି ଜିଲ୍ଲାସଂଘ ର ସଭାପତି ଜ୍ଯୋତିର୍ମୟ ମିଶ୍ର କହିଛନ୍ତି।