21-May-2021

ବଲାଙ୍ଗିର(ପ୍ରେରଣା ଖବର): ସଇଁତଳା ବଡମାଳ ସ୍ଥିତ ଗୋଳାବାରୁଦ କାରଖାନା ଠାରେ ୧ଠଠ ଆଇସିୟୁ ଶଯ୍ୟା ବିଶିଷ୍ଟ କୋଭିଡ ହସ୍ପିଟାଲ ଓ ଅକ୍ସିଜେନ ପ୍ଲାଣ୍ଟ ଦାବି ନେଇ ବଲାଙ୍ଗିର ସାଂସଦ ସଙ୍ଗୀତା କୁମାରୀ ସିଂଦେଦଓ କେନ୍ଦ୍ର ପ୍ରତିରକ୍ଷା ମନ୍ତ୍ରୀ  ରାଜନାଥ ସିଂହଙ୍କୁ ଚିଠି ଲେଖିଛନ୍ତି । ସେ ଚିଠିରେ ଉଲ୍ଲେଖ କରିଛନ୍ତି ଯେ, ପିଏମ୍ କେୟାର ପାଣ୍ଠିରୁ ଦେଶର ବିଭିନ୍ନ ସ୍ଥାନରେ କୋଭିଡ ହସ୍ପିଟାଲ ଓ ୫ଶହ ମେଡିକାଲ ଅକ୍ସିଜେନ ପ୍ଲାଣ୍ଟ ପ୍ରତିଷ୍ଠା କରାଯାଇଛି । ଏଥିରେ କେନ୍ଦ୍ର ସରକାରଙ୍କ ଅଧୀନସ୍ଥ ବିଭିନ୍ନ ପବ୍ଲିକ ସେକ୍ଟର ଅଣ୍ଟରଟେକିଙ୍ଗ(ପିଏସ୍‌ୟୁ)ସଂସ୍ଥା ଗୁଡିକ ମେଡିକାଲ ଭିତ୍ତିଭୂମି ଓ ସୁବିଧା ଉପଲବ୍ଧ କରାଇଛନ୍ତି । ହେଲେ ବଲାଙ୍ଗୀର ଏକ ଶିଳ୍ପବିହୀନ ଅଂଚଳ ହୋଇଥିବାରୁ ଏଠାରେ ସେଭଳି କୌଣସି ବ୍ୟବସ୍ଥା କରାଯାଇ ନାହିଁ । ତେଣୁ ଡିଆର୍‌ଡିଓ ଜରିଆରେ ଏହି ସମସ୍ୟାର ସମାଧାନ କରିବାକୁ ସେ କେନ୍ଦ୍ର ମନ୍ତ୍ରୀ ରାଜନାଥ ସିଂହଙ୍କୁ ଜଣାଇଛନ୍ତି ।