30-May-2021

ବଲାଙ୍ଗୀର,ଟିଟିଲାଗଡ଼ (ପ୍ରେରଣା ଖବର): ଦିନକୁ ଦିନ ସାଇବର କ୍ରାଇମ ବୃଦ୍ଧି ପାଉଥିବା ବେଳେ ବଲାଙ୍ଗୀର ଜିଲ୍ଲାରେ ଏହି ବେଆଇନ କାର୍ଯ୍ୟକଳାପ ବୃଦ୍ଧି ପାଉ ଥିବା ଦେଖା ଦେଇଛି । ପ୍ରକାଶ ଯେ,ଜିଲ୍ଲାର କଣ୍ଟାବାଞ୍ଜି,ଟିଟିଲାଗଡ, ପଟଣାଗଡ଼ ଉପଖଣ୍ଡ ଅଞ୍ଚଳରେ ଏପରି ମାମଲା ଦିନକୁ ଦିନ ବୃଦ୍ଧି ପାଇଚାଲିଛି । ଇତି ମଧ୍ୟରେ ଟିଟିଲାଗଡର ଜଣେ ଝିଅ ନିଜ ପ୍ରେମିକ ସହ ଭିଡିଓ ଭାଇରାଲ ମାମଲା ଜିଲ୍ଲାରେ ଚର୍ଚ୍ଚା ଜୋର ଧରିଥିବା ବେଳେ ଉକ୍ତ ମାମଲା କ୍ରମେ ଟିଟିଲାଗଡ ପୋଲିସ ପ୍ରଶାସନ ପକ୍ଷରୁ ଅଭିଯୋଗ ନେଇ ସବିଶେଷ ତଦନ୍ତ କରି ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରଲ ନେଇ ଗିରଫ କରି କୋର୍ଟ ଚାଲାଣ କରିଥିଲେ । ଉକ୍ତ ଯୁବକଙ୍କ ଜାମିନ ନାମଞ୍ଜୁର ହେବାରୁ ଜେଲ ରେ ଅଛି । ଉକ୍ତ ଅଭିଯୁକ୍ତ ଗିରଫ ହେବା ପରେ କିଛି ଦିନ ବ୍ୟବଧାନରେ ଅନ୍ୟ ଜଣେ ଯୁବକ ଯିଏକି ସମ୍ପର୍କୀୟ ତଥା ସାଙ୍ଗ, ତା ନାମ ଓ ଫୋଟୋରେ ଫେକ  ଆଇ ଡି ତିଆରି କେହି ପୂର୍ବ ଭିଡିଓ, ଫଟୋ ପୋଷ୍ଟ କରିଥିଲା । ତେବେ ଉକ୍ତ ଯୁବକ ଝିଅ କୁ ଜାଣି ନଥିବା ପ୍ରକାଶ କରୁଥିବା ବେଳେ  ଝିଅ ଉକ୍ତ ଯୁବକ ବିରୋଧରେ ଅଭିଯୋଗ କରିଛି । ଏ ନେଇ ତଦନ୍ତ ଚାଲିଥିବା ବେଳେ ବିଶେଷ କରି ଜିଲ୍ଲାର କିଛି ନିର୍ଦ୍ଦିଷ୍ଟ ଗୋଷ୍ଠୀ ଏପରି କରି ପୋଲିସ ଭୟ ଦେଖାଇବା,ବିବାହିତା ବ୍ୟକ୍ତି, ଯୁବକ, ଯୁବତୀ ତଥା ଭଦ୍ର ବ୍ୟକ୍ତିଙ୍କୁ ଠକେଇ କରି ବିପୁଳ ପରିମାଣର ଅର୍ଥ ଆଦାୟ କରାଯାଉଥିବା ଅଭିଯୋଗ ହୋଇଆସୁଛି । ସେହିପରି ସନ୍ତୋଷ ଭୋଇ ନାମକ କେଶରୀଆ ହିନ୍ଦୁ ବାହିନୀ ବଲାଙ୍ଗୀର ଜିଲ୍ଲା ସଭାପତିଙ୍କ ଏପରି କେହି ଫେକ ଆଇଡି ତିଆରି କରି ସେ ଡ଼ାକ୍ତରଖାନାରେ ଗୁରୁତର ଅବସ୍ଥାରେ ଥିବା ବେଳେ ତୁରନ୍ତ ଅପରେସନ ପାଇଁ ଅର୍ଥ ଆବଶ୍ୟକ ବୋଲି ଜଣେଇ ବ୍ୟାଙ୍କ ଆକାଉଣ୍ଟ ନଂ ଦେଇଥିଲେ । ଏ ନେଇ ସେ ଥାନାରେ ଏକ ଏତଲା ଦେଇଥିବା ଜଣାଇଛନ୍ତି । ତେବେ ଏ ନେଇ ଜିଲ୍ଲା ପ୍ରଶାସନ ତରଫରୁ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ ସହ ସାଇବର ସେଲ ସହ ଏକ ସ୍ୱତନ୍ତ୍ର ଟିମ ଗଠନ କରି ଅଭିଯୁକ୍ତଙ୍କୁ ଗିରଫ କରିବା ପାଇଁ ସାଧାରଣରେ ଦାବୀ ପ୍ରକାଶ ପାଇଛି ।