18-Jun-2021

 ସମ୍ବଲପୁର,(ସଂଜୀବପାଣିଗ୍ରାହୀଙ୍କରିପୋର୍ଟ):ବାପା ଲିଭର ସିରୋସିସ୍ ଓ ମାଆ କରୋନାରେ ଆର ପାରିକି ଚାଲିଗଲେ । ମାତ୍ର ୪ ଦିନ ବ୍ୟବଧାନରେ ଅନାଥ ହୋଇଗଲେ ଧନକଉଡା ବ୍ଲକ ବିଶାଳଖିଣ୍ଡା ଗାଁର ଜଗଦୀଶ ଷଣ୍ଢ ଓ ଜୟନ୍ତୀ ଷଣ୍ଢଙ୍କ ୧୪ ବର୍ଷର ପୁଅ । ନିଜ ବାପା ମାଆଙ୍କୁ ହରାଇଥିବା ନାବାଳକଙ୍କୁ ଭେଟି ସହାୟତା ହାତ ବଢ଼ାଇଛନ୍ତି ଧନକଉଡ଼ା ବ୍ଲକ ବିଡିଓ ବସନ୍ତ କୁମାର ହାତୀ । ତାଙ୍କ ପରିବାରକୁ ସମବେଦନା ଜଣାଇବା ସହ ଆର୍ଥିକ ସହାୟତା ପ୍ରଦାନ କରିଛନ୍ତି । ଏହାସହ ସମସ୍ତ ସରକାରୀ ଯୋଜନାରେ ତାଙ୍କୁ ସାମିଲ କରିବାକୁ ପଞ୍ଚାୟତ ସମ୍ପ୍ରସାରଣ ଅଧିକାରୀ ବୀରେନ୍ଦ୍ର ପାଢ଼ୀଙ୍କୁ ନିର୍ଦେଶ ଦେଇଛନ୍ତି । ବିଡିଓଙ୍କ ସହ ଚାଇଲଡ୍ ଲାଇନ ସଦସ୍ୟ ଜ୍ୟୋତି ଶତପଥୀ ଓ ନରେଶ ପ୍ରଧାନ, ପ୍ରକୃତିବନ୍ଧୁ ଦେବାଶିଷ ସାହୁ, ସମାଜସେବୀ ଚତୁର୍ଭୁଜ ଗଉଡ଼ିଆ ଏବଂ ସଂକିର୍ତନ ପ୍ରଧାନ ପ୍ରମୁଖ ଉପସ୍ଥିତ ଥିଲେ I