24-Jul-2026

ନୂଆପଡ଼ା (ରାମନାଥ ପଣ୍ଡା )
ନୂଆପଡ଼ା ଜିଲ୍ଲା ପ୍ରଶାସନ ଦ୍ବାରା ଏକକ ବ୍ୟବହୃତ ପ୍ଲାଷ୍ଟିକ ନିଷେଧ ଓ ଜିଲ୍ଲାକୁ ପ୍ଲାଷ୍ଟିକ ମୁକ୍ତ ଜିଲ୍ଲା ଗଠନ ଅଭିଯାନର ନିୟମିତ ସଚେତନତାର ଆଜି ଏକ ପ୍ରଭାବ ଦେଖିବାକୁ ମିଳିଛି ।ପ୍ରଭୁ ଶ୍ରୀଜଗନ୍ନାଥଙ୍କ ବାହୁଡା଼ ଯାତ୍ରା ଅବସରରେ ତୀର୍ଥ କ୍ଷେତ୍ର ପାତାଳ ଗଙ୍ଗା ଠାରେ ଚାର୍ଟ ଠେଲା ଦୋକାନୀ ଦୟାନିଧି ପାତ୍ର ପାଖରେ ତୀର୍ଥଯାତ୍ରୀ ରୂପେ ଖଡ଼ିଆଳ ନର୍ସିଂ କଲେଜର ଛାତ୍ରୀମାନେ ପହଞ୍ଚିଥିଲେ ଆଉ ଦୋକାନୀ ସେମାନଙ୍କୁ କଞ୍ଚା ପତ୍ରରେ ଚାର୍ଟ ଦେବା ସହ ତାଳ ପତ୍ରର ଚାମଚ ଦେବା ଦେଖିବାକୁ ମିଳିଥିଲା ।ଏହି ପବିତ୍ର ତୀର୍ଥ ସ୍ଥଳରେ ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସ ଅନେକ ଥର  ଏଠାକାର ସଭା ମାନଙ୍କରେ ଯୋଗଦାନ କରିବା ସହିତ ମନ୍ଦିର ମାନଙ୍କୁ ବ୍ଲକ ପ୍ରଶାସନ ମାଧ୍ୟମରେ ଷ୍ଟିଲ ଥାଳି ଓ ଗିଲାସ ଯୋଗାଇଛନ୍ତି ।ଗତ ଜୁନ ମାସ ୧୩ ତାରିଖରେ ପାତାଳ ଗଙ୍ଗାରେ ଏକକ ବ୍ୟବହୃତ ପ୍ଲାଷ୍ଟିକ ନିଷେଧ ଅଭିଯାନ ସମୟରେ ଉପରୋକ୍ତ ଦୋକାନୀଙ୍କୁ ସଚେତନ କରିଥିଲେ ନିଜେ ଜିଲ୍ଲାପାଳ ଆଉ ଆଜି ସେହି ଜିଲ୍ଲା ପ୍ରଶାସନର ପ୍ରଭାବ ଦୋକାନୀ ପାଖରେ ଦେଖିବାକୁ ମିଳିଛି ।