13-Feb-2021

ବାଲେଶ୍ବର,(ନରେନ୍ଦ୍ର ପ୍ରସାଦ ବେହେରା): ଗଳ୍ପ ଓ ପ୍ରବନ୍ଧ ଗୋଟିଏ ମୁଦ୍ରାର ଦୁଇଟି ପାର୍ଶ୍ଵ କହିଲେ ଅତ୍ୟୁକ୍ତି ହେବନାହିଁ । ଆଜିର ସାହିତ୍ୟ ସମାଜରେ ସାହିତ୍ଯିକା ଓ ସାହିତ୍ୟକ ମାନଙ୍କ ଠାରୁ ଗଦ୍ଯ ସାହିତ୍ୟ ଧୀରେ ଧୀରେ ଦୂରେଇ ଯାଉଥିବା ବେଳେ ୨୦୧୯ ମସିହା ବାଲେଶ୍ବର ଜିଲ୍ଲା ଖଇରା ବ୍ଲକରେ ଗଢିଉଠିଥିବା " ମୋ ଅନୁଷ୍ଠାନ ସାହିତ୍ୟ ସଂସଦ " ଆଳଦା, ଖଇରା,ବାଲେଶ୍ବର ଗଦ୍ଯ ସାହିତ୍ୟର ବିକାଶ ପାଇଁ ପ୍ରତି ମୁହୂର୍ତ୍ତରେ ସଂଗ୍ରାମ କରିଚାଲିଛି । ମୋ ଅନୁଷ୍ଠାନ ହ୍ଵାଟ୍ସଆପ ଏବଂ ଫେସବୁକ୍ ଗୃପରେ ଥିବା ସଭ୍ଯ/ସଭ୍ଯା ମାନଙ୍କୁ ନେଇ ପ୍ରତିମାସ ଓଡିଆ ମାନଙ୍କ ବିଭିନ୍ନ ପର୍ବପର୍ବାଣୀକୁ ପ୍ରାଧାନ୍ୟ ଦେଇ ରାଜ୍ୟ ସ୍ତରୀୟ ଗଦ୍ଯ ସାହିତ୍ୟର ପ୍ରତିଯୋଗିତା ଆରମ୍ଭ କରିଚାଲିଛି ।  ଏଥିରେ ରାଜ୍ୟର ଵିଭିନ୍ନ ଜିଲ୍ଲାରୁ କବି କବୟିତ୍ରୀମାନେ ଅଂଶ ଗ୍ରହଣକରି ପୁରସ୍କୃତ ହୋଇଥାନ୍ତି । ଅନୁଷ୍ଠାନର ସଭାପତି ନାରାୟଣ ଚନ୍ଦ୍ର ସେନାପତି ସମସ୍ତ କାର୍ଯ୍ୟକ୍ରମକୁ ସୁଚାରୁ ରୂପେ ପରିଚାଳନା କରୁଛନ୍ତି । ପ୍ରତିଥର ଶ୍ରୀ ସେନାପତି ପ୍ରସଙ୍ଗ ଦେବା ସହିତ ଫଳାଫଳ ଅନୁଷ୍ଠାନକୁ ଅବଗତ କରାଇବା ପରେ ଘୋଷିତ ହୋଇଥାଏ । ଅନୁଷ୍ଠାନ ତରଫରୁ ଏ ବର୍ଷର ୩ୟ ପର୍ଯ୍ଯାୟ ପାଇଁ ପ୍ରସଙ୍ଗ ଥିଲା ଗଳ୍ପ " ବିଷ ଫଳ '" । ଏଥିରେ ବିଭିନ୍ନ ଜିଲ୍ଲାରୁ ପ୍ରତିଯୋଗୀ ମାନେ ଭାଗନେଇ ଥିଲେ । ସେଥିମଧ୍ୟରୁ ଯାଜପୁର ଜିଲ୍ଲା ଶ୍ରୀରାମପୁର ଅଞ୍ଚଳର ସୁ ଗୃହିଣୀ, ସୁ କବୟିତ୍ରୀ ଓ ସୁ ଲେଖିକା ସରସ୍ବତୀ ପଣ୍ଡା ପ୍ରଥମ ଓ କେନ୍ଦୁଝର ଜିଲ୍ଲା କନକମ୍ପା, ଷଡ଼ଙ୍ଗର ଜଣେ ଉତ୍ତମ ଶିକ୍ଷୟିତ୍ରୀ, ସୁ କବୟିତ୍ରୀ, ସୁ ଲେଖିକା ମମତାମୟୀ ବିଶ୍ବକଲ୍ଯାଣୀ ରାଉତ ଦ୍ବିତୀୟ ସ୍ଥାନ ଅଧିକାର କରି ପୁରସ୍କୃତ ହୋଇ ଗଦ୍ଯ ସାହିତ୍ୟ ତଥା ଜିଲ୍ଲାର ଗୌରବ ବୃଦ୍ଧି କରିଛନ୍ତି । ଏଥିପାଇଁ ଦୁଇ ପ୍ରତିଯୋଗୀଙ୍କୁ ୫୦୧(ପାଞ୍ଚ ଶହ ଏକ)ଟଙ୍କା ପୁରସ୍କାର ସ୍ବରୂପ ପ୍ରଦାନ କରାଯାଇଛି । ଆଗାମୀ ଦିନରେ କୃତି ପ୍ରତିଯୋଗୀ ମାନଙ୍କ ପାଇଁ ଆହୁରି ସୁନ୍ଦର ଓ ମୂଲ୍ୟବାନ ପୁରସ୍କାର ରହିଛି ବୋଲି ଅନୁଷ୍ଠାନର ପ୍ରତିଷ୍ଠାତା ଓ ସମ୍ପାଦକ ନରେନ୍ଦ୍ର ପ୍ରସାଦ ବେହେରା ଗଣମାଧ୍ୟମକୁ ଜଣାଇଛନ୍ତି ।