01-Jul-2021

ବଲାଙ୍ଗିର (ପ୍ରେରଣା ଖବର) : ଗତକାଲି ସନ୍ଧ୍ୟାରେ ବଲାଙ୍ଗିର ଏକ୍ସନ କମିଟି କାର୍ଯ୍ୟାଳୟରେ କମିଟିର ଆବାହକ ଗୋପାଲଜୀ ପାଣିଗ୍ରାହୀଙ୍କ ଅଧ୍ୟକ୍ଷତାରେ ଲୋୱେର ଶୁକତେଲ ଜଳସେଚନ ପ୍ରକଳ୍ପର ସାମ୍ପ୍ରତିକ ସ୍ଥିତି ସମ୍ପର୍କରେ ଆଲୋଚନା ହୋଇଥିଲା।ଲୋୱେର ସୁକତେଲ ଜଳସେଚନ ପ୍ରକଳ୍ପର ଅଗ୍ରଗତି ତଥା ବିସ୍ଥାପିତ ଭାଇ ଓ ଭଉଣୀ ମାନେ କିପରି ଉଚିତ କ୍ଷତିପୂରଣ ପାଇ ସମ୍ମାନର ସହ ବିସ୍ଥାପିତ ହେବେ ଏବଂ ବିସ୍ଥାପିତ ହେଲା ପରେ ଠିକ ଭାବରେ ଥଇଥାନ ହୋଇ ପାରିବେ, ତାକୁ ଅଗ୍ରାଧିକାର ଦେବା ପାଇଁ ପ୍ରଶାସନ ଓ ସରକାରଙ୍କ ଉପରେ ଚାପ ସୃଷ୍ଟି କରିବା ପାଇଁ ବୈଠକରେ ସହମତି ପ୍ରକାଶ ପାଇଥିଲା।
     ଏଠାରେ ଉଲ୍ଲେଖଯୋଗ୍ୟ ଯେ ବଲାଙ୍ଗିର ଏକ୍ସନ କମିଟି ୨୦୦୯ ମସିହାରୁ ଲୋୱେର ସୁକତେଲ ପ୍ରକଳ୍ପକୁ "ବଲାଙ୍ଗିର ର ଜୀବନରେଖା" ଭାବେ ନାମିତ କରିବା ସଙ୍ଗେ ସଙ୍ଗେ ନିରବିଛିନ୍ନ ଭାବରେ ପ୍ରକଳ୍ପର ତ୍ୱରିତ। ନିର୍ମାଣ ତଥା ବିସ୍ଥାପିତ ମାନଙ୍କୁ ଉଚିତ କ୍ଷତିପୂରଣ ଦେବା ସହ ସଂମାନ ର ସହ ଥଇଥାନ କରିବା ଦାବିରେ ଆନ୍ଦୋଳନ କରିଆସୁଛି।
      ବିଭିନ୍ନ ସମୟରେ, ଯଥା ୨୦୧୨ ମସିହା ରେ ଦୀର୍ଘ ଦିନ ଧରି ଆମରଣ ଅନଶନ ମାଧ୍ୟମରେ ସରକାରଙ୍କ ଦୃଷ୍ଟି ଆକର୍ଷଣ କରିବା ସହ ମାନ୍ୟବର ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଉଭୟ ପ୍ରକଳ୍ପ ନିର୍ମାଣ ତଥା ବିସ୍ଥାପିତଙ୍କ ଉଚିତ ଥଇଥାନ ଦାବି ରଖିବା ହେଉ କିମ୍ବା ୨୦୧୭ ମସିହାରେ ଓଡିଶା ରେ ପ୍ରଥମ ଥର ପାଇଁ ଜଳ ସତ୍ୟାଗ୍ରହ ମାଧ୍ୟମରେ ବିସ୍ଥାପିତ ମାନଙ୍କୁ ୨୦୧୩ ଆଇନ ଅନୁସାରେ କ୍ଷତିପୂରଣ ଦେବା ଦାବି ରଖିବା ହେଉ , ନିଜ ଆନ୍ଦୋଳନ ଜାରି ରଖିଛି  ୨୦୧୭ ମସିହାରେ କମିଟିର ଜଳ ସତ୍ୟାଗ୍ରହର ପ୍ରଭାବରେ ତତ୍କାଳୀନ ପ୍ରମୁଖ ଜଳସେଚନ ସଚିବ,ସମଗ୍ର ବୁଡ଼ିଅଞ୍ଚଳ ପାଇଁ,ଯେଉଁ ଗାଁ ମାନେ ଆଗରୁ ପାଉଣା ନେଇ ସାରିଛନ୍ତି ସେମାନଙ୍କୁ ୨୦୧୩ ଆଇନ ବଦଳ ରେ ex grasia ପାଉଣା ଦେବା ପାଇଁ  କମିଟି କୁ ଲିଖିତ ପ୍ରତିଶ୍ରୁତି ଦେଇଥିଲେ।ଯାହାକୁ ସରକାର ମାନି ନେଇଥିଲେ।ଏହା ବ୍ୟତୀତ କମିଟି ୨୦୧୭ ମସିହାରୁ ନିରବିଛିନ୍ନ ଭାବରେ ନିର୍ବାଚିତ ପ୍ରତିନିଧି ମାନଙ୍କ ସହ ଆଲୋଚନା ମାଧ୍ୟମରେ ପ୍ରକଳ୍ପ ନିର୍ମାଣ ତଥା ବିସ୍ଥାପିତଙ୍କ ଉଚିତ ଥଇଥାନ ଦାବିକୁ ରଖିବା ସହ ସରକାରଙ୍କୁ ଅଙ୍ଗୀକାରବଦ୍ଧ କରିବା ପ୍ରୟାସ ଜାରି ରଖିଛି।
      କମିଟି ବୈଠକରେ ବଲାଙ୍ଗୀର ସାଂସଦ ସଂଗୀତା କୁମାରୀ ସିଂଦେଓ, ମାନ୍ୟବର ବଲାଙ୍ଗୀର ବିଧାୟକ ନରସିଂହ ମିଶ୍ର,  ଲୋଇସିଂହା ବିଧାୟକ  ମୁକେଶ ମହଲିଙ୍ଗ ଏବଂ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜାଙ୍କର ସମ୍ପୂର୍ଣ୍ଣ ସହଯୋଗ ପ୍ରଦାନ କରିବା ସଙ୍ଗେ ସଙ୍ଗେ ସରକାରଙ୍କ ଠାରେ ଲୋୱେର ସୁକତେଲ ଜଳସେଚନ ପ୍ରକଳ୍ପର ତ୍ୱରିତ ନିର୍ମାଣ ତଥା ବିସ୍ଥାପିତ ମାନଙ୍କ ଉଚିତ ଥଇଥାନ ଦାବିକୁ ଦୃଢ଼ ଭାବେ ଉପସ୍ଥାପନ କରଥିବାରୁ ତାଙ୍କୁ ଧନ୍ୟବାଦ ଅର୍ପଣ କରାଯାଇ ଥିଲା।

        ବଲାଙ୍ଗିର ଏକ୍ସନ କମିଟି ସଦାସର୍ବଦା ବିସ୍ଥାପିତ ମାନଙ୍କ ସହିତ ରହିଛି ଏବଂ ଆଗକୁ ମଧ୍ୟ ରହିବ।ବୁଡି ଅଂଚଳ ଗ୍ରାମବାସୀ ଯେପରି ଭାବରେ ଆମକୁ ବିଶ୍ୱାସ କରି ପ୍ରକଳ୍ପ ସମର୍ଥନ ରେ ଆନ୍ଦୋଳନ କରିଥିଲେ ତାକୁ କମିଟି କେବେ ଭୁଲି ନାହିଁ କି ଭୁଲିବ ନାହିଁ।କୌଣସି ବିସ୍ଥାପିତ ପରିବାର ପ୍ରତି ଯେପରି କୌଣସି ଅନ୍ୟାୟ ନହୁଏ ଏବଂ ପ୍ରକଳ୍ପ ର ବିସ୍ଥାପିତ ଭାଇ ଏବଂ ଭଉଣୀ ମାନେ ଉଚିତ କ୍ଷତିପୂରଣ ପାଇବା ସଙ୍ଗେ ସଙ୍ଗେ ସଂମାନ ର ସହ ବିସ୍ଥାପିତ ହେବେ ଏବଂ ବିସ୍ଥାପିତ ହେବାପରେ ସମ୍ମାନର ସହ ଥଇଥାନ ହେବେ ତାକୁ ସରକାର ଏବଂ ପ୍ରଶାସନ ଅଗ୍ରାଧିକାର ଦେବାପାଇଁ କମିଟି ତରଫରୁ ଦୃଢ ଦାବୀ ରଖାଯାଇଛି।ଏହା ନହେଲେ କମିଟି ପୁନର୍ବାର ଆନ୍ଦୋଳନାତ୍ମକ ପଦକ୍ଷେପ ନେବାକୁ ବାଧ୍ୟ ହେବ ବୋଲି ଚେତାବନୀ ଦିଆଯାଇଛି ।
     ଏହି ବୈଠକରେ କମିଟି ର ଉପସଭାପତି ମୁନା ପଟ୍ଟନାୟକ,ବରିଷ୍ଟ ସଭ୍ୟ ଗିରୀଶ ସିଂହଦେଓ,ମଗନଲାଲ ଅଗ୍ରୱାଲ, ବିକ୍ରମାନନ୍ଦ ବହିଦାର ଯୁବ ସଂଯୋଜକ ରିଲୁ ରଥ, ଯୁବ ସଭାପତି ବିନୋଦ କାଳସାଇ, ଯୁବ ଉପସଭାପତି ସନ୍ତୋଷ ପଟ୍ଟନାୟକ,ରବି ଖମାରି,ସଞ୍ଜୟ ସାହୁ,ରାଜେନ୍ଦ୍ର ସେଠି ପ୍ରମୁଖ ଉପସ୍ଥିତ ଥିଲେ।