23-Jun-2021

ବଲାଙ୍ଗୀର(ପ୍ରେରଣା ଖବର) : ବଲାଙ୍ଗିର ସହର ଉପକଣ୍ଠ ଛୁଇବନ୍ଧ ନିକଟରୁ ଜଣେ ଟ୍ରକ୍ ଡ୍ରାଇଭର୍ କୁ ବନ୍ଧୁକ ମୁନରେ ଲୁଟ୍ ଅଭିଯୋଗ ହୋଇଛି l ଆଜି ଅପରାହ୍ନ ପ୍ରାୟ ୩.୩୦ ରେ  ୪ ଜଣ ଦୁର୍ବୃତ୍ତ ଏହି ଟ୍ରକ୍ ଡ୍ରାଇଭର୍ କୁ ଭୟଭୀତ କରାଇ ୬ହଜାର ଟଙ୍କା ଲୁଟି ନେଲେ l ଲୁଟ୍ ର ଶୀକାର ହୋଇଥିବା ଡ୍ରାଇଭର ସୁଦର୍ଶନ ବରିହା ପୁଇଁତଳା ଥାନାରେ ଲିଖିତ ଅଭିଯୋଗ କରିଛନ୍ତି l ପୋଲିସ ର ତଦନ୍ତ ଜାରି ରହିଛି l ଅଭିଯୁକ୍ତଙ୍କ ମଧ୍ୟରୁ ଜଣେ ପିସ୍ତଲ ଓ ଆଉ ଜଣେ ଏକ ଭୁଜାଲି ଧରିଥିବା ନେଇ ଟ୍ରକ୍ ଡ୍ରାଇଭର୍  ସୂଚନ  ଦେଇଛନ୍ତି l ଏ ସଂକ୍ରାନ୍ତରେ ଆଜି ସଂଧ୍ୟାରେ ପୁଇଁତଲା ପୋଲିସ ଏକ ମାମଲା ରୁଜୁ  କରିଛି l ଅନୁସନ୍ଧାନରୁ ଜଣାପଡିଛି ଯେ, ସି ଜି ୦୭ ସି ଏ ୬୭୯୮ ନମ୍ବର ବିଶିଷ୍ଟ ୬ ଚକିଆ ଟ୍ରକ୍ ଟି  ବ୍ରେକ୍ ଡାଉନ୍ ଯୋଗୁଁ ଛୁଇବନ୍ଧ ନିକଟରେ ଥିବା ରାଇସମିଲ୍ ପାଖରେ ଅଟକି ରହିଥିଲା ା ଡ୍ରାଇଭର ସୁଦର୍ଶନ ବରିହା ମେକାନିକ୍ ଡାକିବାକୁ ବାହାରୁଥିବା ବେଳେ ଘଟଣା ଟି ଘଟିଥିବା ନେଇ ସୂଚନା ମିଳିଛି l ଗାଡି ମାଲିକ ପିଣ୍ଟୁ ଶର୍ମାଙ୍କ ଠାରୁ ଘଟଣା ସଂପର୍କରେ ସୂଚନା ପାଇ ଜିଲ୍ଲା ଟ୍ରକ୍ ମାଲିକ ସଂଘ ସଭାପତି ବିରେନ୍ ମିଶ୍ର ଉଦବେଗ ପ୍ରକାଶ କରିଛନ୍ତ l ଅଭିଯୁକ୍ତ ମାନଙ୍କ ବିରୁଦ୍ଧରେ ଦ୍ରୁଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଶ୍ରୀ ମିଶ୍ର  ପୁଇଁତଳା ପୋଲିସ ନିକଟରେ ଦାବୀ କରିଛନ୍ତି ା