31-Mar-2021

ଭଞ୍ଜନଗର(ପ୍ରେରଣା ଖବର ବ୍ୟୁରୋ): ଗୁଣିଗାରେଡ଼ି ସନ୍ଦେହରୁ ହତ୍ୟା ଅଭିଯୋଗ । ମୃତକ ଧରମା ନାଇକ । ଏପରି ଅଭିଯୋଗ ଆଣିଲେ ମୃତକଙ୍କ ପରିବାର ଲୋକେ । ଗଞ୍ଜାମ ଜିଲ୍ଲା ଭଞ୍ଜନଗର ବଡ଼ଗଡ଼ ଥାନା ଡିମିରି ପଙ୍କାଳ ଗାଁରେ ଘଟିଛି ଘଟଣା । ବଡ଼ଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଜାରି ରଖିଛି ।

ଖବର ଅନୁଯାୟୀ, ଧରମା ମଙ୍ଗଳବାର ରାତି ଠାରୁ ନିଖୋଜ ଥିଲେ । ପରିବାର ଲୋକେ ବହୁଖୋଜି ଖୋଜି ପରେ ବି କୌଣସି ପତ୍ତାମିଳିନଥିଲା । ଶେଷରେ ବୁଧବାର ଦିନ ସକାଳ ସମୟରେ ଡିମିରି ଗାଁ କେନାଲ ନିକଟରେ ଧରମା ନାଇକଙ୍କ ମୃତଦେହ ପଡିଥିବାର ଦେଖିବାକୁ ମିଳିଥିଲା । ଯାହାପରେ ପରିବାର ଲୋକ ଲୋକ ସ୍ଥାନୀୟ ପୋଲିସକୁ ଖବର ଦେଇଥିଲା ।  ପୋଲିସ ଘଟଣାସ୍ଥଳରେ ପହଞ୍ଚି ଛାନ୍‌ଭିନ୍‌ ଜାରି ରଖିଛି ।

ତେବେ ଧରମାକୁ ଗାଁର କିଛି ଲୋକ ଗୁଣିଗାରେଡି କରୁଛି ବୋଲି  ପୂର୍ବରୁ ଧମକ ଦେଉଥିଲେ । ତେଣୁ ତାଙ୍କୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି  ଝିଅ ଏବଂ ଭଉଣୀ l ମୃତଦେହରେ ପଥ ଲଦା ହୋଇଛି । ନିକଟରେ ଧରମାଙ୍କ ସାଇକେଲ ଓ ଚପଲ ପଡିଛି । ସାଇଣ୍ଟିଫିକ୍‌ ଟିମ୍‌ ଘଟଣାସ୍ଥଳରେ ପହଞ୍ଚି ଅଧିକ ଛାନ୍‌ଭିନ୍‌ କଲେ ଅଧିକ ତଥ୍ୟ ସାମ୍ନାକୁ ଆସିବ ବୋଲି ଆଶା କରାଯାଉଛି ।