01-Jul-2021

ବୀରମହାରାଜପୁର : (ବିନୋଦ ପାଣ୍ଡେ ) ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବିଜେପି ପକ୍ଷରୁ    ଧାନକିଣା ଅଚଳାବସ୍ଥା କୁ ନେଇ ଆଜି  ବୀରମହାରାଜପୁର - ସୋନପୁର ମୁଖ୍ୟ ରାସ୍ତା କୁ ଉତ୍କଳ ଗ୍ରାମ୍ୟ ବ୍ୟାଙ୍କ ନିକଟରେ ଅବରୋଧ କରାଯାଇଥିଲା । ରାଜ୍ୟ ବିଜେପି ସଭାପତି ସମୀର ମହାନ୍ତି ଙ୍କ ଆହ୍ଵାନ କ୍ରମେ ସୁବର୍ଣ୍ଣପୁର ଜିଲ୍ଲାପରିଷଦ ଅଧ୍ୟକ୍ଷା ଉଷା କୁମାରୀ ଙ୍କ ନେତୃତ୍ୱରେ ଆୟୋଜିତ ରାସ୍ତା ଅବରୋଧ ରେ ବିଜେପି କୃଷକ ମୋର୍ଚ୍ଚା ରାଜ୍ୟ କାର୍ଯ୍ୟକାରିଣୀ ସଦସ୍ୟ କିଶୋର ହୋତା,, ବୀରମହାରାଜପୁର ବ୍ଲକ ଅଧ୍ୟକ୍ଷ ସନ୍ତୋଷ କୁମାର ଭୋଇ,ଜିଲ୍ଲା ଉପ ସଭାପତି ନଳିନୀ ପଣ୍ଡା, ଜିଲ୍ଲା ପରିଷଦ ସଦସ୍ୟା ରୋହିଣି ଡାଙ୍ଗ, ମଣ୍ଡଳ ସଭାପତି ହରିହର ପାତ୍ର, ଉଲୁଣ୍ଡା ମଣ୍ଡଳ ସଭାପତି ଆଦିତ୍ୟ ପୁରୋହିତ, ପ୍ରଶାନ୍ତ ଦଣ୍ଡସେନା, ରାଧା ଚରଣ ମେହେର, ସୁମନ୍ତ ଜଗଦଲା, ଏକଲବ୍ୟ ବେହେରା, ରମେଶ ପଣ୍ଡା, ଖିରସିନ୍ଧୁ ଭୋଇ, ବଳରାମ ଛନ୍ଦ, ଋଷିମଣି ପଧାନ ପ୍ରମୁଖ ବିଜେପି କାର୍ଯ୍ୟକର୍ତ୍ତା ଯୋଗଦେଇ ରାଜ୍ୟ ସରକାରଙ୍କ ଚାଷୀ ମାରଣ ନୀତି ଓ ଟୁକନ ଅବଧି ସରିଯାଇଥିଲେ ତାକୁ ବଢ଼ାଇବା ଏବଂ ଚାଷୀ ମାନଙ୍କୁ ଠିକ ସମୟରେ ବିହନ ଓ ସାର ଯୋଗାଇ ଦେବାକୁ ଦାବୀ କରିଥିଲେ ।ରାଜ୍ୟ ସରକାର ଏଥିରେ ଅବହେଳା କଲେ ଆନ୍ଦୋଳନ ଜୋରଦାର କରାଯିବ ବୋଲି କହିଥିଲେ ।