29-May-2021

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ):  ବର୍ତ୍ତମାନ କରୋନା ମହାମାରୀ ତଥା ସରାକରଙ୍କ ଲକ୍ ଡାଉନ ଓ ସଟଡାଉନ ଭିତରେ  ସାଧାରଣ ଖଟିଖିଆ ଲୋକ ବେଶ ପ୍ରଭାବିତ ହୋଇଛନ୍ତି l ଏମାନଙ୍କ ପାଇଁ ଦୁଇ ଓଳି ଦୁଇ ମୁଠା ଖାଇବା ପାଇଁ ମଧ୍ୟ ସଂଘର୍ଷ କରିବାକୁ ପଡୁଛି l ଏପରି ସଙ୍ଗୀନ ସ୍ଥିତିରେ ବିପଦର ବନ୍ଧୁ ସାଜିଛନ୍ତି ସୋନପୁର ର ଏକ ଅନୁଷ୍ଠାନ ବୁଢ଼ାରଜା ଯୁବ ସ୍ଵେଚ୍ଛାସେବୀ ସଂଗଠନ l ରାସ୍ତା କଡରେ ଥିବା ଭୋକିଲା ମାନଙ୍କୁ ରନ୍ଧା ଖାଦ୍ୟ ଯୋଗାଇବା ଠାରୁ ଆରମ୍ଭ କରି ରକ୍ତ ଦାନ ପର୍ଯ୍ୟନ୍ତ ପ୍ରତିଟି ସାମାଜିକ କାମରେ ଏମାନଙ୍କ ଭାଗିଦାରୀ ପ୍ରଶଂସନୀୟ ଅଟେ l କରୋନାର ପ୍ରଥମ ଲହରି ହେଉ କି ବର୍ତ୍ତମାନର ଦ୍ଵିତୀୟ ଲହରୀ, ସବୁବେଳେ ଅସହାୟ ଙ୍କ ସୁଖ ଦୁଃଖର ସାଥୀ ହୋଇଛନ୍ତି ଏହି ଅନୁଷ୍ଠାନ ର ସଭ୍ୟ ମାନେ l କରୋନା କlଳରେ ସହରରେ କାର୍ଯ୍ୟରତ ଟ୍ରାଫିକ ପୋଲିସ ଏବଂ ଶ୍ରମିକ ମାନଙ୍କୁ ରନ୍ଧା ଖାଦ୍ୟ ପ୍ରଦାନ କରି ବୁଢ଼ାରଜା ଯୁବ ସ୍ଵେଚ୍ଛାସେବୀ ସଂଗଠନ ନିଜର ମହାନତାର ପରିଚୟ ଦେଇପାରିଛି l

  ସୁବର୍ଣ୍ଣପୁର ସହରର ଆଉ ଦୁଇ  ଜଣାଶୁଣା ଅଗ୍ରଣୀ ସ୍ବେଛାସେବୀ ସଂଗଠନ ରାଷ୍ଟ୍ରୀୟ ସ୍ୱୟଂ ସେବକ ସଂଘ ଓ ବଜରଙ୍ଗ ଦଳ ମଧ୍ୟ ଏହି ମହାମାରୀ ସମୟରେ ନିଜ ସେବା ମନୋଭାର ପ୍ରଦର୍ଶନ କରି ସମସ୍ତଙ୍କ ପ୍ରଶଂସା ଭାଜନ ହୋଇପାରିଛନ୍ତି l ଲୋକଙ୍କ ବିପଦର ବନ୍ଧୁ 

ସାଜିଥିବା ଏହି ବ୍ୟକ୍ତି ମାନେ ନିଜ ଚାକିରୀ ଓ ବ୍ୟବସାୟରୁ  କିଛି ସମୟ କାଢି  ଅସହାୟ ଓ ରୋଗୀଙ୍କ ସେବାରେ ଲାଗି ପଡିଛନ୍ତି l   ପ୍ରତିଦିନ ସକାଳେ  ସହରର ବସଷ୍ଟାଣ୍ଡ  ଠାରେ ଆର୍ ଏସ୍ ଏସ୍ ଓ ବଜରଙ୍ଗ ଦଳର  କର୍ମକର୍ତ୍ତା  ଲୋକ ମାନଙ୍କୁ  ଆୟୁର୍ବେଦିକ  କାଢ଼l ଚା ବାଣ୍ଟୁଛନ୍ତି    l କୋଭିଡ  ଯୋଦ୍ଧା , ମାନସିକ ବିକୃତ ଲୋକ, ରୋଗୀ ସେବାଶ୍ରମର ଅନ୍ତେବାସୀ, ଭିକାରୀ ଓ ଅସହାୟ ଲୋକଙ୍କୁ ଜଳଖିଆ ଖାଦ୍ୟ ପୁଡିଆ ବାଣ୍ଟୁଛନ୍ତି ଏହି ସେବାକରି ଦଳ l ବିଭିନ୍ନ ସ୍ଥାନରେ ଲୋକଙ୍କୁ  ମାସ୍କ ବଣ୍ଟନ, କୋଭିଡ ସଚେତନତା ସହ ମେଡିକାଲ ରୋଗୀଙ୍କୁ ସାହାଯ୍ୟ, ରକ୍ତଦାନ,  ରକ୍ତ ଦାନ ଶିବିରର ଆୟୋଜନ, ଯୋଗ ପ୍ରଶିକ୍ଷଣ, ଗରିବଙ୍କୁ ପୁରୁଣା ବସ୍ତ୍ର ବଣ୍ଟନ,   ଜରୁରୀ ସେବା  ବେଳେ କୋଭିଡ ରୋଗୀଙ୍କୁ ଆକ୍ସିଜେନ ଯୋଗାଇବା ଏବଂ  ଅଜଣା ଶବ ଓ  ଶବ ସଂସ୍କାର ପାଇଁ ଅସହାୟ ପ୍ରକାଶ କରୁଥିବା ବିଭିନ୍ନ  ପରିବାରକୁ ସମ୍ପୂର୍ଣ ସହାୟତା ପ୍ରଦାନ କରିବା କ୍ଷେତ୍ରରେ ଜିଲ୍ଲାରେ ଅଗ୍ରଣୀ ଭୂମିକା ଗ୍ରହଣ କରିଚ୍ଛନ୍ତି  ଜିଲ୍ଲାର ଏହି ଦୁଇ ସଂଗଠନ l କେବଳ ଯେ ଏଇ ମହାମାରୀ 

ସଙ୍କଟ  ବେଳେ  ନୁହେଁ,  ଲୋକଙ୍କ  ଯେତେବେଳେ ଯାହା ବି  ବିପଦ ସଙ୍କଟ ପଡେ ସଙ୍କଟ ମୋଚନ  ପରି ଛିଡା ହୁଅନ୍ତି ଏଇ ସଂଗଠନର କର୍ମକର୍ତ୍ତା l ନିଷ୍ଠାପର ସେବା କାର୍ଯ୍ୟ  ପାଇଁ ଏହି ଦୁଇ ସାମାଜିକ ଅନୁଷ୍ଠାନ ବର୍ତମାନ ସୁବର୍ଣ୍ଣପୁର ସହରରେ ସମସ୍ତଙ୍କ ପାଇଁ ପ୍ରେରଣାର ଉତ୍ସ ହୋଇଛନ୍ତି l