25-May-2021

ଭଞ୍ଜନଗର (ପ୍ରେରଣା ଖବର ବ୍ୟୁରୋ) ଜଙ୍ଗଲ ଓ ଏହାର ସମ୍ପଦର ସୁରକ୍ଷା କୁ ନେଇ ପ୍ରତ୍ୟେକ ଗ୍ରାମରେ ଗଠନ କରାଯାଇଛି ବନ ସୁରକ୍ଷା ସମିତି କିନ୍ତୁ ବନ ବିଭାଗର ଅପାରଗତା ଫଳରେ ବନ ସୁରକ୍ଷା ସମିତିର ମଧୁ ଚନ୍ଦ୍ରିକାରେ କାଠ ମାଫିଆ ମାଲାମାଲ ହେଉଛନ୍ତି। ଏଭଳି ଏକ ଗୁରୁତ୍ୱର ଅଭିଯୋଗ ଆସିଛି।  ଉତ୍ତର ଘୁମୁସର ମୁଜାଗଡ ବନାଞ୍ଚଳ ଅନ୍ତର୍ଗତ ବିଂଝଗିରୀ ବିଟର ଯୋଗୀମାରି ଗ୍ରାମରୁ ଏଠାରେ

ଭି.ଏସ.ଏସ ଓ କାଠ ମାଫିଆ ର ମଧୁ ଚଦ୍ରିକା ରେ ବେଧକଡ଼ ଗଛ କାଟି ଲୁଟର  ଅଭିଯୋଗ ଆଣିଛନ୍ତି ଗ୍ରାମବାସୀ। ଗ୍ରାମବାସୀ ଆଣିଥିବା ଅଭିଯୋଗ ପ୍ରକାରେ  ଶନିବାର ସକାଳ ସମୟରେ ସମ୍ପୁକ୍ତ ଗ୍ରାମରେ ଜଣେ ବ୍ୟକ୍ତି କୌଣସି ପ୍ରକାରର ବନ ସୁରକ୍ଷା ସମିତିର ଅନୁମତି ନନେଇ ଗ୍ରାମର ଏକ ସ୍ଥାନରୁ ଗଛ କାଟି ଟ୍ରାକ୍ଟର ଯୋଗେ ନେଉଥିବା ବେଳେ ଗ୍ରାମବାସୀ ଏହାକୁ ଅଟକାଇବା ସହ ବନ ସୁରକ୍ଷା ସମିତିର ଅନୁମତି ପତ୍ର ମାଗିବା ସହ କାହା ଅନୁମତି ବନ ସୁରକ୍ଷା ସମିତି ଅଧିନରେ ଥିବା ଏହି ମୂଲ୍ୟବାନ ଗଛ କାଟିଲ ବୋଲି ପ୍ରଶ୍ନ କରିଥିଲେ। ଫଳରେ ସମ୍ପୁକ୍ତ କାଠ ମାଫିଆ ଜଣଙ୍କ କାଠ କୁ ମୁଖ୍ୟରାସ୍ତା କଡରେ ପକାଇଦେଇ ଚାଲି ଆସିଥିଲେ। କିଛି ସମୟ ପରେ ଏହି ଅଂଚଳରେ କାଯ୍ୟରତ ଥିବା ବନ କର୍ମଚାରୀ,ବନ ସୁରକ୍ଷା ସମିତିର କର୍ମକର୍ତ୍ତା ଓ ସମ୍ପୁକ୍ତ କାଠ ମାଫିଆ ଜଣଙ୍କ ମଧ୍ୟରେ ଗୁପ୍ତ ବୈଠକ କରାଯିବା ପରେ ବନ ବିଭାଗ କର୍ମଚାରୀ ଜଣଙ୍କ ଗଛ କାଟି ଥିବା ସ୍ଥାନ ପରିଦର୍ଶନ କରିବା ସହ ଜବତ କାଠ କୁ ଗ୍ରାମକୁ ନେଇଯିବା କୁ ବନ ସୁରକ୍ଷା କର୍ମକର୍ତ୍ତା କୁ କହିଦେଇ ଚାଲି ଯାଇଥିଲେ। ଯାହାକୁ ନେଇ ଗ୍ରାମବାସୀ ମଧୁଚନ୍ଦ୍ରିକାର ଗୁରୁତର ଅଭିଯୋଗ ଆଣିଛନ୍ତି। । ଏ ନେଇ ସମ୍ପୁକ୍ତ କାଠ ମାଫିଆ ଜଣଙ୍କ ଏହି ସବୁ କାଠ କୁ କାଟି ସେ ଗ୍ରାମରେ ନିଲାମ କରି ବିକ୍ରି କରିବାକୁ ସଫେଇ ଦେଇଛନ୍ତି। କିନ୍ତୁ ଏଥି ନିମନ୍ତେ କୌଣସି ପ୍ରକାର ଅନୁମତି ତାଙ୍କ ପାଖରେ ନାହିଁ ବୋଲି କହିଛନ୍ତି। ଏ ନେଇ ଗ୍ରାମରେ ଖବର ଲେଖାଯିବା ସୁଦ୍ଧା ଚାପା ଉତେଜନା ଲାଗିରହିଥିବା ବେଳେ ଗ୍ରାମ

ବାସୀ ମାନେ ବନ ସୁରକ୍ଷା ସମିତିର ମଧୁ ଚନ୍ଦ୍ରିକାରେ ସମ୍ପୁକ୍ତ ବ୍ୟକ୍ତି ଜଣଙ୍କ ପୂର୍ବରୁ ମଧ୍ୟ ଏହି ପରି ଗଛ କାଟି ନେଉଥିବା ଅଭିଯୋଗ କରିଛନ୍ତି। ଆଜି ଧରାପଡି ଯିବାରୁ ଏହାକୁ ସେ ଗ୍ରାମରେ ନିଲାମ ପାଇଁ ନେଉଥିବା ମିଛ କହିଛନ୍ତି । ସେ  କାଟିଥିବା ସମସ୍ତ କାଠ ମୁଖ୍ୟରାସ୍ତା କଡରେ ପଡିଥିବା ବେଳେ ଗ୍ରାମରେ ଚାପା ଉତେଜନା ଲାଗି ରହିଛି। ବନ ବିଭାଗ ପକ୍ଷରୁ କୌଣସି ପ୍ରକାର ପଦକ୍ଷେପ ବର୍ତ୍ତମାନ ସୁଦ୍ଧା ନିଆଯାଇନାହିଁ। ବିଭାଗୀୟ ଉଛ ପଦସ୍ଥ ଅଧିକାରୀ ଏହାର ତଦନ୍ତ କରି କାଯ୍ୟ।ନୁଷ୍ଠାନ ନେବାକୁ ଗ୍ରାମବାସୀ ଅନୁରୋଧ କରିଛନ୍ତି।