19-Jun-2021

ସମ୍ବଲପୁର,(ସଂଜୀବପାଣିଗ୍ରାହୀଙ୍କରିପୋର୍ଟ): ସମ୍ବଲପୁରରେ ପ୍ରତ୍ୟହ ଶହ ଶହ ସଂଖ୍ୟାରେ ଗୋ ହତ୍ୟା କରାଯାଉଛି । ପଶ୍ଚିମ ଓଡ଼ିଶାର ବିଭିନ୍ନ ସ୍ଥାନକୁ ଗୋ ମାଂସ ରପ୍ତାନୀ ହେଉଛି । ରାଜ୍ୟରେ ମଧ୍ୟ ଗୋ ମାଫିଆ ମାନେ ସକ୍ରିୟ ଥିବାବେଳେ ପ୍ରତ୍ୟହ ଏହି ନୀରିହ ପ୍ରାଣୀର ଜୀବନ ଯାଉଛି। ହିନ୍ଦୁ ମାନଙ୍କ ଆରାଧ୍ୟ ଗୋ ବଂଶ ଦିନକୁ ଦିନ ଲୋପ ପାଉଥିବା ବେଳେ ରାଜ୍ୟ ସରକାର ଗୋ ହତ୍ୟାକୁ ସମ୍ପୂର୍ଣ୍ଣ ଭାବେ ବନ୍ଦ କରିବାକୁ ଗୁରୁବାର ବଜରଙ୍ଗ ଦଳ ଦାବି କରିଛି । ଏଥ୍ ପାଇଁ ଏକ ଦୃଢ଼ ଆଇନ ପାରିତ, ଗୋ ରକ୍ଷକ ମାନଙ୍କ ଉପରେ ଲଗାଯାଇଥିବା ମିଥ୍ୟା ମାମଲା ରଦ୍ଦ, ଗୋ ତସ୍କରୀ ରୋକିବା ପାଇଁ ଜିଲ୍ଲାରେ ସ୍ୱତନ୍ତ୍ର ଟାସ୍କଫୋର୍ସ ଗଠନ, ଗୋ ତସ୍କର ମାନଙ୍କୁ ଚିହ୍ନଟ କରି ରାଜ୍ୟ ସୁରକ୍ଷା ଆଇନ ଅନୁସାରେ ଦଣ୍ଡିତ, ପ୍ରତି ଜିଲ୍ଲାରେ ଗୋଶାଳା ନିର୍ମାଣ, ଗୋ ଅଧାରିତ ଶିଳ୍ପ ପାଇଁ ଆବଶ୍ୟକୀୟ ତାଲିମ ଓ ଆର୍ଥିକ ପ୍ରୋତ୍ସାହନ ଯୋଗାଇ ଦେବାକୁ ସମ୍ବଲପୁର ଜିଲ୍ଲା ବଜରଙ୍ଗ ଦଳ ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ଜରିଆରେ ଏକ ଦାବିପତ୍ର ପ୍ରଦାନ କରାଯାଇଛି।
           ଏହି ଦାବିପତ୍ର ପ୍ରଦାନ ସମୟ ରେ ପ୍ରାନ୍ତ ସଂଯୋଜକ ସୁଧୀର ରଞ୍ଜନ ବହିଦାର, ଦିନେଶ କୁମାର ସାହୁ, ଆଶୁତୋଷ ବେହେରା, ଆଦିତ୍ୟ ପୁରୋହିତ, ରୋହିତ ମୁଣ୍ଡା, ପିଙ୍କୁ ସାହୁ, ଶେଖର ସ୍ବାମୀ, ଅରୁଣ କୁମାର, ଜୟନ୍ତ ମହାପାତ୍ର,  ଦେବାଶିଷ ରାଉତ ପ୍ରମୁଖ ଉପସ୍ଥିତ ଥିଲେ I ଜ଼ିଲ୍ଲାପାଳ ଙ୍କ ଅନୁପସ୍ଥିତି ରେ ସ୍ୱତନ୍ତ୍ର ଭୁ ଅର୍ଜନ ଅଧିକାରୀ ସରୋଜ ମିଶ୍ର ଦାବି ପତ୍ର ଗ୍ରହଣ କରିଥିଲେ I